اعمالٚ رسولأن 1:12 - کتاب مقدس به زبان گیلکی - گویش شرقی

¹² بازین رسولؤن زیتونِ كوه جی، شهر اورشلیم وگرسن. او كوه یکته مقدس شنبه روز قد، یعنی حدود یک کیلومتر اورشلیمَ جی فاصله داشت که مقدس شنبه روز دیرون فقط هی قد ایجازه داشتن.

کیتاب مقدّس به گیلکی (رشتی)

¹² او وخت رسولأن جٚه کوهی کی اونٚ ایسم «زیتون» بو وأگردستیدی اورشلیمٚ شهر. او کوه ویشتر جٚه یک کیلومتر، اورشلیمٚ جأ فاصله نأشتی.

Gilaki New Testament

¹² اَ تأریخی مأجیرأ زیتون کوه سٚر ایتفأق دکفته کی اورشلیمٚ اَمرأ ای کیلومتر رأ دأشتی. پس، جٚه اویَه وأگردٚستٚده شهرٚ ور.

کتاب مقدس به زبان گیلکی - گویش رشت و غرب گیلان

¹² بازین رسولان زیتون کوه جا اورشلیمِ شار واگردستید. اُ کوه ایتا مُقدّس شنبه روج اَندر یعنی حدود یک کیلومتر اورشلیم جا فاصله دَشتی کی مُقدّس شنبه درون فقط هَنقد اجازه دَشتید.

اعمالٚ رسولأن 1:12 ပူးပေါင်းရင်းမြစ်များ

متّی 21:1

وختی عیسی و اونه شاگردون اورشلیمِ نزدیکَ بوئن و کوه زیتونِ میئن، بیت فاجیِ دهات برسِئن، عیسی دوته خو شاگردؤن سرا دا،

متّی 24:20

دعا بکونین که شیمه فرار گودن زمستون یا مقدس شنبه روز میئن نبی.

متّی 24:3

وختی عیسی زیتون کوه سر نیشته بوُ، اونه شاگردؤن خلوتی اونه ورجه بومئن و بوُتن: «اَمه‌ به بگو ایی اتفاقون کِی دکِئنه و تی أَمئنه و آخر ایی زمؤنِ نیشؤنه چیسّه؟»

متّی 26:30

هووخت بعد ایکه یکته آواز بوخؤندَن، زیتون کوه سمت راه دکتَن.

لوقا 19:29

هیطو که بِیت‌فاجی و بِیت‌عَنْیا دهات که زیتون کوه سر بو برسه، دوته خو شاگردؤن جلوتر سرا دا، بوته:

لوقا 21:37

عیسی هر روز معبد میئن مردم آموتی. و هر شؤ شهرای بیرون شو و کوهی که زیتون ایسم داشتِ شوء صوبَه گود.

لوقا 24:50

بازین ایشونِ شهرای بیرون تا نزدیک بِیت‌عَنْیا بَبَرده و خوشِ دَستؤن درازَ گوده و، ایشونِ برکت بدَه؛

لوقا 24:52

ایشونم اونه پرستش بوُدَن و یکته پیله شادی امره اورشلیم طرف وگرسَن.

یوحنا 11:18

بیت عَنْیا، دوروبرِ سه کیلومتر اورشلیم أمره فاصله داشت.