اعمالٚ رسولأن 12:19 - کتاب مقدس به زبان گیلکی - گویش شرقی

¹⁹ هیرودیس دستور بده همه جا پطرس دومبال بگردن؛ و چونکه اونه نیاتن، نیگهبونونی که پطرس پاستن، بازخواست بوده و اوشونه کوشتن دستور هده. بازین پطرس یهودیه ولایت جی بوشو قیصریه شهر و چند وختی اوره بِیسه.

کیتاب مقدّس به گیلکی (رشتی)

¹⁹ هیرودیس دستور بده همه جا پطرسٚ دونبأل بگردید و چون اونَ نیأفتیدی نگهبانأنٚ جأ بازجویی بوکوده، بأزین فرمان بده اوشأنَ بوکوشید. بأزین هیرودیس جٚه یهودیه به قیصریه بوشو و مدتی اویه بِیسه.

Gilaki New Testament

¹⁹ وختی هیرودیس اونَ دونبأل اوسه کوده و وأخبٚ بوسته کی زندأنٚ میأن نئیسأ، هر شونزده‌تأ نیگهبأنٚ تأوٚدأ زندأن، و اوشأنٚ اعدام کودنٚ رِه حوکم فأدأ. او وخت یوهودیه‌یَ بٚنأ و بوشؤ قیصریه و ایپچه زمأت اویَه بئیسأ.

کتاب مقدس به زبان گیلکی - گویش رشت و غرب گیلان

¹⁹ هيروديس دستور بدَه همه جا پِطرُس دُمبال بَگرديد؛ و چونکی اونَ نیافتید، مأمورانیَ کی پطرُسَ پاستید، بازخواست بُکود و دستور بدا کی اوشانَ بُکوشید.بازین پِطرُس یهودیه ولایت جا قیصریه شار بُشو و چن وقت اویا بأسا.

اعمالٚ رسولأن 12:19 ပူးပေါင်းရင်းမြစ်များ

متّی 2:1

بعدِ اونکه عیسی هیرودیس پادشاهی دوره، یهودیّه بیتْ​لِحِم شهر مِیئن بزاسّه بوبؤ، هوموقع چند ته ستأره​شنأس مشرق زمینای، اورشلیم میئن بومئن

متّی 2:13

بعد اینکه ستاره​شناسون بوشوئن، خداوند یکته فرشته، یوسفِ خؤ نما بوبؤ و بوته: «ویریس، زأک و اونه مئر ویگیر و مصر سو فرار بکون و اوره بیس تا تَه خبر بدِئم، چونکه هیرودیس، زأک دومبال گردنه تا، اونه بکوشی.»

متّی 2:16

وختی هیرودیس بده که، ستاره​شنأسؤن اونه گول بزِئن، خیلی اینه غَیضَته و سرا دَه، عین او زمؤنی که ستاره​شنأسؤنای بپورس دپورس بوده بو، بیت​لحم میئن و اونه دوروبَر همته ریکاکونی که، دوسال و کمتر داشتن، بکوشته.

اعمالٚ رسولأن 12:18

وختی صوباین بومَه، سربازؤن میئن بلوا بوبؤ، چون نودونسَن پطروسِ سر چی بومَه.

اعمالٚ رسولأن 12:4

هیرودیس، بعد پطرسِ دستیگرَ گودن، اونه زندؤن تؤوده و چهارته دسته‌ء چار نفری سرباز اونه نگهبؤنی بِه بَنه. او خوأس که بعدِ عید پِسَخ، پطرسَ مردوم جلو محاكمه بکونی.

اعمالٚ رسولأن 12:6

یه شؤ قبل ایی که هیرودیس خواست پطرسِ محاکمه بکونی، پطرس دوته زنجیر أمره دوَسه هنّه بو و دوته سرباز میئن خوته بو و نیگهبونؤنَم زندونِ در جلو کشیک دَئدبون.

اعمالٚ رسولأن 16:27

زندؤنبؤن خواب ا جی ویرسهَ، و وختی زندؤن دَرؤنِ وأگوده بدِه شمشیر هکشه تا خوشِ بکوشی، چون فكر گود زندؤنی أن فرار بودَن.

اعمالٚ رسولأن 21:8

فردایی، اورای بوشویم و قیصریه شار بومایم. أمه فیلیپُس مبشر خونه که یکته از او هفت نفر بو که خدمت واسه انتخاب بوبو بو، بشیم و اون ورجه بئیسیم.

اعمالٚ رسولأن 25:13

بعد اونکه چند روز بوگذشته، آگریپاس پادشاه و بِرنیکی، فِستوس خوشامد گوتن بِه قیصریه بومَئن.

اعمالٚ رسولأن 27:42

سربازؤن تصمیم بیتن که زندانی أنِ بکوشن تا نوگزارَن کسی شنا بکونی و فرار بکونی.

اعمالٚ رسولأن 8:40

ولی فیلیپُس، خوشِ اَشدود منطقه میئن بدِه. او همته او شهرؤن منطقه میئن گرس و انجیل خوروم خبرِ رسونی تا قیصریه شهرِ برسِه.