دوم قرنتیان 11:9 - کتاب مقدس به زبان گیلکی - گویش شرقی

⁹ و ای زمت کی شیمئه مئن ایسابوم و محتاج بوم هیکس کول سر هيچ باری ننابوم، چون او برارون کی مقدونیه ولایت اجی بمابون می احتیاجاته برطرفاگودن. و مو هيچ رقم باری شیمئه کول سه ننابوم و ننئنم.

Gilaki New Testament

⁹ و تومأمٚ او مودّت کی شیمی ورجأ ایسأ بوم، جٚه اَ کیلیسایأنٚ پیشکشأن می زٚندیگی‌یَ گوذرأنِییم کی بٚتأنم بودونٚ اَنکی جٚه شومأن کومک فأگیرٚم، شٚمٚره خیدمت بوکونم؛ و وختی اَ پیشکشأن تومأنَ بوسته و هیچی دِه نأشتیم کی زٚندیگی‌یَ بچرخأنٚم، وأزم جٚه شومأن کومک نخأستم، چونکی مقدونیه مسیحیأن مِرِه پیشکش بأوٚردٚد. تأ هسأ جٚه شومأن کومک نخأستم و هیوختٚم نخأیٚم.

کتاب مقدس به زبان گیلکی - گویش رشت و غرب گیلان

⁹ و اَ زماتی کی شیمی میان ایسا بوم و محتاج بوم هیکّسِ کولِ سر هی باری نَنه بوم، چون بَرارانی کی مقدونیه ولایت جا باموبید می احتیاجاتَ بر طرف بُکودید. و من هی رقم باری شیمی کول سر نَنه بوم و ننَم.

دوم قرنتیان 11:9 ပူးပေါင်းရင်းမြစ်များ

اعمالٚ رسولأن 18:3

و اینه واسه که اونم ایشون مورسون سابقه خیمه دوزی داشت، اوشونه ورجه بِیسه و مشغول به كار بوبؤ.

اعمالٚ رسولأن 18:5

وقتی سیلاس و تیموتائوس مقدونیه جی بومئن، پولُس خوش تمام وقتِ خدا كلام به بنه بو ، یهودی أنِ گواهی دائ که مسیح موعود هو عیسی ایسه.

اعمالٚ رسولأن 20:33

می چیشم هیشکسِ طلا و نقره و رخت میئن دنبو.

رومیأن 15:26

چونکی مقدونیه و اَخائیه کلیسائان خوانن اورشلیمِ مقّدسینِ ندارون ئبه کمک مالی جیماکونن.

اوّل قرنتیان 16:17

استفاناس، فورتوناتوس و اخائیکوس اَمَئن جی ذوق دانم، چونکه شیمه جای خالی پورا گودن.

دوم قرنتیان 6:4

بلکی هر کاری کی کونیم نشون دئنیم کی خدای خدمتکارونیم: تاب و تحمل همرا مصیبتون مئن، سختئن و بلائان مئن،

دوم قرنتیان 9:12

چونکی ای خدمت، نه فقط مقدسین احتیاجاته برطرفاکونه، بلکی باعیث بنه خیلئن خدا بی حد و حیساب شکر بوکونن.

فیلیپیان 2:25

مو لازیم بودؤنسم اپافرودیتوسه شیمئه ورجه سرأدئم، اونه که یک طرف اجی می برأر، همکار و همرزم ایسه، و یک طرف اجی شیمئه سرأدأره، می احتیاجون برطرف گودن ئبه.

اوّل تسالونیکیان 2:6

أمه این دومبال دننئه بیم که یکنفر أمره جؤر ببره، چی شمرأجی و چی دیگرؤن أجی. هرچند که أمه مسیح رسولؤن مقؤم مئن، ای حقه دأشتیم کی اینه شمرأجی بخأیم،

اوّل تسالونیکیان 2:9

چون شمه أی برأرؤن، أمئه زحمت و کار گودنه یاد دأنین: کی شؤ و روز کار گودیم تا او زمت کی خدا انجیله شیمئبه اعلؤم کؤنیم، هیکس سربار نبیم.

عبرأنیأن 11:37

اوشون سنگسار بوبون، ارّه جی دو خال بوبون، شمشیر جی بکوشته بوبون. گوسند و بوز پوسته دودن، ندار و مصیبت بکشئر و ذلیل و آواره بون.