اعمالٚ رسولأن 16:16 - کتاب مقدس به زبان گیلکی - گویش شرقی

¹⁶ یبار أمه او جایی که دعا گودیم شو دبیم، که یکته کولفت بدِیم که غیبگویی روح داشت . او فالگیری أمره سود زیادی خوشه اربابؤنِ بِه رسؤنی.

کیتاب مقدّس به گیلکی (رشتی)

¹⁶ ایتأ روز کی شوئون دیبیم روخانٚ کنار کی محلٚ دوعا کودن بو، ایتأ کنیزَ بیده‌ییم کی اسیرٚ روحٚ ناپاک بو و طالع‌بینی اَمرأ خو اربابأنَ سودٚ فراوان فأرسأنه‌یی.

Gilaki New Testament

¹⁶ ایتأ روج کی شؤئؤندیبیم او دوعأ جیگأ روخأنٚ ورجأ، ایتأ کنیزَ بیدِییم کی پٚلیدٚ روح اونَ اسیرَ کوده بو و فأل گیفتی و جٚه اَ رأ خٚیلی ایستفأده خو اربأبأنَ فأرٚسأنِیی.

کتاب مقدس به زبان گیلکی - گویش رشت و غرب گیلان

¹⁶ ایوار اَمان اُ جیگائی کی اویا دُعا کودیم شئون دیبیم، ایتا کولفتَ بیده ئیم کی ایتا روح دَشتی کی تانستی اون اَمرا غیبگوئی بُکونه. اون فالگیری اَمرا خو اربابانَ خَیلی سود فارسانه ئی.

اعمالٚ رسولأن 16:16 ပူးပေါင်းရင်းမြစ်များ

اعمالٚ رسولأن 16:13

مقدس شنبه روز، او شهرَ جی بیرون بوشویم و روخونه كنار برسیم، گومان گودیم که اوره دعا بِه، جایی هَنّه بی. بنیشتیم و زنأكؤنی أمره که جومَه بوبؤئن، گب بزیم.

اعمالٚ رسولأن 16:18

او کولفت خیلی روزون ای کار گود. سرآخر پولُس صبر به سربومَه و وگرسه و او کولفت روح بوته: « عیسی مسیح ایسم أمره تَه دستور دِئنَم که ایی لاکؤکا جی بیرون بأی!» هو دم روح او لاکؤکا جی بیرون بومَه.

اعمالٚ رسولأن 16:19

ولی او کولفت اربابؤن وختی بدِئن اونی که اون أمره کاسبی گودن برباد بوشؤ خوشون امید از دست بدان، پولُس و سیلاس بیتن و اوشونِ هکش دکش أمره شهر میدون دیرون، رئیسون ورجه ببردن.

اعمالٚ رسولأن 19:24

یکته نقره کار که اینه ایسم دیمیتریوس بو، نقره ای چیزونِ آرتمیسِ معبد به چاگود و ایی راهَ جی صنعتگرونِ به خیلی درآمد کسب بُوده بو.

غلاطیأن 5:20

بت‌پرستی و جادوگری؛ دوشمنی، جنگ و دعوا، حسودی، غیظ؛ زیاده‌خواهی، تفرقه، دسته دسته گودن،

اوّل تیموتائوس 6:10

چونکی پولدوستی هر رقم بدی ریشه ایسه. و هی پول حیرص وأسئه کی بعضئن ایمؤن أجی دورأبنن و خوشؤنه یک عالم درد مئن گیرفتارأکؤنن.

دوم تیموتائوس 3:8

هوجور کی ینیس و یمبریس موسی همأ بیناگودن مخالفت گودن، ای مرداکؤنم حقیقت همرأ مخالفت کؤنن، کی ایشؤن فیکرؤن خرابه و ایشؤن ایمؤن ردّه.

دوم پطرس 2:3

و خوشؤن طمع راه مئن، دورؤغ گبؤن همأ، شمره غارت کؤنن. ایشؤن محکومأبؤن کی قبلترؤن تعیین بوبؤ، ایشؤن رافا ایسأ و ایشؤن نابودی نخوته!