اعمالٚ رسولأن 20:19 - کتاب مقدس به زبان گیلکی - گویش شرقی

¹⁹ چوطو اَرسو فودم و تمام فروتنی أمره خداوندِ خدمت گودم و او سختی أنی که یهودی أن توطئه واسه می سر بومَه، تحمل بُودم.

کیتاب مقدّس به گیلکی (رشتی)

¹⁹ چوطو فروتنی و چومأنٚ گریه مره خوداوندَ خدمت بوکودم و تومامٚ سختی‌یأن و دسیسه‌یأن و بدرفتاری‌یَ کی یهودیأن می سر بأوردیدی، تحمل بوکودم

Gilaki New Testament

¹⁹ می سٚرٚ بیجیر تأوٚدأم و آرسو و آه اَمرأ خوداوندَ خیدمت بوکودم و همیشٚک مٚردنٚ می چومأنٚ جولو دِئیم، چونکی یوهودیأن می کوشتٚنٚ رِه جوفت و کلک دیچِیید.

کتاب مقدس به زبان گیلکی - گویش رشت و غرب گیلان

¹⁹ چُطو آرسو فُکودیم وتمانِ فروتنی اَمرا خُداوندَ خیدمت کودیم، و اُ سختی ئانَ کی یهودیانِ کُوکلا واسی می سر بامو تاب باوَردَم.

اعمالٚ رسولأن 20:19 ပူးပေါင်းရင်းမြစ်များ

لوقا 19:41

پَس عیسی هیطو که اورشلیم نزدیکَ بؤ و شهر بدِه، اونه به ونگ بزه

یوحنا 12:26

اونی که خوائنه مه​خدمت بکونی، بأیستی مَه دومبالَ کونی؛ و جایی که مو ایسَئم، می خدمتکارم ایسَه. کسی که مه خدمت بکونی، می پئر اونه عزت دِئنه.

اعمالٚ رسولأن 17:13

ولی وختی تِسالونیكی یهودی أن بفَهمسَن که پولُس بیریه شهر دیرونم خدا كلامِ اعلام كوئنه اوره بوشؤن و مردم تیرا گودن و شهر دیرون آشوب راه تودَئن.

اعمالٚ رسولأن 17:5

ولی یهودی أن حسودی بودن و یسری بازار شریر آدمون جومَه گودَن و یکته دسته راه تؤدَئن و شهر دیرون بلوا بودَن. یهودیون، پولُس و سیلاس گیتنِ به یاسون خونه سو حمله بودن تا اوشونه مردم میئن بیرون بأرن.

اعمالٚ رسولأن 20:3

پولوس سُه ماه اوره بِیسه. هوموقع که خواستی کشتی أمره سوریه بشی، یهودی أن اونه ضید توطئه بودن. پس تصمیم بیته تا مقدونیه راهَ جی وگردی.

اعمالٚ رسولأن 20:31

پس واخوب ببین و بخاطر بأرین که مو سه سال تمام، شبنده روز، می اَرسونِ أمره، یه لحظه هم شمه هشدار دئن اجی دست وینتم.

اعمالٚ رسولأن 21:27

چیزی به آخر هفت روز تطهیر رسم و رسوم نمؤنسه بو که چند ته یهودی که آسیا شی بوئن، پولُسِ، معبد دیرون بدِئن. اوشؤن جماعتِ کوکَ گودَن و پولُس بیتَن،

اعمالٚ رسولأن 27:23

چون هی دیشؤ یکته از خدا فرشته، اوخدایی که اونه شی ایسم و اونه خدمت کائدرم، می ورجه بِیسه

رومیأن 1:1

پولُس اجی، مسیح عیسی نوکر، کی رسالت واسی دوخونده ببو و خُدا انجیلِ به وقف بوبو؛

رومیأن 1:9

چون خُدایی کی اونه می تموم دیل و جون همرا، اونِ پسر انجیل کار مئن خدمت کادرم، او می گوا کی چطو همیشک می دعائانِ مئن همه وقت شمره یاد ابئنم

رومیأن 12:11

هرگی شیمئه غیرت خدا به سوست نبون؛ روح مئن بلأگیرین و خُداوندَ خدمت بوکونین.

دوم قرنتیان 2:4

چونکه خیلی غم و غصه همرا و بشکسه دیل و ارسودکته چوشمون هما شیمه به بنویشتم، نه اینکه شمره غصه داراکونم، بلکه تا بودونین چنی زیاد شمره دوست دانم.

دوم قرنتیان 3:5

نه کی خودمون لیاقت بداریم کی ایدعا بوکونیم که امئه دس اجی یک چی بر انه، بلکه امئه لیاقت خدا یاجی ایسه.

دوم قرنتیان 7:5

چونکه حتی وقتی که امه مقدونیهَ فارسیم، امئه تن ایستراحت نوده، بلکه هر ور اجی امه مصیبت مئن دبیم، بیرین دعوا مرافعه داشتیم و دیل مئن ترس.

غلاطیأن 1:10

یعنی ألؤن مو مردوم تأییده خأنم یا خدا تأییده؟ یا تقلا کأدرم مردومه راضی بوکونم؟ أگر هندئه مردومه راضی گودن دومبال دبوم، مسیح نؤکر نوبؤنأبوم.

افسسیان 6:7

خورم نیت همأ خدمت بوکونین، اوجور کی بخألئه خداونده خدمت کأدرین نه اینسونه،

فیلیپیان 3:18

چونکی مو چندین دفأ اوشؤن باره شمره بوته دأنم و حتی ایسه نی می أرسؤن همرأ گونم، خیلئن، مسیح صلیب دوشمنون مورسون کردکار دأنن.

کولسیان 3:24

چونکی دؤنین شیمئه پاداش ایرثی ایسه کی خداوند أجی هگینین. شمه خداوند مسیحه خدمت کأدرین.

اوّل تسالونیکیان 1:9

چونکه اوشؤن خودشؤن این أجی گب زئنن کی چوطؤ شمه گرمی همأ أمئبه پیشأشو بیتین، و این أجی کی چوطؤ بتؤنه دس ویتین و خدا ور وگرسین تا زینده و حقیقی خدا خدمت بوکونین.

دوم تیموتائوس 1:4

وقتی تی أرسو فودنه یاد أبئنم، آرزو کؤنم تأ بینم تا شادی جی پورأبوم.

یعقوب 1:2

می برارؤن، هرموقع جور واجور امتحونونِ میئن دَکَتین، اوشونه یکته پیله شادی بدونین!

۱پطرس 1:6

و این وأسی خیلی خوشحالین، هرچند که ألؤن أننی زمت اگر لازیم بوبؤ جورواجور أزمیتؤن مئن غمگینأبؤین،

دوم پطرس 1:1

شمعون پطرس أجی، عیسی مسیح رسول و نؤکر، اوشؤن ئبه کی بواسیطه خدا عیدالت و أمئه نجات دهنده عیسی مسیح، یکته ایمؤن، أمئه ایمون مورسؤن اوشؤن نصیب بوبؤ:

موکأشفه 7:15

هین وأسئه که: «ایشؤن خدا تخت جلؤ ایسأن، و اون معبد مئن شبنده روز اونه خدمت کؤنن، و او تخت نیشین خوشه حضور همرأ اوشؤنه سرپناه هدئنه.