اعمالٚ رسولأن 14:27 - کتاب مقدس به زبان گیلکی - گویش شرقی

²⁷ وختی پولس و برنابا اورَه برسئن، كلیسا آدمؤنِ جومَه گودَن، تعریف بودَن که خدا بواسطه اوشؤن چی کارؤنی بودِه و چوطو ایمؤنِ دَرِ غیریهودی أنِ بِه بازَ گوده.

کیتاب مقدّس به گیلکی (رشتی)

²⁷ وختی فأرسه‌ییدی اویه، ایماندارأنٚ کلیسا‌یَ دورٚ هم جمَ کودیدی و اوشأنٚ رِه بوگفتیدی کی خودا اوشأنٚ دسٚ جأ چی کارأنی انجام بده و چوطو غیریهودیأنٚ‌ره رایٚ ایمأنَ نیشأن بده

Gilaki New Testament

²⁷ وختی پولس و برنابا فأرٚسِد انطأکیه میأن، مسیحیأنَ جمَ کودٚد و خوشأنٚ سٚفرٚ مأجیرأیَ وأگویا بوکودٚد، بشأرت بٚدأده کی چوطو خودا، اوشأنیٚم کی یوهودی نوبوده رِه، ایمأنٚ درأنَ وأزَ کوده.

کتاب مقدس به زبان گیلکی - گویش رشت و غرب گیلان

²⁷ وقتی پولُس و بَرنابا اویا فارسه ئید، کلیسا آدمانَ جمَ کودید و واگویا بُکودید کی خُدا بواسطه اوشان چی کارانی بُکوده و چُطو ایمانِ دَرَ غیر یهودیانِ ره وازا کوده.

اعمالٚ رسولأن 14:27 ပူးပေါင်းရင်းမြစ်များ

یوحنا 9:10

پس اونای بپورسِئن: «چوطو تی چیشمؤن بازَ بوُ؟»

اعمالٚ رسولأن 11:18

هوطو که اوشون ایی گبؤنِ بشتؤسَن، تام بزِئن و خدا جلال بدَئن، بوتَن: «پس خدا، غیر یهودی أنم فرصتَ ببخشه که خوشؤنِ گناهونای توبه بکونن و اَبدی زندگی بدست بأرن!»

اعمالٚ رسولأن 15:12

بازین همته اوشونی که اوره جومَه بوبوئن، تام بزئن و پولُس و بَرنابا گبِ گوش بدئن. اوشؤن نیشونه و معجزاتی که خدا بواسطه اوشون، غیریهودی أنِ میئن انجوم بدأ بو، تعریف گودَن.

رومیأن 15:18

چونکی جرأت نوکونَم یک چی اجی گب بزنم، جوز او چی کی مسيح بواسطه ی مو به انجوم برسونئه، تا غير يهوديئنه ایمون مطیع بوکونم، بواسطه ی می گبون و می کارون،

اوّل قرنتیان 11:18

اول اینکه ایشتوئنم، هو موقع که کلیسا به همدیگر همرا جومه بنین، شیمه میئن دودستگی دکِئنه، و اینه أننِی باور کوئنم.

اوّل قرنتیان 14:23

پس اگر تموم کلیسا ادمون همدیگر همرا جوما بون و همه ته یکته ده زبون امره گب بزنن ، و هو موقع اوشونی که هیچی جی خبر ندانن و یا اوشونی کی ایمون نانن مجلیس میئن بان، نگونن که شمه تورین ؟

اوّل قرنتیان 15:10

اونی که الون اینین ایسم خدا فیضِ واسیه، و اونه فیض مئبه بی فایده نبو. برعکس، مو همته اوشونای سختتر کار بودَم، ولی نه خودم، بلکه خدا فیض واسه که می أمره ایسّه.

اوّل قرنتیان 16:9

چونکه یکته پیله دروازه خدمت واسی مئبه بازَ بو که خیلی فایده دانه، و دوشمنونم زیادن.

اوّل قرنتیان 5:4

وختی که شمه خداوند عیسی نوم همرا کس کسون هما جومَه بنین و مو روحِ میئن شیمه أمره ایسَئم، خداوند عیسی قدرت أمره.

دوم قرنتیان 2:12

وختی تروآس شهر بوشوئم تا مسیح انجیله موعظه بکونم، با ای که خداوند اوره یکته پیله دروازه می جلو واگوده،

کولسیان 4:3

همزمؤن أمئبه هم دعا بوکونین، تا خدا کلؤم ئبه یکته در أمئبه واکونه تا بوتؤنیم مسیح رازه اعلؤم بوکونیم. رازی که اون خؤنی زیندؤن درم.