اعمالٚ رسولأن 19:27 - کتاب مقدس به زبان گیلکی - گویش شرقی

²⁷ و ایی خطر هنه که نه فقط اَمه کاسبی رونق جی دَکای، بلکه اَمه معبد پیله الهه آرتمیسم هیچ ببی و حتی خو عظمت از دست بدی. الهه ای که سرتاسر آسیا و دنیا میئن پرستش کوئنن.»

کیتاب مقدّس به گیلکی (رشتی)

²⁷ پس نه فقط اَ خطر وجود دأره کی اَمی کاسبی جٚه رونق دکفه، بلکی اَمی پیله الهه آرتِمیسٚ معبدم کوچیکَ به و خو جلالَ جٚه دس دهه، اون کی آسیا و سرتاسرٚ دونیا میأن پرستش به.»

Gilaki New Testament

²⁷ و فقد اَمی کسب و کأر کسأتَ نیبه، بلکی حتّا ایمکأن دأره اَمی اَ الهه معبد، آرتمیس، مردومٚ چوم و دیلٚ جَا بٚکفه و اَ خودایی کی پور جٚه جلال ایسه جٚه خأطر بشه، او خودا کی نه فقد تومأمٚ آسیا مردوم بلکی تومأمٚ دونیأ سرتأسرٚ مردوم اونَ عیبأدت کونٚده.»

کتاب مقدس به زبان گیلکی - گویش رشت و غرب گیلان

²⁷ و اَ خطر نئه کی نه فقط اَمی کسب و کار، رونقِ جا دکفه بلکی آرتمیس، اَمی پیله الهه معبدَم هیچ بِبه و حتی خو عظمتَ جه دَس بدِه. الهه ای کی سرتاسر آسیا و دُنیا درون پرستش کونید.»

اعمالٚ رسولأن 19:27 ပူးပေါင်းရင်းမြစ်များ

متّی 23:13

«وای بر شمه تورات معلمون و فریسی أن، ای ریاکارؤن! شمه آسمون پادشاهی دَرِ مردُم بِه دَودَنین، خودتؤن دیرون نشنین و جلوی اوشونی هم که راه میئن درن و خوائنن دیرون بوشونم گینین. [

متّی 24:14

و ایی پادشاهی خوروم خبر تموم دنیا اعلؤم بنه تا هَمته قومؤنِ به گوائی ببی، هووخت دنیا به آخر رَسنه.

اعمالٚ رسولأن 19:10

دو سال ایطوری بوگذشته و ایی مدت میئن، تمام آسیا ولایت مردمون چی یهودی و چی یونانی، خداوندِ کلام بشتؤسَن.

اعمالٚ رسولأن 19:21

بعد ایی اتفاقون، پولُس، خدا روح أمره هدایت بوبو که مقدونیه و اَخائیه راهَ جی، اورشلیم وگرده. پولس بوته: «بعد از اینکه اوره بوشوئم، بأیستی روم شهر بینَم.»

اوّل تیموتائوس 6:5

و دائم مردوم مئن جنگ و جدال باعیث بنه کی ایشؤن فیکر بپیسئه و حقیقت أجی بینصیب ایسن و خیال کؤنن کی دینداری یکته وسیله ایسه منفعت ئبه.

اوّل یوحنا 5:19

أمه دوئنیم که خدا جی ایسّیم، و تموم دنیا او شریرِ قدرت جیر هنّه.

موکأشفه 13:3

او وحشی جؤنورِ یکته سرؤن، بخألئه یکته کوشنده جیجا ویته بو، اما او کوشنده جیجا خوبأبؤبو. تمؤم زمین ماتأبؤن و او وحشی جؤنور أجی پیروی بودن.

موکأشفه 13:8

و همه ته اوشؤن کی زمین سر ایسأن و او وحشی جؤنوره پرستش کؤنن -یعنی هرکس که اون ایسم، بره حیات دفتر مئن بنویشته ننأ، هو بره کی قبل ای کی دونیا خلق ببون قوربؤنی بوبؤبو.

موکأشفه 14:9

بأزون یکته د فریشته، یعنی سومته فریشته، او دوته دومبالسر بمأ و یکته پیله دوخؤن همأ بوته: «اگر یگ نفر او وحشی جؤنور و اون مجسمهَ پرستش بوکونه و خوشه پیشؤنی یا خوشه دست سر اون نوشؤنه قبول بوکونه،