اعمالٚ رسولأن 18:3 - کتاب مقدس به زبان گیلکی - گویش شرقی

³ و اینه واسه که اونم ایشون مورسون سابقه خیمه دوزی داشت، اوشونه ورجه بِیسه و مشغول به كار بوبؤ.

کیتاب مقدّس به گیلکی (رشتی)

³ و چون اونم اوشأنٚ مأنستن خیمه‌دوز بو، اوشأنٚ ورجأ بِیسه و مشغول به کار بوبوسته.

Gilaki New Testament

³ پولس اوشأنی ورجأ بئیسأ و کأر کودنَ موشغول بوبوسته چونکی اونم اَشأنٚ مأنستَن چأدر دؤختی.

کتاب مقدس به زبان گیلکی - گویش رشت و غرب گیلان

³ و چون اَنه واسی کی اونم اَشان مانستن سابقه یِ خیمه دوجی دَشتی، اَشان ورجه بأسا و مشغول کار بُبوست.

اعمالٚ رسولأن 18:3 ပူးပေါင်းရင်းမြစ်များ

اوّل قرنتیان 4:12

خودمون دست اجی کار کوئنیم و زحمت کشنیم. وقتی امره نیفرین بکونن، اوشونئه دعای خیر کونیم، و وقتی امره اذئت بکونن، دووم ابئنیم؛

اوّل قرنتیان 9:14

هین واسه، خداوند حوکم بوده اوشونی که انجیلِ اعلوم کونن، خا خوشون روزیه انجیل جی بدس بارن.

اوّل قرنتیان 9:15

ولی مو هیته ایی حق و حقوقَ جی ایستفاده نودم و اینم ننویسنم تا ای کاره می حق میئن بکونین. چون بمیرم بهتره تا یگ نفر می ای ایفتخاره هیچاکونی.

اوّل قرنتیان 9:18

پس می پاداش چیسه؟ اینکه انجیلِ مجؤنی موعظه بکونم و او حق و حقوقیه که اون اجی دانم هیچ هنگیرم.

دوم قرنتیان 11:7

مگر گوناه بودم کی مأ کوچیکاگودم تا شمه سربولند ببین، چونکی خدا انجیل پیغومه موفتی شیمئبه اعلوم بودم؟

دوم قرنتیان 11:9

و ای زمت کی شیمئه مئن ایسابوم و محتاج بوم هیکس کول سر هيچ باری ننابوم، چون او برارون کی مقدونیه ولایت اجی بمابون می احتیاجاته برطرفاگودن. و مو هيچ رقم باری شیمئه کول سه ننابوم و ننئنم.

دوم قرنتیان 12:13

چونکی چی مئن الباقی کلیسائان اجی کمتر شمره لطف بوبو جوز ای کی مو خودم یکته بار شیمئه کول سر نبوم؟ می ای خطا ببخشین!

اوّل تسالونیکیان 2:9

چون شمه أی برأرؤن، أمئه زحمت و کار گودنه یاد دأنین: کی شؤ و روز کار گودیم تا او زمت کی خدا انجیله شیمئبه اعلؤم کؤنیم، هیکس سربار نبیم.

اوّل تسالونیکیان 4:11

و آرزو بوکونین که آرؤم زیندگی بدأرین و شیمئه سر شیمئه کار مئن دبون، شیمئه دستؤن أجی کار بوکونین، هوجور که أمه شمره دستور بدأیم.