اعمالٚ رسولأن 15:30 - کتاب مقدس به زبان گیلکی - گویش شرقی

³⁰ پس ایشؤن راه دکتن، اَنطاكیه شهر بوشؤئن و اوره كلیسا آدمؤنِ جومَه گودَن و نؤمه ‌ برسونِئن.

کیتاب مقدّس به گیلکی (رشتی)

³⁰ پس اوشأن رأ دکفتیدی، بوشوییدی به اَنطاکیه. اویه کلیسا اعضایَ دورٚ هم جمَ کودید و نامه‌یَ فدَه‌ییدی اوشأنٚ دس.

Gilaki New Testament

³⁰ اَ چأر نفر دفأتن بوشؤده انطأکیه و تومأمٚ مسیحیأنَ جمَ کودٚد و اَ نأمه‌یَ اَشأنَ فأدأد.

کتاب مقدس به زبان گیلکی - گویش رشت و غرب گیلان

³⁰ پس اَشان رادکفتید، اَنطاکیه شار بُشوئید و اویا کلیسا آدمانَ جمَ کودید، و نامه یَ فارسانه ئید.

اعمالٚ رسولأن 15:30 ပူးပေါင်းရင်းမြစ်များ

اعمالٚ رسولأن 11:19

او ایماندارؤنی که بعدِ استیفانِ آزار و اذیت گودن پخشَ بوبوئن، تا فینیقیه و قبرس و اَنطاكیه سفر بودن. اوشؤن فقط خدا كلامِ یهودی أن به اعلوم گودن و بس.

اعمالٚ رسولأن 11:20

ولی ایشؤنِ میئن چندنفر قبرس و قیرَوان شی بوئن. اوشؤن وختی انطاكیه برسئن، یونانی أن أمره گب بزِئن و عیسای خداوند خوروم خبرِ اوشؤنِ بدَئن.

اعمالٚ رسولأن 11:27

او روزؤن دیرون چند‌ته پیغمبر اورشلیمای بومَئن اَنطاكیه.

اعمالٚ رسولأن 15:22

پس رسولؤن و شیخؤن تموم كلیسا أمره تصمیم بیتَن خوشؤن میئنای مرداکؤنی انتخاب بکونَن و اوشونِ پولُس و بَرنابا أمره اَنطاكیه شهر سرادِئن. پس یهودای معروف به بَرسابا و سیلاسِ که برارونِ میئن رهبر بو، انتخاب بودَن.

اعمالٚ رسولأن 15:31

وختی اوشؤن نؤمه ‌ بوخؤندَن، او پیغومَ جی که باعث دیلگرمی بو، خوشحالَ بوئن.

اعمالٚ رسولأن 16:4

اوشؤن وختی ایی شهرَ جی یکته شهر دیگه شوئن، او قانونی که رسولؤن و شیخون، اورشلیم دیرون بوته بوئن، مردمِ به گوتن تا اوشونِ رعایت بکونَن.

اعمالٚ رسولأن 21:22

الؤن چی بأء گودن؟ بی شک، اوشؤن تی اَمَئنای واخوبَ بنن.

اعمالٚ رسولأن 23:33

وختی که سواره سربازون قیصریه شهر برسن، او نؤمه هَدَئن فرماندارِ و پولُسِ اونه ورجه بأردَن.

اعمالٚ رسولأن 6:2

او دوازده‌ته رسول، همته شاگردؤنِ دوخوندَن و بوتَن: «درست نیه که أمه، مردم غذا هدئن واسی خدا كلام موعظه گودنَ جی غافل ببیم .