اوّل تیموتائوس 6:4 - کتاب مقدس به زبان گیلکی - گویش شرقی

⁴ او، غرور أجی باد بوده و هیچی نفهمنه. ایطؤچی آدم کلیمهَ‌ن سر جنگ و جدال و دعوا مرافعه دأنه که اون أجی حیسادت، ایختلاف، تؤهین و بدگمؤنی ویریسنه

Gilaki New Testament

⁴ اَجور آدم گولأزٚ جَا پورَ بِه و درک و فأمٚ جَا خألِه بِه و دوس دأره کلماتٚ مأنی رِه نأخوشی اَمرأ جنگٚ‌ دعوأ و درگیری بٚدأره، چیزی کی بأعیث بِه حسودی، بوگو موگو، بی‌حورمتی گبأن، شیطانی بدگومأنیأن

کتاب مقدس به زبان گیلکی - گویش رشت و غرب گیلان

⁴ اون، غرورِ جا باد بُکوده و هیچی نفهمه. اجور آدمی کلمات سر جنگ و جدال و دعوا مرافه دَره کی اونِ جا حسادت، اختلاف، توهین و بَد گُمانی،

اوّل تیموتائوس 6:4 ပူးပေါင်းရင်းမြစ်များ

اعمالٚ رسولأن 15:2

بازین پولُس و بَرنابا خیلی اوشؤنِ أمره بحث و مخالفت بودَن، قرار بر ایی بوبؤ که او دو نفر چند ته ایماندارؤنِ أمره، اورشلیم شهر بوشؤئن و ایی مسئله‌ رسولؤن و شیخون أمره در میؤن بنِئن.

اعمالٚ رسولأن 18:15

ولی چونکه، ای مسئله، كلمه‌أن و ایسمؤن و شمه شریعتشی ایسه، پس خودتون اونه حل وفصل بکونین. نخوانَم ایجور چیزون باره داوری بكونم.»

اعمالٚ رسولأن 8:9

و اما او شهر میئن یکته مردکای زندگی گود که اونه ایسم شمعون بو که سامره مردمِ پیشتر، خو جادوگری أمره ماتَ گوده بو و ادعا گود که خوشِ یکته پیله کسی ایسّه.

رومیأن 12:16

همديگر همرا مدارا بوکونین! مغرور نبین، بلکی اوشون همرا کی ساده و ضعیف ایسن، شؤن امان بدارین. هرگی شمره دؤنا نینین.

رومیأن 13:13

باین درست رفتار بوکونیم کی شایسته اوشونی ایسه کی روج روشنایی مئن سر کونن. نه عیاشی و عرق خوری مئن، نه زینا و هرزگی مئن، نه دعوا مرافعه و حسودی مئن.

رومیأن 14:1

کسی کی اونِ ایمون ضعیف ببون، شیمئه مئن را بدین، اما نه این واسئه که اون عقاید باره اون همأ بوگو واگو بوکونین.

رومیأن 2:8

امّا خوشه غیظ و غضبه اوشونِ سر کی منم منم کونن و اوشونی کی حیئقته ایطاعت نوکونن، بلکی ناراستئه ایطاعت کونن، فوکونه.

اوّل قرنتیان 11:16

اگه ینفر بخوای خوشئه خو سازه بزنی، باید بوگوم که نه امئبه و نه خدا کلیسائان به ایجورچی داب نیه .

اوّل قرنتیان 11:18

اول اینکه ایشتوئنم، هو موقع که کلیسا به همدیگر همرا جومه بنین، شیمه میئن دودستگی دکِئنه، و اینه أننِی باور کوئنم.

اوّل قرنتیان 3:18

هیکس خوشه گول نزئنه. اگه ینفر شمرَه جی فیکر بکونی ایی دوره زمونه مئن حکیم ادمه، بوگذار نادون ببی تا شاید حکیم ببی.

اوّل قرنتیان 3:3

چره که حله جسمونی چئن دومبال درین. وختی شیمه میئن حسودی و دعوا مرافعه هنّه، مگه هی نیشون ندِئنه که جسمونی چیزون دومبال درین و بشری رای میئن کردوکار کوئنین؟

دوم قرنتیان 11:20

چونکه اگر یگ نفر شمره خوشه غولؤم چاکونه یا ای کی شمره فبره یا شمراجی سو ایستفاده بوکونه، یا خوشه شمراجی سرتر بودونه، یا شیمئه دیمه سللی بزنه، تاب ابئنین.

غلاطیأن 5:15

ولی أگه کس کسه بگزین و فبرین، مواظب ببین کی کس کس دست أجی نابودأنبین.

غلاطیأن 5:26

هچی مغرور نبیم تا کس کس غیظه در بأریم و کس کس همرأ حسودی نوکونیم.

غلاطیأن 6:3

چون أگر یگ نفر خوشه کسی حیساب بأره کی نئه، خوشه گول زئدره.

فیلیپیان 1:15

بعضئن حسودی و چوشم و همچوشمی سر مسیحه موعظه کونن، ولی بعضئن خورم نیت همأ ای کاره کونن.

فیلیپیان 2:14

هرته کاره بیدون غرغر زئن و بوگو واگو انجؤم بدین،

فیلیپیان 2:3

هیچ کارئه منم منم یا چوشم و همچوشمی سر نوکونین، بلکی فروتنی همأ دیگرونه خودتؤن اجی بهتر بودونین.

کولسیان 2:18

نوگذأرین کسی شمره محروماکونه ای ایصرار همرأ کی تنه خأ خوب دأشتن و فریشته ئانه پرستش گودن. ایجور آدم هچی خوشه رؤیائانه تکیه کؤنه و بی ای کی دلیلی بدأره، خوشه پوچ فیکرؤن همرأ مغرورأبنه.

دوم تسالونیکیان 2:4

او، هر چیز همرأ کی خدا دوخؤنده بنه یا پرستش بنه، مخالفت کؤنه و خوشه اوشؤن أجی جؤرتر دؤنه، تا اؤره کی خدای معبد مئن نیشینه و اعلؤم کؤنه کی خودش خدا ایسه.

اوّل تیموتائوس 1:4

و خوشؤنه داستؤنؤن و بی‌پایؤن شجره‌نؤمه ئان ئبه وقف نوکونن؛ ای چیزؤن عوض ای کی خدا کاره کی ایمؤن راه مئن دره پیش ببره، هچی جنجال چاکؤنه کی هیچ ثمری ندأنه.

اوّل تیموتائوس 1:7

خأنن شریعت معلیمؤن ببون، بی ای کی بودؤنن چی گوته‌درن یا چی جی ایطؤ مطمئن گب زئدرن.

اوّل تیموتائوس 3:6

و نخأن تازه ایمؤن بأرده بی، نبون کی غرور اونه بگیره و ابلیس جور محکوم ببون.

دوم تیموتائوس 2:14

ای چیزؤنه اوشؤنه یاد بأر و خدا جلؤ اوشؤنه سفارش بوکون کی کلیمه ئان سر دعوا مرافعه نوکونن، کی هیچ فایده ندأنه، بلکه هچی باعیث بنه اوشؤنی کی ایشتؤنن راه جی بدر ببون.

دوم تیموتائوس 2:23

او بحثؤن أجی کی نادؤنی و نفهمی جی ایسه دوری بوکون، چره کی دؤنی دعوا مرافعه چاکؤنه.

دوم تیموتائوس 3:4

خیانتکار، بی ملاحظه و غرور أجی بادبوده بنن، که عیاشئه خدا یأجی ویشته دوست دأنن.

تیتوس 3:9

ولی جنگ و جدال أجی کی حیماقت سره، شجره نؤمه ئان أجی، ایختلافؤن و دعوا و مرافعه ئان أجی کی شریعت باره ایسن، دوری بوکون. چونکی بی فایده و بی أرزشن.

یعقوب 1:19

می عزیز برارؤن، اینه بدونین: هرکس باء ایشتوسنِ میئن تند، گب زئن میئن یواش و عصبونیت میئن آرام ببی!

دوم پطرس 2:12

ولی اوشؤن، حَیوؤنه مؤنن کی شعور ندأنه و خوشؤن طبیعته دومبال کؤنن و دونیا بمأن تا اسیر ببون و هلاکأبون، و او چیزؤنئه کی مننئن بفهمن فحش دئنن و خوشؤن فساد مئن هلاک خأ ببون.

دوم پطرس 2:18

چونکی بولند صدا همأ گبؤنی زئنن کی خودخواهی و نفهمی جی پوره، اوشؤنئه کی سختی همرأ بد آدمؤن چیکال أجی در بوشؤن، خوشؤن هوا و هوسؤن دؤم مئن تؤدئنن.

یهودا 1:10

ولی ایشؤن او چئه کی نشناسنن تؤهین کؤنن، اوشؤن بی شعور حَیوؤنؤن جور هر چیزی کی غریزه أجی فهمنن، هو، ایشؤن نابودی باعیث بنه.

یهودا 1:16

ایشؤن غرغر زئنن و تترج ایراد گینن و خوشؤن گوناه آلود خواسته ئان دومبال درن، اوشؤن مغرور گبؤن خوشؤن زبؤن سر أبئنن و خوشؤن منفعت وأسی مردوم مئن فرق نئنن.

موکأشفه 3:17

چون گونی: "دولتمندم، مال و مینال دأنم و هیچی محتاج نئم." و نودؤنی کی بدبخت و ذلیل و سوتال و کور و لوخت و سوختی.