اعمالٚ رسولأن 18:6 - کتاب مقدس به زبان گیلکی - گویش شرقی

⁶ اما وختی یهودیون، پولس أمره مخالفت بودن و عیسی فحش بدئن، پولس او شهر گرد و خاکه ضد اوشون خوش رخته جی فلاکنه و اوشونه بوته: «شیمه خون شیمه گردنه! مو تقصیرکار نیم! بزین، غیریهودی أن ورجه شنَم.»

کیتاب مقدّس به گیلکی (رشتی)

⁶ ولی چون اونٚ اَمرأ مخالفت بوکودیدی و اونَ ناسزا بوگفتیدی، اعتراض کونان خو لیباسٚ خاکَ بتکأنه و اوشأنَ بوگفته: «شیمی خون شیمی گردن دکفه! من اونٚ جأ مبرایم. بأزین غیریهودیأنٚ ورجأ شم تا اوشأنٚ رِه گب بزنم.»

Gilaki New Testament

⁶ ولی وختی یوهودیأن اونی اَمرأ موخألفت بوکودٚد و فأش بٚدأده، پولس او شهرٚ گرد و خأکَ خو لیوأس جَا بتکأنه و بوگفته: «شیمی خون شیمی گردن بٚبه! شیمی خون می گردن ننأ. جٚه اَنٚ پٚسی خودا پیغأمَ اوشأنی‌یَ کی یوهودی نییٚده فأرسأنم.»

کتاب مقدس به زبان گیلکی - گویش رشت و غرب گیلان

⁶ ولی وقتی يهوديان پولُس مرا مخالفت بُکودید و عيسیَ فاش بدئید، پولُس اُ شار گرد و خاکَ ضد اوشان خو رخت جا بتاکانه و اوشانَ بگفت: «شیمی خون شیمی گردن ببه! من تخصیر کار نیئَم. بازین پس غیر یهودیانِ ورجه شم.»

اعمالٚ رسولأن 18:6 ပူးပေါင်းရင်းမြစ်များ

متّی 10:14

اگه ینفر شمره قبول نوده و شیمه گبونِ گوش ندِئنه، وختی که اونه خونه یا شهرای خوانین بشین، شیمه پِا خاکِ فلاکنین.

متّی 21:41

اوشون جواب بدئن: «او بیرحم آدمونِ بیرحمی أمره سربه نیستَ کوئنه و انگورباغِ، باغبونونِ دیگه مناسبه هدِئَنه، تا اونه بارِ بموقع اونه هدِئن.»

متّی 21:43

پس شمره گونم که خدا پادشاهی شیمه جَی هَیته بنه و قومیه هَدأ بنه که، اونه بارِ هدأی.

متّی 22:10

نوکرون کوچه​أن مِیئن بوشوُئن و هر کیِ پیدا گودَن، چی خوب و چی بد، خوشؤنِ اَمره بأردن و عروسی تالار، مهمونؤنَ جی پوره بوُ.

متّی 27:25

مردوم همه جواب بدئن و بوتن: «اونه خون امه گردن و امه زاکؤنِ گردن ببی!»

متّی 8:11

و شمره گونم که خیلی‌أن شرق و غربای هنن و آسمؤنِ پادشاهی میئن، ابراهیم واسحاق و یعقوبِ اَمره یکته سفره‌سر نیشَنن،

لوقا 22:65

و خیلی گبون أمره اونه توهین بودن.

لوقا 9:5

اگه مَردم شمره قبول نودَن، اوشونه شهرای شوئن زمون، شیمه پائان خاکَ فلاکنین تا بودونن که خدا غضب اوشؤنه سر هنه.»

اعمالٚ رسولأن 13:51

پولس و بَرنابا هم، اوشهر خاکَ، خوشؤنِ پاأنِ جی ایشؤن ضید، فلاکنِئن و بوشؤن شهر قونیه.

اعمالٚ رسولأن 26:11

چندین بار ایشؤنِ مجازات به ای عبادتگاه جی عبادتگاه دیگه شوئم و حقسعی گودم ایشونِ وادارم کفر بوگوئن. اینقدر اوشون جی غیظ داشتم که حتی دور دراز شهرونم اوشونه تعقیب گودم.

اعمالٚ رسولأن 26:20

بلکه اوّل اوشونی که دمشق دیرون ایسابوئن، بازین اورشلیم و تمؤم یهود ولایت، و غیر یهودی أن میئنم ایی پیغؤم اعلام بودَم که بأء توبه بکونن و خدا سو وگردن و خوشونه کارون أمره نشون بدن که توبه بوئدن.

اعمالٚ رسولأن 28:28

«پس بودؤنین که خدا نجات غیر یهودی أن ورجه سرا دا بوبؤ، و اوشون گوش خانن گودن!»[

رومیأن 3:29

مگه خُدا هچی یهودیئنِ خُدا ایسه؟ مگه غیر یهودئنِ خُدا نئه؟ البته کی او، غیر یهودئنِ خُدائم ایسه.

اوّل تیموتائوس 5:22

این وأسئه که یگ نفره خدمت ئبه اینتخاب بوکونی عجله نوکون، دیگرؤن گوناهؤن مئن شریکأنبو، تأ پاک بدأر.

دوم تیموتائوس 2:25

خأن مخالفؤنه نرمی همرأ تصحیح بوکونه، بلکی خدا اوشؤنه تؤبه عطا بوده تا حقیقته بشناسن،

۱پطرس 4:14

أگه مسیح نؤم وأسی شمره فحش بدأن، خوش به حال شمه، چونکی جلال روح کی خدای روح ایسه شیمئه سر قرار گینه.

۱پطرس 4:4

ألؤن کی شمه ای بی‌حد و حیساب هرزگی مئن ایشؤن همأ شریک نین، حأیرؤنن و شمره فحش دئنن.