اعمالٚ رسولأن 18:28 - کتاب مقدس به زبان گیلکی - گویش شرقی

²⁸ چون همه کس چشم جلو، یهودی أنِ أمره گب زی و اوشونِ عقایدِ قوت أمره رد گود و مقدس بنویشته أن أمره ثابت گود که مسیح موعود هو عیسی ایسّه.

کیتاب مقدّس به گیلکی (رشتی)

²⁸ چونکی همه‌تأنٚ ورجأ، یهودیأنٚ اَمرأ گفتگو کودی، اوشأنٚ عقایدَ، دلایلٚ قوی اَمرأ ردَ کودی و کیتاب موقدّسٚ اَمرأ ثابت کودی کی عیسی، هو مسیح ایسه.

Gilaki New Testament

²⁸ چونکی همٚتأنٚ ورجأ، تومأمٚ یوهودیأنٚ دلیلأنَ رٚدَ کودی و موقدس کیتأبأن جَا پور قوّت دلیلأن اَوٚردی کی عیسا رأس‌رأسِی هو مسیح ایسه.

کتاب مقدس به زبان گیلکی - گویش رشت و غرب گیلان

²⁸ چونکی همه کَس چوم جُلُو یهودیان مرا بحث کودی و اوشانِ عقایدَ قوت مرا ردّا کودی، و مُقدّس بینیویشته ئان اَمرا ثابت کودی کی مسیح موعود هو عیسی ایسه.

اعمالٚ رسولأن 18:28 ပူးပေါင်းရင်းမြစ်များ

لوقا 1:80

و امّا او زاک پیله بؤدبو و روح میئن، قوی بؤدبو، و تا او روز که قوم اسراییل به خدمت بکونی، بیابون میئن سر گود.

لوقا 24:27

عیسی، بازین از موسی و همۀ پیغمبرون شروع بوده و اوچیزی که تموم مُقدس کِتابؤن میئن درباره او بوته بوبوُ بو، ایشونِ به گب بزه.

لوقا 24:44

هوموقع عیسی ایشونه بوته: «ایی هو ایسّه که او زمون شیمه اَمرَه بوم گوتَم؛ ایی که تُمؤم اوچیزایی که موسی تورات و پیغمبرون کِتابون و مزامیر میئن درباره مو بنویشته بوبوُ، باید به انجوم برسی.»

یوحنا 5:39

شمه مقدس نیویشته أنِ دقت امره خوبِئنین، چونکه فکر کؤنین بواسطه او ابدی زندگی پیدا کوئنین، حله که هی نیویشته أن می باره گوایی دِئنن.

اعمالٚ رسولأن 17:3

و اوشونه به توضیح دَ، دلیل اَرد که لازم بو مسیح موعود عذاب بكشی و مُرده‌أنِ جی زنده ببی. بوته: «ایی ایسه عیسی که اونه شیمه بِه اعلام کوئنم، هو مسیحِ موعود.»

اعمالٚ رسولأن 18:25

خداوندِ راه میئن تعلیم هیته بو و شورو شوق أمره گب زی و عیسی باره درست تعلیم داء، هرچند که فقط یحیی تعمیدَ جی خبر داشت.

اعمالٚ رسولأن 18:5

وقتی سیلاس و تیموتائوس مقدونیه جی بومئن، پولُس خوش تمام وقتِ خدا كلام به بنه بو ، یهودی أنِ گواهی دائ که مسیح موعود هو عیسی ایسه.

اعمالٚ رسولأن 8:35

بازین فیلیپُس بینا بودِه گب زِئن و هو قسمت مقدس كتاب جی شروع بودِه و خب خبر که عیسی باره بو خواجه بوته.

اعمالٚ رسولأن 9:22

ولی شائول هر روز بیشتر قوت گیت و دلیلؤنی اَرد که نشاست اوشونه ردَ گودن و دمشق یهودی أنَ به زانو تؤدَه و ثابت گود که عیسی هو مسیح موعود ایسّه.