اعمالٚ رسولأن 19:26 - کتاب مقدس به زبان گیلکی - گویش شرقی

²⁶ امّا هیطوکه اینین و ایشتؤنین، ایی پولُس نه فقط افسُس شهر دیرون بلکه تقریباً سرتاسر آسیا میئن، خیلی از مردمونه قانع و گمراه بُوده. او گونه خداأنی که آدم دست أمره چاگوده بوبؤ، خداأن نین.

کیتاب مقدّس به گیلکی (رشتی)

²⁶ ولی هوطو کی دینیدی و ایشنَویدی، پولُس نه فقط اَفِسُسٚ میأن، بلکی سرتاسرٚ آسیا میأن، خیلی‌یأنَ وأگردأنه و گمراه بوکوده. اون گه خودایأنی کی بشرٚ دسٚ جأ چأکوده‌بوبوسته، اونَ دِه خودا نشأ گفتن.

Gilaki New Testament

²⁶ ولی هوطو کی دأنیدی و بیدِه و بشتأوستیدی، اَ پولس خٚیلیأنَ قأنع بوکوده کی اَ بُتأنٚ خودا نییٚده. جٚه اَ خأطر اَمی بأزأر کسأتَ بوسته! اَطو نییٚه کی فقد اَمأن افسُس میأن ضرر دینیمی، بلکی اَمی همکأرأن تومأمٚ آسیا سرتأسرٚ میأن ورشکستَ بٚدأ.

کتاب مقدس به زبان گیلکی - گویش رشت و غرب گیلان

²⁶ ولی هَطوکی دینیدی و ایشتاویدی، اَ پولُس نه فقط اِفِسُس شار دِرون، بلکی تقّریبا سرتاسر آسیا درون، خَیلی جه مردومَ قانع و گُمرا بُکوده دَره. اون گه خُدایانی کی آدمی دَس مرا بساخته بُبوسته خُدایان نیئیدی.

اعمالٚ رسولأن 19:26 ပူးပေါင်းရင်းမြစ်များ

اعمالٚ رسولأن 14:15

«ای مرداكؤن، چرِه ایطوری كؤنین؟ امَرَم شیمه مورسون، آدمیم. امه شمره خوروم خبر دئنیم که ایی بیخودِ کارونَ جی دست ویگیرین و خدای زنده ایمؤن بأرین که آسمؤن و زمین و دریا و هر چیزی که اوشونه میئن هَنّه، خلق بوده.

اعمالٚ رسولأن 17:29

«الون چون که خدا نسلیم، دُرست نیه ایطوری فكر بكونیم که خدا، نقره و زر و یا یکته سنگ مورسونه که آدم هنر و خیالات أمره یکته مجسمه مورسون ببی که تراش بوخورده ببی.

اعمالٚ رسولأن 18:19

وختی اَفِسُس شهر برسه، پولس خو همسفرؤنِ جی جدا بوبو و خودوش عبادتگاه بوشو بینا بوده یهودی أن أمره گب زئن.

اعمالٚ رسولأن 19:1

وختی که آپولُس قُرنتُس شهر دیرون ایسا بو، پولُس او ولایت راه اجی که خشکی بو ردّ بو، افِسُس شهر برسه. اوره چند ته شاگرد بیأته

اعمالٚ رسولأن 19:10

دو سال ایطوری بوگذشته و ایی مدت میئن، تمام آسیا ولایت مردمون چی یهودی و چی یونانی، خداوندِ کلام بشتؤسَن.

اعمالٚ رسولأن 19:25

دیمیتریوس صنعتکارؤن و ای جور کارونه صاحبؤنِ جومَه گوده و اوشونه بوته: «ای آقاأن، دؤنین که امی درآمد ای راه اجی ایسه .

اوّل قرنتیان 12:2

دوئنین که وقتی بت پرست بین، گومراها بوین و لالِ بتؤن سو هکشئه بوین. به هر حال هرجور که بو شمره هکشونین.

اوّل قرنتیان 8:4

پس پیشکشی غذائان خوردن باره که بتون ئبه پیشکش بنن، دونیم که ای دنیا مئن بت هیچه ، و به جز یکته خدا ، خدای دیگر نیسه ،

غلاطیأن 4:8

پیشتر، او زمت کی خدا نشناختین، یگ سری چیزؤن نؤکرئه گودین که حقیقتا خدایؤن نئن.

اوّل تسالونیکیان 1:9

چونکه اوشؤن خودشؤن این أجی گب زئنن کی چوطؤ شمه گرمی همأ أمئبه پیشأشو بیتین، و این أجی کی چوطؤ بتؤنه دس ویتین و خدا ور وگرسین تا زینده و حقیقی خدا خدمت بوکونین.

موکأشفه 9:20

بقیه آدمؤن، کی ای سوته بلا یأجی بکوشته نوبؤن، نه خوشؤن دست کارؤن أجی تؤبه بودن و نه دیوؤن پرستش گودن أجی و نه طلایی بتؤن و نقره ای و برنجی و سنگی و چوبی بتؤن پرستش أجی؛ کی نه تینن بینن و نه ایشتؤنن و نه راه شنن.