اعمالٚ رسولأن 15:7 - کتاب مقدس به زبان گیلکی - گویش شرقی

⁷ بعدِ خیلی بحث گودن، سرآخر پطرس ویریسَه و ایشؤنه بوته: «ای برأرؤن، شمه خودتون دوئنین که اولی روزؤن، خدا مَه شیمه میئنای انتخاب بوده تا غیریهودی أن می زبؤنه أمره انجیل پیغؤم بشتوئَن و ایمؤن بأرَن.

کیتاب مقدّس به گیلکی (رشتی)

⁷ آخرٚ سر بعدٚ گبأنٚ زیادی، پطرس ویریشته و اوشأنَ بوگفته: «اَی برأرأن، شومأن دأنیدی کی پیشتر، خودا مرَ جٚه شیمی میأن اینتخاب بوکوده تا غیریهودیأن می جأ خبرٚ خوشٚ انجیلَ بیشنَوید و ایمأن بأورید.

Gilaki New Testament

⁷ اَ شورأ میأن، خٚیلی بوگو موگو کودنٚ پٚسی، پطرس ویریشته و اَشأنَ بوگفته: «برأرأن، شومأن همٚتأن دأنیدی کی خٚیلی زمأت پیشتر خودا مٚرَه جٚه شیمی میأن اینتخأب بوکوده کی اینجیلٚ پیغأمَ اوشأنی‌یَ فأرسأنم کی‌ یوهودی نوبود کی اَشأن اونَ بشتأوٚد و ایمأن بأوٚرٚد.

کتاب مقدس به زبان گیلکی - گویش رشت و غرب گیلان

⁷ بعداَنکی خَیلی بحث بُکودید، آخربسر پِطرُس ویریشت و اَشانَ بگفت: «اَی براران، شُمان دانیدی کی اولّتا روجان درون، خُدا مَره جه شیمی میان انتخاب بُکود تا غیر یهودیان می زوان اَمرا انجیل پیغامَ بیشتاوید و ایمان باورید.

اعمالٚ رسولأن 15:7 ပူးပေါင်းရင်းမြစ်များ

یوحنا 15:16

شمه نبین که مه انتخاب بودین، بلکه مو شمره انتخاب بودَم و شمره سرادئم که بشین و میوه بأرین و شیمه میوه بمؤنی، تا هرچی پئرَ جی به ایسم مو بخوأین، شمره هدای.

یوحنا 3:27

یحیی اوشؤنِ جواب بده: «هیشکس مَنِئه هیچی بدست بأری مگر اونکه خدا جَی اونه هدَه بوبو بی.

اعمالٚ رسولأن 1:16

و بوته: «ای برأرؤن، مقدس بنویشته أن پیشگویی باء حقیقت پیدا گوده بی. او بنویشته أنِ میئن خیلی وخت پیش روح‌القدس، داوود زبون أمره یهودا باره پیشگویی بودِه بو. او کسی باره که عیسی دستگیر کننده أن راهنما بو.

اعمالٚ رسولأن 1:24

بازین اوشؤن ایطوری دعا بودَن که: «خداوندا، تو همکسِ دیلونَ جی خبر دَئنی. تو خودت، أمره نیشون بدی که کویکته از ایی دو نفر انتخاب بودی

اعمالٚ رسولأن 10:19

هوطو که پطرس او رویا که بده فكر كادبو، خدا روح اونه بوته: «بَین، سُه نفر تی دومبال گردنن.

اعمالٚ رسولأن 10:20

ویریس و جیر بشو و شك نكون که اوشونِ أمره بشی، چونکه مو اوشونه سرادَئم.»

اعمالٚ رسولأن 13:2

وختی که اوشون روزه داشتَن و خداوند پرستش کأدبؤن، روح‌القدس بوته: «بَرنابا و شائولِ او كار واسه که مو ایشؤنِ اونه بِه دوخُندم مِه بِه سیوا بکونین.»

اعمالٚ رسولأن 15:14

شمعون بوته که چوطو خدا اولین بار غیریهودی أنِ لطف بوده، اوشون میئنای مردمی خوشِ ایسم به انتخاب بوده.

اعمالٚ رسولأن 15:2

بازین پولُس و بَرنابا خیلی اوشؤنِ أمره بحث و مخالفت بودَن، قرار بر ایی بوبؤ که او دو نفر چند ته ایماندارؤنِ أمره، اورشلیم شهر بوشؤئن و ایی مسئله‌ رسولؤن و شیخون أمره در میؤن بنِئن.

اعمالٚ رسولأن 15:39

بَرنابا و پولُس میئن اختلاف اَنی زیادَ بو که همدیگرای سیوا بوبوئن. بَرنابا مَرْقُسِ ویته و دریا راهَ جی قبرس بوشو؛

اعمالٚ رسولأن 20:24

ولی مو، هم می جؤنِ هم می زندگی بی ارزش دوئنم. فقط اگه بتؤنم می دوره تمنه کونم و خدمتیِ که خداوند عیسی جی هیتَم، تا به آخر برسونَم، و خدا فیض و خدا خورم خبر به شهادت بدم.

اعمالٚ رسولأن 21:16

بعضی از شاگردؤن که قیصریه شی بوئن اَمه أمره بومَئن و اَمره مِناسون خونه ببوردن تا اونه مهمون ببیم. مِناسون، قبرس شی بو و یکته از قدیمی شاگردؤن بو.

اعمالٚ رسولأن 3:18

ولی خدا هی کار أمره اوچیزی که تمؤم پیغمبرؤن زبونَ جی پیشگویی بوده بو انجوم برسونه که: اونه مسیح، عذاب کشنَه .

اعمالٚ رسولأن 4:25

تو خودت بواسطه روح‌القدس اَمه پئر زبؤنای، تی خدمتگزار داوودِ پادشاه، بوتی: «”چی وَسه قومؤن شورش کوئنن و مردمؤن هَچی توطیئه کوئنن؟

اعمالٚ رسولأن 9:15

ولی خداوند حَنانیا بوته: «بشو، چون که ایی مردکای یکته وسیله ایسه که مو انتخاب بودم تا می اسمِ غیریهودی أن و اوشونه پادشاهؤنِ ورجه و یهودِ مردومِ بِه اعلام بکنی.

فیلیپیان 2:14

هرته کاره بیدون غرغر زئن و بوگو واگو انجؤم بدین،