اعمالٚ رسولأن 15:22 - کتاب مقدس به زبان گیلکی - گویش شرقی

²² پس رسولؤن و شیخؤن تموم كلیسا أمره تصمیم بیتَن خوشؤن میئنای مرداکؤنی انتخاب بکونَن و اوشونِ پولُس و بَرنابا أمره اَنطاكیه شهر سرادِئن. پس یهودای معروف به بَرسابا و سیلاسِ که برارونِ میئن رهبر بو، انتخاب بودَن.

کیتاب مقدّس به گیلکی (رشتی)

²² بأزین رسولأن و مشایخ، تومامٚ کلیسا اعضا اَمرأ تصمیم بیگیفتیدی کی جٚه خوشأنٚ میأن مردأکأنی‌یَ اینتخاب بوکونید کی پولُس و برنابا اَمرأ اوسه کونید اَنطاکیه. سیلاس و یهودایَ کی بَرسابا نام دأشتی اینتخاب بوکودیدی کی ایماندارأنٚ میأنی رهبر بید.

Gilaki New Testament

²² پس روسولأن و کیلیسا ریش سیفیدأن تومأمٚ کیلیسا آدمأنٚ اَمرأ تصمیم بیگیفتٚد دو نفرَ پولس و برنابا اَمرأ اوسه کونٚد انطأکیه کی اَ شورأ تصمیمَ اَشأنٚ رِه وأگویا بوکوند. اَ دو نفر ایتأ یوهودأ کی برسابا لقب دأشتی و اویتأ سیلاس. اَشأن هر دوتأن جٚه کیلیسا موهیمٚ آدمأن بود.

کتاب مقدس به زبان گیلکی - گویش رشت و غرب گیلان

²² پس رسولان و ریش سیفیدان تمان کلیسا اَمرا تصمیم بگیفتید کی خوشان میان، مَرداکانی انتخاب بُکونید و اوشانَ پولُس و بَرنابا اَمرا اَنطاکیه شار روانه کونید. پس یهودا شناس به بَرسابا و سیلاسَ کی براران میان رهبر بو، انتخاب بُکودید.

اعمالٚ رسولأن 15:22 ပူးပေါင်းရင်းမြစ်များ

اعمالٚ رسولأن 1:23

اوشون دونفرِ جلو بئردن: یوسفِ که بَرسابا گوتن و اونه یوسوتوسَم دوخوندَن، و مَتّیاس.

اعمالٚ رسولأن 11:19

او ایماندارؤنی که بعدِ استیفانِ آزار و اذیت گودن پخشَ بوبوئن، تا فینیقیه و قبرس و اَنطاكیه سفر بودن. اوشؤن فقط خدا كلامِ یهودی أن به اعلوم گودن و بس.

اعمالٚ رسولأن 11:20

ولی ایشؤنِ میئن چندنفر قبرس و قیرَوان شی بوئن. اوشؤن وختی انطاكیه برسئن، یونانی أن أمره گب بزِئن و عیسای خداوند خوروم خبرِ اوشؤنِ بدَئن.

اعمالٚ رسولأن 11:22

ایی خبر اورشلیم كلیسا برسه و بَرنابا سرادئن اَنطاكیه.

اعمالٚ رسولأن 11:27

او روزؤن دیرون چند‌ته پیغمبر اورشلیمای بومَئن اَنطاكیه.

اعمالٚ رسولأن 15:23

بازین یکته نؤمه ایشؤنِ به سرا دئن، اونه میئن بنویشته بوبؤبو که: أمه رسولؤن و شیخونَ جی، که شیمه برأرؤن ایسّیم، به برارونِ غیریهودی که اَنطاكیه، سوریه و كیلیكیه میئن ایساین، سلام به شمه!

اعمالٚ رسولأن 15:25

هینه واسه امه یکدل ایطو صلاح بدیم که مرداکونی انتخاب بكونیم و اوشونه اَمه عزیزؤنِ أمره، بَرنابا و پولُس، شیمه ورجه سرا دیم،

اعمالٚ رسولأن 15:27

پس یهودا و سیلاسِ شیمه ورجه سرا دایم تا خوشونِ گبون أمره، شمره ایی کارؤنَ جَی واخوبَ کونن.

اعمالٚ رسولأن 15:3

پس كلیسا ایشؤنه راهی بوده؛ وختی که اوشؤن، فینیقیه و سامره جی رده بوده بوئن، اینه باره که چوطو غیریهودی أن ایمؤن بأردن، گب زئن و همته برارؤنِ ایی خبر أمره خیلی خوشحالَ گودَن.

اعمالٚ رسولأن 15:30

پس ایشؤن راه دکتن، اَنطاكیه شهر بوشؤئن و اوره كلیسا آدمؤنِ جومَه گودَن و نؤمه ‌ برسونِئن.

اعمالٚ رسولأن 15:32

یهودا و سیلاسم که پیغمبر بوئن، خیلی گبونِ أمره، برارونِ تشویق بودَن و قوت بدَئن.

اعمالٚ رسولأن 15:40

ولی پولُس، سیلاسِ ویته و برارون اونه، خداوندِ فیضِ أمره راهی بودَن.

اعمالٚ رسولأن 16:19

ولی او کولفت اربابؤن وختی بدِئن اونی که اون أمره کاسبی گودن برباد بوشؤ خوشون امید از دست بدان، پولُس و سیلاس بیتن و اوشونِ هکش دکش أمره شهر میدون دیرون، رئیسون ورجه ببردن.

اعمالٚ رسولأن 16:25

نصف شؤ، پولُس و سیلاس دعا کأدبون و سرود أمره خدا پرستش گودن و بقیه زندؤنی أنم ایشؤنِ گوش دئن

اعمالٚ رسولأن 16:29

زندانبؤن فانوس بخواسّه و تأ تأدی زندؤن دیرون بوشو و درحالی که ترس ا جی پَرکَسِ دبو پولُس و سیلاس پا جیر بکته.

اعمالٚ رسولأن 17:10

برأرؤن درجا هو شؤ، پولُس و سیلاسِ بیریه شهر سرا دئن. وختی اوشؤن او شهر برسِئن، یهودین عبادتگاه دیرون بوشؤئن.

اعمالٚ رسولأن 17:14

برأرؤن درجا پولُس دریا کنار سو راهی بوئدن، ولی سیلاس و تیموتائوس بیریه شهر دیرون بیسَئن.

اعمالٚ رسولأن 17:4

بعضی از ایشون قانع بوبوئن، که پولوس و سیلاسِ همراه بوبوئن و هیطورم یکته پیله جماعت ، خدا پرست یونانیون و سرشناس زنأكؤن جی هم ایسابوئن.

اعمالٚ رسولأن 18:5

وقتی سیلاس و تیموتائوس مقدونیه جی بومئن، پولُس خوش تمام وقتِ خدا كلام به بنه بو ، یهودی أنِ گواهی دائ که مسیح موعود هو عیسی ایسه.

اعمالٚ رسولأن 8:14

وختی رسولؤن اورشلیم شهر دیرون باخبر بوبون که سامری أن، خدا كلامِ قبول بودن، پطرس و یوحنا اوشونه ورجه سرادائن.

دوم قرنتیان 1:19

چونکه چونکه خدا ریکه، عیسی مسیح، که من و سیلاس و تیموتائوس اونه شیمه مئن اعلوم بودیم ، بله و نه نبو ، بلکه اون میئن همیشه بله ایسه .

اوّل تسالونیکیان 1:1

پولس و سیلاس و تیموتائوس أجی، تسالونیکی شهر کلیسا به، کی خدای پئر و خداوند عیسی مسیح مئن درن: فیض و صلح و سلامتی شیمئبه بأ.

دوم تسالونیکیان 1:1

پولس و سیلاس و تیموتائوس أجی، تسالونیکی شهر کلیسا به که أمئه پئر، خدا، و خداوند عیسی مسیح مئن درن:

۱پطرس 5:12

بواسیطه سیلاس که اونه یکته وفادار برأر دؤنم، مختصرا شیمئبه بنویشتم تا شمره سفارش بوکونم و شمره اعلؤم بوکونم کی اینه، او خدای حقیقتی فیض. اون مئن قایم بیسین.