اوّل یوحنا 4:20 - کتاب مقدس به زبان گیلکی - گویش شرقی

²⁰ اگه یه نفر بگو که خدا دوست دانه، اما خو برارَ جی نفرت بداری دروغگو ایسّه. چون اونکی خو برارِ اینه و دوست ندائنه، نوتئنه خدایی که ندئه دوست بداری.

Gilaki New Testament

²⁰ اگه کسی مودّعی ایسه کی خودایَ دوس دأره امّا خو همنو جَا نیفرت دأره، دورُغ گه؛ چونکی اگه کسی نتأنه خو همنویَ کی دینه، دوس بٚدأره، چوطو تأنه خودایَ کی نیده، دوس بٚدأره؟

کتاب مقدس به زبان گیلکی - گویش رشت و غرب گیلان

²⁰ اَگه ایکس بگه، خُدایَ دوست دَره ولی خو برار جا خَفت بدَره، دوروغگوئه. چون اُ كَس کی خو براره دينه و دوست ناره، نتانه خُداییَ کی نیده یَ دوست بدَره.

اوّل یوحنا 4:20 ပူးပေါင်းရင်းမြစ်များ

یوحنا 13:35

اگه همدیگرِ دوست بدارین، همته مردوم فَهمنن که شمه می شاگردونین.

۱پطرس 1:8

شمه هرچند اونه ندین، اونه دوست دأنین؛ و گرچی ألؤن اونه نینین، اونه ایمؤن دأنین و خوشحالی کؤنین او شادی همرأ کی نشأنه گوتن و جلال أجی پوره،

اوّل یوحنا 1:6

اگه بوگویم اونه أمره رفاقت دَئنیم، ولی ظلمات میئن زندگی بکونیم، دورؤغ گونیم و حقیقتَ عمل نوکوئنیم.

اوّل یوحنا 1:8

اگه بوگویم گناهی نودیم، أمه گول زدریم و أمه میئن حقیقتی ننَه.

اوّل یوحنا 2:11

ولی هرکی که خو برارَ جی نفرت دَئنه تاریکی میئن ایسَنه و تاریکی میئن قدم ویگینه، او نودوئنه کوره شنه چونکه تاریکی اونه چیشمونِ کورَ گوده.

اوّل یوحنا 2:4

هرکی که گونه اونه شناسنه، ولی اونه حُکمؤن بجا نئاره دروغ گونه و حقیقت اونه میئن جائی ندَئنه.

اوّل یوحنا 2:9

هرکی گونه نور میئن ایسَه ولی خو برارَ جی نفرت دَئنه حله تاریکی میئن ایسا.

اوّل یوحنا 3:17

ولی اگه ینفر دنیا مال و مینالِ بداری و خو برارِ محتاج بینی، با ای حال خوشه دیلِ درِ اونِ رو دودی، چوطو خدا محبت ایجور آدم میئن موئنه؟

اوّل یوحنا 4:12

هی کس هرگی خدا بدِه ندَئنه؛ اگه همدیگر محبت بکونیم، خدا أمه میئن موئنه و اونه محبت أمه میئن کامیلا بنه.