اعمالٚ رسولأن 27:4 - کتاب مقدس به زبان گیلکی - گویش شرقی

⁴ یه بار دء از اوره راهی دریا بوبوئیم، ولی اینه واسه که باد مخالف أمهَ دبو پس مجبور بوبوئیم قبرس او طرف که باد نماء بشیم.

کیتاب مقدّس به گیلکی (رشتی)

⁴ جٚه اویه کشتی اَمرأ رأ دکفتیم تا به طرفٚ اَمی مقصد بیشیم. ولی بادٚ مخالف اینقده زیاد بو کی کشتی‌یَ جٚه خو مسیر خارجَ کوده. هَنٚ وأسی مجبور بوبوستیم جٚه شومالٚ قبرس کی اَمی کشتی‌ره «بادپناه» بو، هو بادٚ کومکٚ اَمرأ حرکت بوکونیم.

Gilaki New Testament

⁴ جٚه اویَه ایوأردِه دریأ رأیَ پیش بیگیفتیم ولی جوری توندٚ بأد جٚه روبرو اَمؤیی کی کشتی رأ جَا بٚدٚرَ بوسته. پس وأدأر بوبوستیم قبرسٚ شومألٚ جَا دٚوأریم کی بأد پنأ بو.

کتاب مقدس به زبان گیلکی - گویش رشت و غرب گیلان

⁴ ایوارده جه اویا راهی دریا بُبوستیم، ولی اَنِه واسی کی باد پسا پسا اَمون دوبو، پس مجبور بُبوستیم جه اُ طرفِ قبرسِ کی باد ناموئی پیش بیشیم.

اعمالٚ رسولأن 27:4 ပူးပေါင်းရင်းမြစ်များ

متّی 14:24

هی موقع، نوء دریا کنارای خیلی دورَ بوُ بو و کولاک میئن دبو، چون باد پساکینه أماده بو.

مَرقُس 6:48

عیسی بدِه که شاگردؤن سختی امره پارو زِئدرَن، چونکه باد برعکس زِئدبو. نزدیک سه نصف شب بو ، و عیسی هوطو که دریا رو راه شو دبو اوشونه نزدیکَ بو و خواس اوشونه کنارای ردَّ بی.

لوقا 8:22

یه روز عیسی خوشِ شاگردؤنِ أمره یکته نوء سوارَ بو و اوشونه بوته: «او طرف دریا بشیم.» پَس پیش بوشوئن.

اعمالٚ رسولأن 13:4

ایطوری او دونفری که روح‌القدس طرفای سرادا بوبؤبوئن، سِلوكیه بندر بوشؤئن و اورای، دریا راهَ جی قبرسِ برسئن.

اعمالٚ رسولأن 15:39

بَرنابا و پولُس میئن اختلاف اَنی زیادَ بو که همدیگرای سیوا بوبوئن. بَرنابا مَرْقُسِ ویته و دریا راهَ جی قبرس بوشو؛

اعمالٚ رسولأن 21:16

بعضی از شاگردؤن که قیصریه شی بوئن اَمه أمره بومَئن و اَمره مِناسون خونه ببوردن تا اونه مهمون ببیم. مِناسون، قبرس شی بو و یکته از قدیمی شاگردؤن بو.

اعمالٚ رسولأن 21:3

قبرس اَمه سمت چپ بدِیم و اورای ردّ بویم، سوریه سو پیش بوشویم. بازین صور بندر دیرون پیاده بوبویم، چونکه اوره بأیستی کشتی بارِ خالی بُوده بوئن.

اعمالٚ رسولأن 27:7

چند روز یواشَی پیش بوشویم و سختی أمره کْنیدوس ساحل برسیم. چون باد مخالف أمه دبو، مجبور بوبوئیم امی مسیر عوضَ کوئنیم و کرتِ جزیره او طرف ا جی که باد نماء حرکت بوئدیم وتا سالمونی شهر پیش بوشویم.

اعمالٚ رسولأن 4:36

یوسفم که لاوی قبیله جی و قبرس شی بو و رسولؤن اونه بَرنابا یعنی ’تشویق ریکه‘ لقب هده بون،