اعمالٚ رسولأن 19:9 - کتاب مقدس به زبان گیلکی - گویش شرقی

⁹ ولی بعضی أن، زیر بار نوشون و ایمؤن نأردن و همکس چشم جلو، ’اهل طریقت‘ یعنی ایمون دارون بد گوتن. پولُس اوشونِ ندئه بو گیت و شاگردؤنِ خوش أمره ویت، همته روز تیرانوس مدرسه دیرون گب زی و دلیل أبرد.

کیتاب مقدّس به گیلکی (رشتی)

⁹ ولی بعضیأن سرسختی کودیدی، ایمأن نأوردیدی و همه کسٚ ورجأ، جٚه «مسیحٚ رأ و روش» بد گفتیدی. پس پولُس خو یارأنَ اوسأده و جٚه اوشأنٚ ورجأ سیوأ بوکوده. همه‌تأ روز تالارٚ سخنرانی‌یٚ تیرانوسٚ دورون مردومٚ‌ره گب زه‌یی.

Gilaki New Testament

⁹ ولی ایتأ عیده سٚرکش و لجبأز بوبوستٚد و ایمأن اَوٚردٚنٚ جَا تمرد بوکودٚد، و مردومٚ چومأنٚ ورجأ «طریقتَ» بد گفتیدی. پس پولس اوشأنَ بٚنأ بوشؤ و ایمأندأرأنَ خو اَمرأ ببرد. بأزون هرتأ روج تیرانوسٚ گب زِئن تألأرٚ میأن بوگو بشتأو وأسی مردومَ جمَ کودی.

کتاب مقدس به زبان گیلکی - گویش رشت و غرب گیلان

⁹ ولی بعضیان، زیر بار نُشوئید و ایمان ناوردید و همه کَس چومِ جُلُو، ’اهل طریقت‘ یعنی ایمان داران بَدیَ گُفتیدی. پولُس اوشانَ نیده بو بیگیفت و شاگردانَ خو مرا اوساد و همتا روج، تیرانوس مدرسه درون گب زئی و دلیل آوردی.

اعمالٚ رسولأن 19:9 ပူးပေါင်းရင်းမြစ်များ

متّی 15:14

اوشونه وا بدین. اوشؤن کورِ راهنما ایسّن. هر وخت یکته کور، عصا کشِ یکته کوره دیگه ببی، هر دو ته چاه میِن کِئنَن.»

متّی 16:4

نسلِ شرور و زناکار نیشؤنه خوائنه، امّا نیشؤنه​یی اوشونه هَدأ نبئنِه جز یونس پیغمبر نیشونه.» پس اوشونه ورجای راه دکته و خوشِ راه بوشو.

متّی 26:55

هی موقع عیسی رو به جماعت بوته: «مگر مو راهزنم که کولاکت و شمشیرِ اَمره می گیتَنه بِه بوماین؟ مو هر روز معبدِ میئن نیشَنَم و تعلیم دِئنَم و مه نَیتین.

یوحنا 12:40

«خدا، اوشونه چیشمونِ کوره گوده، و اوشونِ دیلؤنِ سنگَ گوده، تا خوشؤنِ چیشمونِ اَمره نَینَن، و خوشؤنِ دیلونِ اَمره نفهمَن، و وأنگردَن تا ایشؤنه شفا بَدِم.»

اعمالٚ رسولأن 11:26

وختی شائولِ بیاتّه، اونه بأرده انطاکیه. ایشؤن اوره یک سالِ تمؤم كلیسا آدمون أمره جومَه بوئن و یکته پیله جماعتِ تعلیم دَئن. اَنطاكیه دیرون بو که اولی بار عیسی شاگردؤنِ ’مسیحی‘ دوخؤندَن.

اعمالٚ رسولأن 14:4

ولی او شهر مردوم دو گروه بوبوئن؛ یکته گروه یهودی أن جی طرفداری گودَن و اویکته رسولؤنای طرفداری گودن.

اعمالٚ رسولأن 17:4

بعضی از ایشون قانع بوبوئن، که پولوس و سیلاسِ همراه بوبوئن و هیطورم یکته پیله جماعت ، خدا پرست یونانیون و سرشناس زنأكؤن جی هم ایسابوئن.

اعمالٚ رسولأن 19:23

هی میئنه، ضد اهل ’طریقت‘ یعنی ایمون دارون، یکته پیله بلوا برپا بوبؤ.

اعمالٚ رسولأن 19:30

پولُس خوأس جماعت دیرون بشی، امّا شاگردؤن نوگذاشتن.

اعمالٚ رسولأن 20:31

پس واخوب ببین و بخاطر بأرین که مو سه سال تمام، شبنده روز، می اَرسونِ أمره، یه لحظه هم شمه هشدار دئن اجی دست وینتم.

اعمالٚ رسولأن 22:4

مو اوشونی که ’طریقت‘ اهل بوئن تا سرحد موردن آزار دَئم و زن و مردِ گیتم و زندونِ میئن توئدَم.

اعمالٚ رسولأن 24:21

جز اونکه اوشؤن میئن بلند صدا أمره بوُتم: ” مرده أنِ زنده بوئنِ وسه ایسه که امروز شمه ورجه محاکمه بوئدرم.“‌»

اعمالٚ رسولأن 28:22

ولی خوائنیم تی نظرؤنِ بشتؤئیم، چون دؤنیم که مردم هر جا بر ضد ایی فرقه گب زِئدرن.»

اعمالٚ رسولأن 7:51

« ای سرکشِ مردوم، ای كسؤنی که شیمه دیل و شیمه گوشؤن ختنه نوُبو! شمه همیشه روح القدس ضد مقاومت کوئنین، هیطو که شمه پئرؤن کائدرن شمه هم کائدرین.

اعمالٚ رسولأن 9:2

و اونای، دمشق عبادتگاه أنِ به نؤمه بخواسّه تا اوشونی که عیسی دومباله روء ایسّن و اوشونِ اهل طریقت گوتن، چی زن و چی مرد بگیره و، اورشلیم بأرِ.

رومیأن 11:7

بعد چی؟ ای كی، او چیَ کی اسرائيل مردوم ذوق و شوق همرا، اونِ گیتنِ دومبال دبو، بدَس نارده، دوجئرون بدَس باردن، ولی الباقی سخت ديلیَ دُوچارَ بون،

رومیأن 9:18

پس خُدا هرکسَ کی بخا رحم کونه و هرکسَ کی بخا سنگدیل چاکونه.

اوّل قرنتیان 16:9

چونکه یکته پیله دروازه خدمت واسی مئبه بازَ بو که خیلی فایده دانه، و دوشمنونم زیادن.

اوّل تیموتائوس 6:5

و دائم مردوم مئن جنگ و جدال باعیث بنه کی ایشؤن فیکر بپیسئه و حقیقت أجی بینصیب ایسن و خیال کؤنن کی دینداری یکته وسیله ایسه منفعت ئبه.

دوم تیموتائوس 1:15

دؤنی که آسیا ولایت مردوم همه مأ دست ویتن، که اوشؤن مئنه فیگلوس و هرموگنس نی درن.

دوم تیموتائوس 3:5

ظاهیر مئن دیندارن، ولی اون قدرته حشا کؤنن. ایطؤچی کسؤن أجی دور بیس.

دوم تیموتائوس 4:2

خدا کلؤمه اعلؤم بوکون و وقت و بی وقت آماده ببأش، زیاد صبر و کامیل تعلیم همأ، ایصلاح و تشر و تشویق بوکون.

عبرأنیأن 3:13

بلکه هر روز، تا وقتی که اونه گونین ’ایمروز‘، همدیگرِ اندرز بدین تا هیشکس شیمه میئنای گناه فریب وأسی، اون دیل سنگانبی.

دوم پطرس 2:12

ولی اوشؤن، حَیوؤنه مؤنن کی شعور ندأنه و خوشؤن طبیعته دومبال کؤنن و دونیا بمأن تا اسیر ببون و هلاکأبون، و او چیزؤنئه کی مننئن بفهمن فحش دئنن و خوشؤن فساد مئن هلاک خأ ببون.

دوم پطرس 2:2

خیلئن ایشؤن بی عیفتئن دومبال دکئنن و هیشؤن خؤنی، حقیقت راه کفر گونن.

یهودا 1:10

ولی ایشؤن او چئه کی نشناسنن تؤهین کؤنن، اوشؤن بی شعور حَیوؤنؤن جور هر چیزی کی غریزه أجی فهمنن، هو، ایشؤن نابودی باعیث بنه.