اعمالٚ رسولأن 17:32 - کتاب مقدس به زبان گیلکی - گویش شرقی

³² وقتی اوشون مُرده‌أنِ زنده بوئن باره بشتؤسَن، بعضی‌أن روخشنیتن، ولی بقیه بوتَن: «خوأنیم ایی قضیه باره هنده تی جی بشتوئیم.»

کیتاب مقدّس به گیلکی (رشتی)

³² وختی کی موضوع‌یٚ کسأنی کی میریدی و دوواره زنده بیدی بیشتأوستیدی، بعضی‌یأن مسخره بوکودیدی ولی چند نفر بوگفتیدی: «اَمأن خوأییم ایتأ فرصتٚ دیگر جٚه اونچی کی بوگفتی بیشنَویم.»

Gilaki New Testament

³² وختی بشتأوستٚده کی پولس ایتأ بٚمٚرده آدمٚ دروأره کی زٚنده بوسته گب زِئندره، اونَ رخشنَ گیفتٚد. ولی ای عیده‌یٚم بوگفتٚده: «خأییمی جٚه اَ مأجیرأ ایوأردِه اَمِرِه گب بزنی.»

کتاب مقدس به زبان گیلکی - گویش رشت و غرب گیلان

³² وقتی اوشان مُرده ئان زنده بوستن باره بیشتاوستید، بعضیان رخشن بزه ئید، ولی بَقیه بگفتید: «خوائیم بازم اَنِ باره تی جا بیشتاویم.»

اعمالٚ رسولأن 17:32 ပူးပေါင်းရင်းမြစ်များ

لوقا 14:18

امّا اوشون هرته بهونه باردن. یکته بوته: ” یکته بیجار بَیِم که باید بوشوم اونه بینَم. خواهش کُوئنَم مَه عفو بکون.“

لوقا 22:63

اوشؤنی که عیسی بیته بون، اونه روخشنایتن و زِئن،

لوقا 23:11

هیرودیس و اونه سربازؤن هم عیسی بی حرمتی گودَن و اونه رَوخشنَ گیتن. بازین یکته شاهؤنه ردا اونه بپوشونِئن و پیلاتُس ورجه وگاردوئنِئن.

لوقا 23:36

سربازؤن هم اونه رُخشنَ گیتَن. ایشون عیسی ورجه بومئن، ترشَ بوُ شراب اونه هَدَن

اعمالٚ رسولأن 13:41

«” بَینین، ای شمه که روخشنهَ گینین حیرونَ بین و هلاك بین، چون شمه دورؤنِ دیرون كاری کوئنم، که هرچی اونه شمه به بوگوئن هرگی باور نوکؤنین.“»

اعمالٚ رسولأن 17:18

بعضی از اپیكوری و رواقی فیلسوفؤنم اونه أمره بینا به بحث بوئدن. یسری از اوشؤن گوتن: «ایی مفت گب زن چی دئنه بوگؤی؟» دیگرؤن گوتن: «انگاری غریبه خداأنِ تبلیغ کأدره.» چونکه پولُس، عیسی و مرده أنه زنده بوئن باره ایشونِ به گب زی.

اعمالٚ رسولأن 17:31

چونکه او یکته روز تعیین بوده که اونه دیرون بواسطه یکته مرداک که معین بودِه، دنیا عدالت أمره داوری کوئنه، و اونه زنده گودنِ أمره مُرده‌أنَ جی، همّته ایی کارَ جی مطمئَن گوده.»

اعمالٚ رسولأن 17:33

پس پولُس اوشونه جمع ا جی بوشؤ.

اعمالٚ رسولأن 2:13

اما بعضی أنم روشخنیتن و گوتن: «ایشون تازه شرابَ أمره مست بوبوئن!»

اعمالٚ رسولأن 24:25

وقتی پولُس، صالحی بوئن و پرهیزگاری و داوری آینده جی گب بزه، فِلیکس بترسه و بوته: « تا ایره ده بسِه! الون تینی بشی. یکته وخت دیگه میئن هنده ته دوخبِئنم.»

اعمالٚ رسولأن 25:19

بلکه فقط یکی دوته مسئله سر خوشؤنِ دین باره و عیسی ایسم باره که بمورده و پولُس ادّعا کوئنه که زنده ایسّه، بگو مگو بوئدن.

اعمالٚ رسولأن 26:8

چرِء شمه نظر میئن اینکه خدا مرده أن زنده کوئنه اینقدر عجیب ایسه؟

اوّل قرنتیان 1:23

ولی أمه مصلوبابو مسیحه موعظه کونیم که یهودی أنِ به سنگئه مونه که گرادئنه و غیر یهودی أن به نادونیه،

اوّل قرنتیان 15:12

ایسه اگه اعلوم بنه که مسیح بمرده أنَ جی زینده وابؤ، چوطو ایسّه که بعضی از شمه گونین بمرده أن زنده وانبنن؟

اوّل قرنتیان 4:10

أمه مسیح وسه نادون ایسیّم، ولی شمه مسیح میئن حکیمین! أمه ضعیفیم، ولی شمه قوی ایسیّن! شمه ارج و قرب دانین ولی امه بی حرمتیم!

دوم قرنتیان 6:2

چونکی خدا اشعیای پیغمبر کیتاب مئن گونه: «مناسب وقت مئن، تأ آؤجا بدام، و نجات روز مئن، تی یاور بوبوم.» ایسه، الون خدا مناسب وقته؛ ایسه، الون نجات روز ایسه.

عبرأنیأن 11:36

بعضئن دسپرأگیته بوبؤن و فلکأبؤن و حتی زنجیل همره دبسته بوبؤن و زیندون دکتن.

عبرأنیأن 13:13

پس بأین امرم ای اردوگاه جی بیرین بأیم و اون ورجه بشیم و اون ننگ و خواری مئن شریک ببیم.