اوّل قرنتیان 9:12 - کتاب مقدس به زبان گیلکی - گویش شرقی

¹² اگه دیگرون حق دانن که ایطوچی شمراجی بخوان، مگه امه بیشتر حق ندانیم؟ با ای حال امه ای حق اجی ایستفاده نودیم ،بلکه هرچیه تاب ابئنیم تا هیچ مانعی مسیح انجیل راه سر ننابیم .

Gilaki New Testament

¹² اگه البأقیأن حق دأرٚده کی جٚه شیمی ور مألی کومک فأگیرٚد، مگه اَمأن نوأستی ویشتر حق بٚدأریم؟ ولی اَمأن جٚه اَ حق ایستفأده نوکودیم. بلکی وأگردأنسر، همه چی‌یَ تحمول بوکودیم اَطو نٚبه کی ایتأ مأنع مسیح اینجیلٚ رأ سٚر بٚنیم.

کتاب مقدس به زبان گیلکی - گویش رشت و غرب گیلان

¹² اَگه دیگران، حقّ دَریدی کی اَجور چیَ شیمی جا بخوائید، مگه امان ویشتر حقّ ناریم؟ با اَ حال امان اَ حقِّ جا استفاده نُکودیم، بلکی هر چیزیَ تاب آوریم تا هی مانعی مسیحِ انجیلِ راه سر ننَبیم.

اوّل قرنتیان 9:12 ပူးပေါင်းရင်းမြစ်များ

لوقا 11:52

وای بر شمه ای قاضی أن! چونکه معرفت کلید بدوزِیئن. خودتون دیرون نوشوئین و اوشونِ جلو که خوانَن دیرون بوشُئن هم گینین.»

اعمالٚ رسولأن 18:3

و اینه واسه که اونم ایشون مورسون سابقه خیمه دوزی داشت، اوشونه ورجه بِیسه و مشغول به كار بوبؤ.

رومیأن 15:22

اینه واسی ایسه کی، چن دفا خواستم بام شیمئه وَر و نوبو.

اوّل قرنتیان 13:7

محبت همه چیه تحمل کوئنه، محبت همه چئه باور کونه، همیشه امید دأنه، و همه چئه تاب ابئنه.

اوّل قرنتیان 6:7

اصلا ایجور دعوا مرافعه شیمه میئن، خودوش سرشکستگی ایسّه شیمه به. چره نخوائنین او بدیه قبول بکونین؟ چره حاضیر نین ضرر بکونین؟

اوّل قرنتیان 9:14

هین واسه، خداوند حوکم بوده اوشونی که انجیلِ اعلوم کونن، خا خوشون روزیه انجیل جی بدس بارن.

اوّل قرنتیان 9:15

ولی مو هیته ایی حق و حقوقَ جی ایستفاده نودم و اینم ننویسنم تا ای کاره می حق میئن بکونین. چون بمیرم بهتره تا یگ نفر می ای ایفتخاره هیچاکونی.

اوّل قرنتیان 9:16

چونکه اگر مو انجیله موعظه کادرم، ای حقه ما هندئنه کی ایفتخار بکونم، چون می وظیفهَ که ای خدمته بکونم. وای بر مو اگر ای انجیله موعظه نکونم!

اوّل قرنتیان 9:18

پس می پاداش چیسه؟ اینکه انجیلِ مجؤنی موعظه بکونم و او حق و حقوقیه که اون اجی دانم هیچ هنگیرم.

اوّل قرنتیان 9:2

اگر بقیه انِ به رسول نوبوئم، لا اقل شیمه به کی ایسّم؛ چونکه شمه مهرِ تاییدی ایسین که ثابیت کونه مو خداوند میئن رسول ایسم.

دوم قرنتیان 11:12

و کارئه کی کادرم ایدامه دئنم تا اوشونه کی ایدعا کونن خانن اوجور که امه خدمت کونیم خدمت بوکونن و این اجی ایفتخار کونن، هیچاکونم. اوشون اجی کی سعی کونن تا خوشونه او چی مئن که اونئبه گولاز کونن امئه همرا مساوی بوکونن.

دوم قرنتیان 11:20

چونکه اگر یگ نفر شمره خوشه غولؤم چاکونه یا ای کی شمره فبره یا شمراجی سو ایستفاده بوکونه، یا خوشه شمراجی سرتر بودونه، یا شیمئه دیمه سللی بزنه، تاب ابئنین.

دوم قرنتیان 2:12

وختی تروآس شهر بوشوئم تا مسیح انجیله موعظه بکونم، با ای که خداوند اوره یکته پیله دروازه می جلو واگوده،

دوم قرنتیان 6:3

امه هیچ سنگی هیکس رای مئن توندئنیم، تا هیچ عیبی امئه خدمت مئن دنبون،