اوّل تسالونیکیان 4:6 - کتاب مقدس به زبان گیلکی - گویش شرقی

⁶ تا هیکس ای جریؤن مئن، خوشه برأر حق خطا یا سو ایستفاده نوکونه، چون خداوند تمؤم ای چیزؤن ئبه تقاص گینه، هوطؤ که أمه پیشتر شمره بوتیم و جدی ایشتؤ بدأیم.

Gilaki New Testament

⁶ هطویم، خودا خأسته اَنه کی هیکس خودشٚ مأنستَنچی آدمَ گول نٚزنه و اونی زنَ صأب نٚبه، چونکی هوطو کی پیشتر شٚمٚره بوگفتم، خودا اَجور کردکأرأنٚ وأسی اینسأنَ تِنبیه کونه.

کتاب مقدس به زبان گیلکی - گویش رشت و غرب گیلان

⁶ تا هیکّس، اَ جریانِ میان خو برارِ حَقِّ درون خطا یا سو استفاده نُکونه، چونکی خُداوند تمانِ اَ چیان ره تَقاص گیره، اوجورکی امان پیشتر شمرأ بگفتیم و جِدی هشدار بِدَه ئیم.

اوّل تسالونیکیان 4:6 ပူးပေါင်းရင်းမြစ်များ

مَرقُس 10:19

حُکمؤن دؤئنی، قتل نکون، زینا نَکون، دوزی نَکون، دروغ گوائی ندی، فریبکار نبو، تی پئر و مَئر احترؤم بنی.“

لوقا 12:5

شمره نیشون دِئنَم، کیا جی باید ترسِئن: اونای بترسین که وختی شیمه جونِ بیته، ایی قدرت و ایختیار دئنه که دوزخ میئن تؤدای. بله، شمره گونَم، اونای باید ترسِئن.

لوقا 16:28

چونکه مو پنج ته برار دئنم. اونه سرا دی، تا می برارؤنَ واخُب کونی، نبی که اوشونم ایی عذاب جا میئن دکِئن.“

رومیأن 1:18

چون خُدا غضب آسمون اجی هرجور بی خدایی سَر و آدمیئنِ ناراستی سر هنه کی خوشونِ ناراستی همرا حئیقتَ ازبین بئنن.

رومیأن 12:19

اَی عزیزون، هرگی خودتون اینتقوم نگیرین، بلکه اونَ خُدا غضبَ بسپارین. چونکی تورات مئن بنویشته بوبو «خُداوند گونه: ”تقاص مي‌شئه؛ منم كی سزا دئنم“‌.»

رومیأن 13:4

چونکی او تی خیر واسی خُدا خدمتکار ایسه. ولی اگه کار خلاف بوکونی، بترس، چونکی هَچی شمشیرَ خوشه کمر سَر دَنبسته. او خُدا خدمتکاره و کسئه کی خُدا واسی اینتقؤم گینه و خدای غضبه، خلافکار سر أبئنه.

دوم قرنتیان 7:11

چونکی بینین ای ‌غم کی خدا واسی بو چی شوقی شیمئه مئن به بار بارده: البته هی شوقه کی نشون دئنه تقصیرکار نین، چی غیظ مئن، چی ترس مئن، چی ناجه مئن، چی غیرت مئن، چی مجازات مئن، هر طرف اجی ثابیت بودین که او قضیه مئن بی تقصیر بین.

غلاطیأن 5:21

حسودی؛ مستی، عیاشی و ایشؤن مورسؤنچئن. هوطؤ کی قبلتر شمره ایشتؤ بزئم، هندئه گونم که اوشؤنی که ایجور کارؤن کؤنن، خدا پادشاهیئه به ایرث نبئنن.

افسسیان 4:17

الون اینه گونم و خداوند مئن هندئه گونم کی شیمئه کردکار د نخأ او مردوم مورسون ببون کی خدا نشناسنن و خوشون بیخود فیکرون مئن کردکار دأنن.

افسسیان 4:28

دوز د دوزی نوکونه، بلکی زحمت بکشه، و خوشه دستون أجی صداقت همأ کار بوکونه، تا بوتؤنه نیازمندونم یک چی هدئه.

افسسیان 5:6

نوگذأرین هیکس شمره هچی گبون همرأ فیتأدئه، چونکی هی چیزون واسئه کی خدا غضب، اوشون سر هنه کی نافرمونی کونن.

اوّل تسالونیکیان 2:11

چون شمه دؤنین کی چوطؤ، أمه یکته پئر مورسؤن کی خوشه زاکؤن همرأ رفتار کؤنه،

دوم تسالونیکیان 1:8

بلأگیته آتش مئن، و اوشؤن أجی کی خدا نشناسنن و اوشؤن أجی که أمئه خداوند عیسی انجیل أجی ایطاعت نوکؤنن، تقاص گینه.

عبرأنیأن 13:4

بوگذارین ایزدواج همه کس مئنه احترؤم بدأری و زنأک و مردأک رابیطه پاک بداشته ببی، چون خدا بی عیفتون و زیناکارونه داوری کؤنه.

عبرأنیأن 2:6

یکته جا، زبور کیتاب مئن، بوته ببو: «اینسون چیسه که تو اونه فکرِ بکونی، یا اینسون پسر، که اونه اهمیت بدی؟

یعقوب 2:6

ولی شمه ، فقیر آدمه بی حرمتی بودین. مگه دارا آدمون نین که شمره ظلم کوئنن و شمره محکمه میئن بئنَن؟

یعقوب 5:4

الؤن او کارگرونِ مزد که شیمه زمینون سر درو بودن، و شمه فریبکاری أمره اوشونِ مزد هنداین، شیمه ضید فریاد زئنن و دروکارون فریاد خداوند لشگرونِ گوشِ برسه.