اعمالٚ رسولأن 17:1 - کتاب مقدس به زبان گیلکی - گویش شرقی

¹ پولُس و سیلاس آمفیپولیس و آپولونیا شهر جی بوگذشتن و بومَئن تِسالونیكی شهر، که اوره یهودی أن عبادتگاه دأشتَن.

کیتاب مقدّس به گیلکی (رشتی)

¹ پولُس و سیلاس، جٚه شهرأنٚ آمْفیپولیس و آپولونیا بوگوذشتیدی و به تَسالونیکی فأرسه‌ییدی کی یهودیأن اویه کنیسه دأشتیدی.

Gilaki New Testament

¹ اَشأن آمفیپولیس و آپولونیا شهرأنٚ جَا دٚوأرٚستٚده و فأرٚسِده تسالونیکی میأن. او شهرٚ میأن یوهودیأن ایتأ کنیسه‌ دأشتیدی.

کتاب مقدس به زبان گیلکی - گویش رشت و غرب گیلان

¹ پولُس و سیلاس آمْفیپولیس و آپولونیا شاران جا بُگُذشتید و تِسالونیکی شار فارسه ئید، کی اویا یهودیان، عبادتگا دَشتیدی.

اعمالٚ رسولأن 17:1 ပူးပေါင်းရင်းမြစ်များ

اعمالٚ رسولأن 14:1

پولُس و بَرنابا قونیه شهر دیرون یهود عبادتگاه بوشؤئن و جوری گب بزِئن که خیلی از یهودی أن و یونانی أن ایمؤن بأردَن.

اعمالٚ رسولأن 15:21

چون موسی از قدیم، هرته شهرِ میئن کسونیِ داشت که اونه به موعظه بکونن، هوطو که هرته مقدس شنبه دیرون اونه بنویشته أنِ یهودِ عبادتگاه أنِ میئن خوبِئنن.»

اعمالٚ رسولأن 16:13

مقدس شنبه روز، او شهرَ جی بیرون بوشویم و روخونه كنار برسیم، گومان گودیم که اوره دعا بِه، جایی هَنّه بی. بنیشتیم و زنأكؤنی أمره که جومَه بوبؤئن، گب بزیم.

اعمالٚ رسولأن 17:10

برأرؤن درجا هو شؤ، پولُس و سیلاسِ بیریه شهر سرا دئن. وختی اوشؤن او شهر برسِئن، یهودین عبادتگاه دیرون بوشؤئن.

اعمالٚ رسولأن 17:11

ای یهودین، او یهودین ا جی که تِسالونیكی دیرون زندگی کادبون نجیب‌تر بوئن. اوشون ذوق أمره پیغؤمِ قبول بودن و هر روز مقدس بنویشته أن خواندن تا بینَن پولس و سیلاس گب، خدا کلوم مورسون ایسه یا نه؟

اعمالٚ رسولأن 17:13

ولی وختی تِسالونیكی یهودی أن بفَهمسَن که پولُس بیریه شهر دیرونم خدا كلامِ اعلام كوئنه اوره بوشؤن و مردم تیرا گودن و شهر دیرون آشوب راه تودَئن.

اعمالٚ رسولأن 20:4

پولوس همراه أن ایشون بوئن: سوپاتِر، پیرروس ریکه که بیریه شی بو، آریستارخوس و سِکونُدوس که تسالونیکی شی بوئن، گایوس وتیموتائوس که دِربِه شی بوئن، تیخیکوس و تروفیموس که آسیا شی بوئن.

اعمالٚ رسولأن 27:2

پس یکته کشتی که اَدرامیتینی و آسیا ولایت بندرؤن شوئدبو، سوار بویم و راه دکتیم. آریستارخوس مقدونی أم که تِسالونیکی شی بو اَمه أمره ایسا بو.

فیلیپیان 4:16

حتی او زمت کی تسالونیکی شهر مئن ایسأبوم، شمه می احتیاجات ئبه کمک سرأدأین و هندئه سرأدأین.

اوّل تسالونیکیان 1:1

پولس و سیلاس و تیموتائوس أجی، تسالونیکی شهر کلیسا به، کی خدای پئر و خداوند عیسی مسیح مئن درن: فیض و صلح و سلامتی شیمئبه بأ.

اوّل تسالونیکیان 2:2

بلکه هرچند قبلتر فیلیپی شهر مئن عذاب بکشیم و أمره بدی بودن اوجور کی خجالت آور بو، هوطؤ کی دؤنین، ولی أمه أمئه خدا کمک أجی جرأت بودیم تا خدا انجیله خیلی مخالفتؤن مئن شمئبه اعلؤم بوکونیم.

دوم تسالونیکیان 1:1

پولس و سیلاس و تیموتائوس أجی، تسالونیکی شهر کلیسا به که أمئه پئر، خدا، و خداوند عیسی مسیح مئن درن:

دوم تیموتائوس 4:10

چونکی دیماس، ای دونیا دوست دأشتن وأسی، مأ دست ویته و تسالونیکی شهر بوشؤ. کریسکیس بوشؤ غلاطیه منطقه و تیتوس نی دلماتیه منطقه بوشؤ دأنه.