اوّل یوحنا 1:6 - کتاب مقدس به زبان گیلکی - گویش شرقی

⁶ اگه بوگویم اونه أمره رفاقت دَئنیم، ولی ظلمات میئن زندگی بکونیم، دورؤغ گونیم و حقیقتَ عمل نوکوئنیم.

Gilaki New Testament

⁶ پس اگه بیگیم خودا اَمرأ ایتأ نیزدیکٚ رأبطه دأریم، امّا اَمی روحأنی زٚندیگی هچین سیأ بٚبه، دورُغ گفتأندریم.

کتاب مقدس به زبان گیلکی - گویش رشت و غرب گیلان

⁶ اَگه بیگیم اونِ مَرا رِفِقیم؛ ولی تارکی درون زیندگی بُکونیم، دوروغ گیم و حقیقتَ عمل نُکونیم.

اوّل یوحنا 1:6 ပူးပေါင်းရင်းမြစ်များ

متّی 7:22

او روز میئن خیلی‌ین مه گونن که: ”آقا، آقا، مگه تی ایسمِ اَمره نبوّت نؤدیم؟ مگه تی ایسمِ اَمره دیوؤنِ بیرون توندایم؟ مگه تی ایسمِ أمره خیلی معجزه أن نودیم؟“

یوحنا 11:10

امّا اونی که شؤ میئن راه شنه کِئنه، چونکه خوشِ میئن نور ندَئنه.»

یوحنا 12:35

عیسی ایشؤنِ بوته: «نور اَنی دِه شیمه أمره‌ ایسّه. پس تا وختی که حلِه نور دَئنین، راه بشین، نبی که ظلمات شمره فَوَری. اونی که ظلمات میئن راه شنه، نودؤنه کوره شوئدره.

یوحنا 12:46

مو نور مورسؤن دونیا میئن بومَئم تا هر کس مه ایمؤن بأری، ظلمات میئن نَیسی.

یوحنا 8:12

عیسی دومَرته مردم اَمره گب بزه و بوته: «دونیا نور مو ایسّم، هر کس می دومبال بای، هرگی ظلمات میئن نشنه، بلکه زندگی نور دَئنه.»

یوحنا 8:55

ولی شمه اونه نشنأسنین. امّا مو اونه شنأسنم. اگه بوگؤم که اونه نشنأسنَم، شیمه مورسون دروغگو بنم. ولی مو اونه شنأسنم و اونه کلامِ انجوم دِئنم.

اوّل تیموتائوس 4:2

ایجور تعالیمه دورؤغگوؤن و ریاکارؤن أبئنن که اوشؤن وجدؤن بمردهَ.

یعقوب 2:14

می برارون، اگه یه نفر ادعا بکونی ایمؤن دئنه، ولی اعمال نداری، چی فایده ای دئنه؟ ایجور ایمؤن تینه اونه نجات بدی؟

یعقوب 2:16

و یک نفر شمه جی ایشونِ بوگوی:«بشین به سلامت، گرم و سیر ببین،» ولی ایشون جسمِ خواسته ان برآورده نکونی چی فایده دَئنه؟

یعقوب 2:18

ولی امکؤن دَئنه یه نفر بگوی: «تو ایمؤن دئنی و منم اعمال دئنم!» تو تی ایمونِ بدونه اعمال، مه نیشون بدی و منم می ایمونِ می اعمال امره ته نشون دِئنم.

اوّل یوحنا 1:10

اگه بوگویم گناه نودیم، أمه خدا دروغگو چاگودیم و اونه کلام أمه میئن هیچ جایی ندَئنه.

اوّل یوحنا 1:3

او کلام که أمه بدیم و بشتوسیمِ شیمه به اعلوم کوئنیم تا شمه هم أمِه أمره رفاقت بدارین؛ حقیقتا هم أمه رفاقت پئر و اینه ریکه، عیسی مسیح أمره ایسّه.

اوّل یوحنا 1:8

اگه بوگویم گناهی نودیم، أمه گول زدریم و أمه میئن حقیقتی ننَه.

اوّل یوحنا 2:4

هرکی که گونه اونه شناسنه، ولی اونه حُکمؤن بجا نئاره دروغ گونه و حقیقت اونه میئن جائی ندَئنه.

اوّل یوحنا 4:20

اگه یه نفر بگو که خدا دوست دانه، اما خو برارَ جی نفرت بداری دروغگو ایسّه. چون اونکی خو برارِ اینه و دوست ندائنه، نوتئنه خدایی که ندئه دوست بداری.