اعمالٚ رسولأن 18:4 - کتاب مقدس به زبان گیلکی - گویش شرقی

⁴ پولس هرته مقدس شنبه عبادتگاه دیرون یهودی أن و یونانی أن أمره بحث گود و حقسعی گود تا اوشونِ قانع بکونی.

کیتاب مقدّس به گیلکی (رشتی)

⁴ اون هر شبّات، کنیسه دورون یهودیأن و غیریهودیأنٚ اَمرأ کله گب زه‌یی و تومامٚ خو سعی‌یَ کودی کی اوشأنَ قانع بوکونه.

Gilaki New Testament

⁴ پولس هرتأ شبّأت شؤیی کنیسه‌ و یوهودیأن و یونأنیأنٚ اَمرأ بوگو بشتأو کودی و حقٚ سعی زِئی کی اوشأنَ خو اَمرأ هم نظر چأکونه.

کتاب مقدس به زبان گیلکی - گویش رشت و غرب گیلان

⁴ پولُس هر مُقدّسِ شنبه عبادتگا درون یهودیان و یونانیان مرا بحث کودی و تقّلا کودی اوشانَ قانع بُکونه.

اعمالٚ رسولأن 18:4 ပူးပေါင်းရင်းမြစ်များ

لوقا 16:31

ابراهیم اونه بُوته: ”اگه موسی و پیغمبرون گوش ندین، حتی اَگه کَسی مُرده أنای زنده ببی، قانع نَبَنَن.“‌»

لوقا 4:16

پَس عیسی ناصره شهر که اونه میئن پیله بوبُو بو بومَه و یهودی أن مقدس شنبه میئن، بنا به خو عادت عبادگاه یهود میئن بوشؤ. و خو پَاسه بیسه تا خدا کلامِ بوخؤنی.

یوحنا 7:35

پس یهودی أن همدیگره گوتَن که: «ایی مردکه کوره خوأنه بشی که أمه منیئم اونه بیاجیم؟ خوأئنه یهودی أن ورجه که یونانی أنِ میئن پخشَ بوئن بشی و یونانی أن باموجی؟

اعمالٚ رسولأن 13:14

ولی اوشؤن پِرجه شهرَ جی ردَّ بوئن و اَنطاكیه شهر که پیسیدیه ولایت میئن هنه بو، برسئن. مقدس شنبه روز ، عبادتگاه دیرون بوشون و بنیشتن.

اعمالٚ رسولأن 14:1

پولُس و بَرنابا قونیه شهر دیرون یهود عبادتگاه بوشؤئن و جوری گب بزِئن که خیلی از یهودی أن و یونانی أن ایمؤن بأردَن.

اعمالٚ رسولأن 17:11

ای یهودین، او یهودین ا جی که تِسالونیكی دیرون زندگی کادبون نجیب‌تر بوئن. اوشون ذوق أمره پیغؤمِ قبول بودن و هر روز مقدس بنویشته أن خواندن تا بینَن پولس و سیلاس گب، خدا کلوم مورسون ایسه یا نه؟

اعمالٚ رسولأن 17:17

هینه وَسه، عبادتگاه دیرون یهودی أن و یونانی أن امره که خداپرست بوئن، و اوشونی أمره که هر روز بازار میئن شوئن أمن گودن بحث گود.

اعمالٚ رسولأن 18:13

اوشون بوتَن: «ایی آدم مردم قانع کوئنه که خدا، خلاف شریعت پرستش بکونَن.»

اعمالٚ رسولأن 18:19

وختی اَفِسُس شهر برسه، پولس خو همسفرؤنِ جی جدا بوبو و خودوش عبادتگاه بوشو بینا بوده یهودی أن أمره گب زئن.

اعمالٚ رسولأن 19:26

امّا هیطوکه اینین و ایشتؤنین، ایی پولُس نه فقط افسُس شهر دیرون بلکه تقریباً سرتاسر آسیا میئن، خیلی از مردمونه قانع و گمراه بُوده. او گونه خداأنی که آدم دست أمره چاگوده بوبؤ، خداأن نین.

اعمالٚ رسولأن 19:8

بازین پولُس یهودیونه عبادتگاه بوشو، اوره سه ماه جرأت أمره گب زئ و دلیل آبرد و خدا پادشاهی باره، اوشون قانع اگود.

اعمالٚ رسولأن 26:28

آگریپاس پولُس بوته:«به هی زودی خوأئنی مه قانع بکونی که مسیحی بوبوم؟»

اعمالٚ رسولأن 28:23

پس یه روز معین بودن و خیلی أن او جایی که پولُس زندگی گود بومَئن تا اونه بَینن. پولُس صوب تا شؤ، خدا پادشاهی باره توضیح بده و گب بزه و حقسعی بوُده تا موسی تورات و پیغمبرؤن کیتاب أمره، اوشون قانع بکونی که عیسی قبول بکونن.

اعمالٚ رسولأن 9:20

او تند تندی یهودِ عبادتگاه أن میئن شروع بوده ایی پیغوم اعلوم گودَن که عیسی خدا ریکاکه.

دوم قرنتیان 5:11

پس چونکی دونیم خداوند ترس معنی چیسه، مردومه قانع کونیم. ولی او چی کی ایسیم خدای ئبه آشکاره و امید دانم کی شیمئه وجدون ئبه ام آشکار ببون‌.