اوّل یوحنا 3:15 - کتاب مقدس به زبان گیلکی - گویش شرقی

¹⁵ اونی که خو برارَ جی نفرت دَئنه، قاتیل ایسّه و شمه دوئنین که هیچ قاتیلی نئنه که اون میئن ابدی زندگی بموئنی.

Gilaki New Testament

¹⁵ اونی کی خو برأر جَا نیفرت دأره قأتیله و اَنَ دأنیدی کی کسی قصد بٚدأره کسی‌یَ بوکوشٚه، هیوخت اَبدی زٚندیگی‌یَ نیأفه.

کتاب مقدس به زبان گیلکی - گویش رشت و غرب گیلان

¹⁵ اونکی خو برار جا خفت بدَره قاتلِ، و شُمان دَنیدی هی قاتلی نیه کی اونِ درون ابدی زیندگی بمانه.

اوّل یوحنا 3:15 ပူးပေါင်းရင်းမြစ်များ

متّی 5:28

امّا مو شمره گونم هر کس شهوتِ اَمره یکته زناکِ نیگا بکونی، هودم خوش دیلِ میئن اونه اَمره زنا بُوده.

مَرقُس 6:19

پَس هیرودیا یحیی جی کینه به دیل داشت و خواس اونه خونِ فوکونی، امّا منیس.

یوحنا 4:14

ولی هر کس او آؤَ جی که مو اونه هَدَم وودوشی، هرگی تشنه نبنه. او آؤی که مو هَدِئنَم، اونه میئن یکته چشمه بنه که تا ابدی زندگی، جوش کؤئنه و سرَ شنه.»

یوحنا 8:44

شمه شیمه پِئر، ابلیس زاک ایسّین و خوانین اونه خوأسته أن انجوم بدین. او از اوّل قاتل بو و حقیقت اَمره کاری نداشت، چونکه هیچ حقیقتی اونه میئن ننأ. هروخت دروغ گونه، خو ذاتَ جی گونه. چونکه دروغگو ایسّه و دروغؤنِ پئرِ.

اعمالٚ رسولأن 23:12

وقتی صبح بوبو، یهودی أن همدیگر أمره توطئه دچِئن، قسّم بوخوردن تا پولُسِ نکوشن، نه هیچی بوخورَن و نه هیچی وودوشَن.

اعمالٚ رسولأن 23:14

اوشؤن، سرونِ کاهنؤن و شیخون ورجه بوشؤئن و بوتَن: «امه قسّم بوخوردیم که تا پولُس نوکوشیم، هیچی نوخوریم.

یعقوب 1:15

بزین وقتی هوا و هوس شوکومَه گیری، گناه چینه و گناه وختی کامل پیله ببی، مرگِ چینه.

۱پطرس 1:23

چونکی شمه دومرته بزأسه بوبؤین، نه او توخم أجی که از بین شنه، بلکه او توخم أجی که از بین نشنه، یعنی بواسیطه خدای کلؤم کی زینده ایسه و تا ابد مؤنه.

اوّل یوحنا 2:11

ولی هرکی که خو برارَ جی نفرت دَئنه تاریکی میئن ایسَنه و تاریکی میئن قدم ویگینه، او نودوئنه کوره شنه چونکه تاریکی اونه چیشمونِ کورَ گوده.

اوّل یوحنا 2:9

هرکی گونه نور میئن ایسَه ولی خو برارَ جی نفرت دَئنه حله تاریکی میئن ایسا.

موکأشفه 21:8

ولی ترسوؤن و بی ایمؤنؤن و فاسیدؤن و آدمکوشؤن و زیناکارؤن و جادوگرؤن و بت پرستؤن و تمؤم دورؤغگوؤن، اوشؤنِ همه ته نصیب، بلأگیته سل، آتش و گوگرد همرأ ایسه. ای، دومته مرگه.»