اعمالٚ رسولأن 15:1 - کتاب مقدس به زبان گیلکی - گویش شرقی

¹ اما چند نفر یهودیه ولایت جی اَنطاكیه شهر بومَئن. اوشون برارونِ تعلیم دئن که: «اگه طبق موسی پیغمبر سنت ختنه نبین، منین نجات پیدا کونین.»

کیتاب مقدّس به گیلکی (رشتی)

¹ چند نفر یهودیه جأ بموییدی اَنطاکیه شهرٚ میأنی و ایماندارأنَ تعلیمٚ غلط دَییدی کی: «اگه به موسی سنت ختنه نیبید، نتأنیدی نجاتَ دریافت بوکونید.»

Gilaki New Testament

¹ هو وخت میأن کی پولس و برنابا انطأکیه میأن ایسأبود، ایتأ عیده جٚه یوهودیه بأمؤده و مسیحیأنَ ایشتیوأ آمؤختأندوبود و گفتیدی: «اگه اینفر موسا رسم جَا وفأ نوکونه و ختنه نٚبه، ایمکأن نأرِه بتأنه نیجأت بیأفه.»

کتاب مقدس به زبان گیلکی - گویش رشت و غرب گیلان

¹ ولی چن نفر یهودیه ولایت جا اَنطاکیه شار باموئید. اوشان برارانَ آموختیدی کی: «اَگه عَین موسی پیغمبر سُنّت ختنه نیبید، نتانیدی نیجات بیگیرید.»

اعمالٚ رسولأن 15:1 ပူးပေါင်းရင်းမြစ်များ

یوحنا 7:22

موسی خَتَنه گودنِ حکم شمره هدَه -البته ایی موسی طرفای نبو، بلکه اجداد قوم جی بو- و هینه واسه شمه ریکاکونِ مقدس شنبه روز میئنم ختنه کؤنین.

اعمالٚ رسولأن 1:15

یکته از او روزؤن پطرس، برارونِ میئن که همته حدود صد و بیست نفر بوئن، سرپا بِیسه

اعمالٚ رسولأن 15:22

پس رسولؤن و شیخؤن تموم كلیسا أمره تصمیم بیتَن خوشؤن میئنای مرداکؤنی انتخاب بکونَن و اوشونِ پولُس و بَرنابا أمره اَنطاكیه شهر سرادِئن. پس یهودای معروف به بَرسابا و سیلاسِ که برارونِ میئن رهبر بو، انتخاب بودَن.

اعمالٚ رسولأن 15:23

بازین یکته نؤمه ایشؤنِ به سرا دئن، اونه میئن بنویشته بوبؤبو که: أمه رسولؤن و شیخونَ جی، که شیمه برأرؤن ایسّیم، به برارونِ غیریهودی که اَنطاكیه، سوریه و كیلیكیه میئن ایساین، سلام به شمه!

اعمالٚ رسولأن 15:24

اوراجی که بشتؤسیم كسؤنی اَمه میئن، بدون اییکه امه جَی دستوری بدارن، بومَئن و شمره خوشؤن گبؤنِ أمره ناراحتَ گودَن، و باعث بوبوئن که شیمه فیکر پریشونَ بی،

اعمالٚ رسولأن 15:3

پس كلیسا ایشؤنه راهی بوده؛ وختی که اوشؤن، فینیقیه و سامره جی رده بوده بوئن، اینه باره که چوطو غیریهودی أن ایمؤن بأردن، گب زئن و همته برارؤنِ ایی خبر أمره خیلی خوشحالَ گودَن.

اعمالٚ رسولأن 15:32

یهودا و سیلاسم که پیغمبر بوئن، خیلی گبونِ أمره، برارونِ تشویق بودَن و قوت بدَئن.

اعمالٚ رسولأن 15:5

ولی بعضی از فَریسی أنِ فرقه عالمون که ایمؤن بأرده بون، ویریسَئن، بوتَن: «واجبِ که غیر یهودی أن ختنه بوبوئن و ایشونِ دستور بدین که موسی شریعتِ بدارن.»

اعمالٚ رسولأن 21:20

وقتی اوشون اینه بشتؤسَن، خدا جلال هَدَن. بازین پولُسِ بوتَن: «ای برأر، هیطو که اینی هزارون یهودی ایمؤن باردن و همته شریعت به غیرت دئنَن.

اعمالٚ رسولأن 6:14

چون امه خودمؤن بشتؤسیم که گوت، ایی عیسای ناصری ایی جیگا فگاردونبِئنه و رسم و رسومی که موسی اَمَره هدَه عوض کوئنه.»

غلاطیأن 2:1

چهارده سال بوگذشته وسی، یک دفأ د برنابا همأ اورشلیم بوشؤم و تیتوسم می همرأ ببردم.

غلاطیأن 5:6

چونکی مسیح عیسی مئن نه ختنه بؤن اهمیت دأنه نه ختنه نوبؤن، بلکی مهم او ایمؤنه کی بواسیطه محبت کار کؤنه.

غلاطیأن 6:12

اوشؤنی کی خأنن وانمود گودن همرأ خوشؤنه خوب نوشؤن بدئن، شمره وأدأنن کی ختنه ببین، هچی این وأسئه کی مسیح صلیب خؤنی عذاب نکشن.

کولسیان 2:16

پس نوگذأرین هیکس راجع به او چی کی خؤنین و واخؤنین، یا راجع به عید و تازه ماه و مقدس شنبه روز، شمره قضاوت بوکونه.

کولسیان 2:8

واخوب ببین تا هیکس شمره فلسفه و پوچ فریب همأ گیرفتارأنوکونه، کی نه مسیح سر، بلکه آدمؤن رسم و رسومات و ای دونیای اصول سر پابرجا ایسه.