اوّل یوحنا 2:4 - کتاب مقدس به زبان گیلکی - گویش شرقی

⁴ هرکی که گونه اونه شناسنه، ولی اونه حُکمؤن بجا نئاره دروغ گونه و حقیقت اونه میئن جائی ندَئنه.

Gilaki New Testament

⁴ اونی کی خودایَ شنأسه امّا خودا حوکمأنَ حیفظ نوکونه و اونٚ خأستَ بجأ نأوٚره، دورُغ گه و حِئقتٚ جَا دورٚه.

کتاب مقدس به زبان گیلکی - گویش رشت و غرب گیلان

⁴ هرکس کی گه اونَ ایشناسه، ولی اونِ حکمان بجا ناوره، دوروغگوئه و حئیقت اونِ درون جائی ناره.

اوّل یوحنا 2:4 ပူးပေါင်းရင်းမြစ်များ

یوحنا 8:44

شمه شیمه پِئر، ابلیس زاک ایسّین و خوانین اونه خوأسته أن انجوم بدین. او از اوّل قاتل بو و حقیقت اَمره کاری نداشت، چونکه هیچ حقیقتی اونه میئن ننأ. هروخت دروغ گونه، خو ذاتَ جی گونه. چونکه دروغگو ایسّه و دروغؤنِ پئرِ.

تیتوس 1:10

چونکه یاغی ئن، هپراگبزنؤن و چاچولبازؤن زیادن، علی الخصوص اوشؤنی کی ختنه بؤن ئبه ایصرار دأنن،

تیتوس 1:16

اوشؤن ایدعا دأنن کی خدا شناسنن، اما خوشؤن کارؤن أجی اونه حشا کؤنن. اوشؤن نیفرت انگیز و نافرمؤنن و هرته خؤرم کار ئبه ناجور.

اوّل یوحنا 1:10

اگه بوگویم گناه نودیم، أمه خدا دروغگو چاگودیم و اونه کلام أمه میئن هیچ جایی ندَئنه.

اوّل یوحنا 1:6

اگه بوگویم اونه أمره رفاقت دَئنیم، ولی ظلمات میئن زندگی بکونیم، دورؤغ گونیم و حقیقتَ عمل نوکوئنیم.

اوّل یوحنا 1:8

اگه بوگویم گناهی نودیم، أمه گول زدریم و أمه میئن حقیقتی ننَه.

اوّل یوحنا 2:3

اِرَه جی دوئنیم که اونه شناسنیم، اگه اونه حُکمؤنِ بجا بئاریم

اوّل یوحنا 2:9

هرکی گونه نور میئن ایسَه ولی خو برارَ جی نفرت دَئنه حله تاریکی میئن ایسا.

اوّل یوحنا 3:6

اونیکه اونه میئن موئنه گناه دونباله ندِئنه. اونیکه که گناه دونباله دئنه نه اونه بده دَئنه و نه بشناخته.

اوّل یوحنا 4:20

اگه یه نفر بگو که خدا دوست دانه، اما خو برارَ جی نفرت بداری دروغگو ایسّه. چون اونکی خو برارِ اینه و دوست ندائنه، نوتئنه خدایی که ندئه دوست بداری.

اوّل یوحنا 4:7

ای عزیزؤن، همدیگرِ محبت بکونیم، چونکه محبت خدا جی ایسّه و هر کس که محبت کوئنه، خدا جی بزاسه بوبؤ و خدا شناسنه.