اعمالٚ رسولأن 19:13 - کتاب مقدس به زبان گیلکی - گویش شرقی

¹³ پس چند ته دورَه گرد جن گیر که یهودی بوئن، حق سعی بودن عیسای خداوند ایسم کسونی بِه که پلید ارواح دأشتَن، بخونن. اوشؤن گوتن:«به او عیسایی که پولُس اونای موعظه کوئنه شمره قسم دِئنیم!»

کیتاب مقدّس به گیلکی (رشتی)

¹³ پس چند نفر جٚه جادوگرأنٚ دوره‌گردٚ یهودی‌یم هَه کارَ بوکودیدی، بوشوییدی کسأنی ورجأ کی پلیدٚ روحأن دأشتیدی، خوداوند عیسی نامَ دوخوأدیدی و گفتیدی: «به نامٚ عیسایی کی پولُس به اون موعظه کونه، شمرَ بیرونَ کونیمی!»

Gilaki New Testament

¹³ ایوأر ایتأ عیده جٚه یوهودیأن کی خأنه بٚدوش بود و اَ شهر او شهر گردستیدی و پٚلیدٚ روحأنٚ بیرونَ کودن وأسی ورد خأندیدی، خأستید ایمتحأن بوکوند کی اگه عیسای خوداوندٚ نأمَ ببرد، تأنٚده پٚلیدٚ روحأنَ جٚه آزأریأنٚ جأن بیرونَ کونٚد یا نه. او وردیٚم کی خأندیدی اَن بو: «اَی پٚلیدٚ روح، هو عیسایی‌یَ کی پولس اونی جَا موعیظه کونه، تٚرَه قسم دیهیمی کی اَ آزأری جأنٚ جَا بیرون بأیی!»

کتاب مقدس به زبان گیلکی - گویش رشت و غرب گیلان

¹³ پس چن تا دوره گرد جِنگیر کی یهودی بید، تَقلاّ بُکودید عیسیِ خُداوند نامَ اوشان ره کی پلید ارواح دَشتید بخوانید. اوشان گُفتیدی: «به اُ عیسی کی پولُس اونَ موعظه کونه شمرأ قسم دئیم!»

اعمالٚ رسولأن 19:13 ပူးပေါင်းရင်းမြစ်များ

متّی 12:27

و اگه مو بَعِلزِبول یاری أمره دیوؤنِ بیرونَ کوئنم، شیمه شاگردؤن کی یاری أمره اوشونه بیرونَ کؤئنن؟ پس اوشون، خوشؤن شیمه داورؤن بنن.

متّی 26:63

امّا عیسی هوطو ساکت بیسه. پیله کاهین اونه بوته: «تَه قسم دِئنم به خدای زنده که، اَمره بگو اگه تو مسیح موعود ایسّی، خدا ریکه.»

مَرقُس 5:7

پیله صدا امره ژَگَلَه بزِه: «ای عیسی، خُدای متعال ریکه، تو می أمره چی کار دئنی؟ تَه، خُدا قسّمِ دِئنم که مَه عذاب ندی!»

مَرقُس 9:38

یوحنا عیسی بوته: «اوستاد، یه نفر بدِئم که تی ایسم أمره دیونِ بیرونَ گود، امّا چونکه از أمه نَبو، اونه جُلُوئه بَیتیم.»

لوقا 11:19

اگه مو بِعلزبول یاری امره دیوؤنِ بیرون کوئنم، شیمه شاگردؤن کی یاریِ أمره اوشونه بیرونَ کُوئنن؟ پَس ایشون، شمره قضاوت کوئنن.

لوقا 9:49

یوحنا بوته: «اوستاد، یکنفره بدِئم که تی ایسم امره دیو بیرونَ گود، امّا چون از اَمه نُبو، اونه جُلُوئه بَیتیم.»

اعمالٚ رسولأن 19:14

اوشونی کی ایطو گودَن، اِسکیوا هفتِ ریکه بوئن که یکته از پیله کاهنون یهود بو.

دوم قرنتیان 11:4

چونکه اگر یک کس شیمئه ورجه با و یکته عیسی جوز او عیسی که امه شمره اعلوم بودیم اعلوم بوکونه یا اگه شمه یکته روح جوز روح القدس کی هیتین هگیرین یا اگر یکته انجیل پيغوم جوز او انجیل پیغوم کی قبول بوده بین قبول بوکونین شمه راحت اونه تحمل کونین.