اوّل قرنتیان 7:17 - کتاب مقدس به زبان گیلکی - گویش شرقی

¹⁷ فقط هرکس هوطو زندگی بکونی که خداوند اون ئبه معین بوده و اوجور که خدا اونه دخونده. ایی حکمی ایسه که مو همه کلیساهان میئن گونم .

Gilaki New Testament

¹⁷ هر جور بٚبه، هرتأ جٚه شومأن اوجور زٚندیگی بوکونید کی یقین بٚدأرید اوطو کی خودا خأیه کردکأر کودأندرید. او جأ مکأن کی خودا شٚمٚره اونی دورون بٚنأیَ، قوبیل بوکونید. اَن می حوکم ایسه تومأمٚ کیلیسایأنٚ رِه.

کتاب مقدس به زبان گیلکی - گویش رشت و غرب گیلان

¹⁷ فقط، هرکس هُطو زیندگی بُکونه کی خُداوند اونِ ره مُعین بُکوده و اوجور کی خُدا اونَ دوخواده. اَن حُکمی ایسه کی من تمانِ کلیسائانِ درون گَم.

اوّل قرنتیان 7:17 ပူးပေါင်းရင်းမြစ်များ

متّی 19:12

چونکه بعضی​ین خواجه أن، چرِء که خوشؤنِ مئره شوکُمای ایطوری بچِه بوبوئن؛ و بعضی دیگه هم مردوم دست أمره خواجه بوبوئن؛ و بعضی‌ینم آسمون پادشاهی وسه خوشون خواجه بودونسَن و عروسی گودنای بوگذشتن. هر کس تینه اینه قبول بکونی، بدار هیطو بکونی.»

اوّل قرنتیان 10:32

هیچ کسه ناراحتانوکونین، چی یهودیئن، چه یونانیئن، و چی خداوند کلیسا ،

اوّل قرنتیان 11:16

اگه ینفر بخوای خوشئه خو سازه بزنی، باید بوگوم که نه امئبه و نه خدا کلیسائان به ایجورچی داب نیه .

اوّل قرنتیان 11:34

اگه یه نفر وشته ایسّه، خو خونه میئن غذا بخوری تا شیمه جومه بوئن همدیگر همره به محکومابون ختم نبی. بقیه چیزون باره هم وقتی شیمه ورجه بام، شمره گونم چی بوکونین.

اوّل قرنتیان 14:33

چونکه خدا، هرج و مرجی خدا نیه، بلکه صلح و سلامتی خدا ایسّه. هوطو که همته مقدسین کلیسائان ایطو ایسّه.

اوّل قرنتیان 16:1

ایسه پیشکشون جومَه گودنِ باره مقدسینِ به: شمرم اوچیِ که غَلاطیه کلیسیاأنِ بوتم، انجوم بدین.

اوّل قرنتیان 4:17

هینه وسه تیموتائوسِ که می عزیز زاک ایسّه و خداوند میئن وفاداره شیمه ورجه سرادام، تا می راهؤنه مسیح عیسی میئن شمره یاد باره، هوطو که او راهؤنه همه جا همته کلیساأنِ میئن آموجبِئنَم.

اوّل قرنتیان 7:18

مگه هیکس ایسابو او زمت که دوخونده بودبو ختنه ببوبی؟ اینه دومبال دنبی که ختنه نشونه ئانه ویگیره. مگر هیکس ایسابو او زمت کی دوخونده بوبو ختنه نوبوبی؟ او آدم ختنه بون دومبال دنبی.

اوّل قرنتیان 7:24

پس ای برارؤن، هرکس هر وضع میئن که دوخونده بوبؤ، هو وضعِ میئن خدا محضر میئن بیسی.

اوّل قرنتیان 7:7

کاشکی همته می مورسؤن بوبوبی، ولی هرکس خوشه عطیه خدا جی هیته؛ یکته یجور عطیه دئنه و یکتای دیگه یجور ده.

دوم قرنتیان 11:28

علاوه بر ایشون تموم کلیسائان نگرونی باره کی می کول سر سنگینی کونه.

دوم قرنتیان 8:18

امه یکته ده براره تیتوس همرا سرادئنیم که انجیل موعظه به تموم کلیسائان مئن سرشناسه.

غلاطیأن 1:22

او زمت ألئه یهودیه کلیسائان کی مسیح مئن دبون، می دیمه نشناختن.

اوّل تسالونیکیان 2:14

چون أی برأرؤن، شمه خدا کلیسائان أجی یهودیه ولایت مئن، کی مسیح عیسی مئن درن، سرمشق بیتین. چون شمه شیمئه همولایتئن أجی هو عذابؤنه بدین که اوشؤن یهودئن أجی بدئن،

دوم تسالونیکیان 1:4

هین وأسی، أمه خودمؤن خدای کلیسائان مئن شمره ایفتخار کؤنیم، شیمئه پایداری و ایمؤن وأسی، که همه ته أذئت و آزارؤن و عذابؤن مئن تاب أبئنین.