اوّل قرنتیان 14:1 - کتاب مقدس به زبان گیلکی - گویش شرقی

¹ محبتِ دومبال دبین و غیرت هما روحونی عطایانه بخاین، بخصوص ایکه نبوت بکونین.

Gilaki New Testament

¹ پس، محبتَ شیمی زٚندیگی موهیمٚ هدف چأکونید. ولی هطویم شوقٚ اَمرأ دوعأ بوکونید کی روح‌القدس روحأنی عطأیأنٚم شٚمٚره خو لوطفٚ اَمرأ فأدٚه، بوخصوص نوبوّتٚ عطأیَ.

کتاب مقدس به زبان گیلکی - گویش رشت و غرب گیلان

¹ محبت دُمبال بیبید و غیرتِ مَرا روحانی عطایانَ بخوائید، اَلَلخصوص اَنکی نبوّت بُکونید.

اوّل قرنتیان 14:1 ပူးပေါင်းရင်းမြစ်များ

رومیأن 12:6

طبق او فیضی کی امره هدا بوبو جورواجور عطایا دَانیم، باین عطایانَ کاراگیریم: اگر نبوت گودَنه، اونِ امئه ایمون أندی کاراگیریم.

رومیأن 14:19

پس باین اوچیِ دومبال دبیم کی باعث برقراری صلح و صفا و همدیگر ایمونِ تقویت بنه.

رومیأن 9:30

پس چی بوگویم؟ غير يهوديئنی کی صالحی دومبال دننئه بون، اونَ به دست باردن، يعنی او صالحی كی ايمون اجی به دست اَنه؛

اوّل قرنتیان 12:1

ایسه ای برارون، نخوانم کی روحانی عطایان باره بیخبر ببین.

اوّل قرنتیان 12:31

ولی شمه ذوق أمره پیله تر عطایای دومبال دبین. و مو بهترین راهِ شمره نشون دِئنم.

اوّل قرنتیان 13:13

پس ایسه، ایی سوته موئنه: ایمؤن، امید و محبت. اما ایشون میئن محبت پیلترین ایسّه.

اوّل قرنتیان 13:2

و اگر نبوت گودن قدرته بدارم و بتونم همه رازون و دونایئه بفهمم، و اگه ایمؤنی بدارم که تموم و کمال ببی اوجور کی بتونم کوهؤنِ جابجا بکونم، ولی محبت ندارم، هیچم.

اوّل قرنتیان 14:22

پس زبون های دیگه ، نشونه ای ایسه نه ایموندارون ئبه بلکی بی ایمونون ئبه؛ ولی نبوت نشونه ای ایسه ایمون دارون ئبه و نه بی ایمونون.

اوّل قرنتیان 14:37

اگه یه نفر گمون کونه که یکته پیغمبر یا آدمی ایسه که خدا روحه دانه، او خا تصدیق بکونی اونی که شیمه به نیویسنم یکته حکم، خداوند اجی ایسه.

اوّل قرنتیان 14:39

پس ای می برارون، غیرت همرا این دنبال ببین که نبوت بکونین و دیگر زبونون گب زئنه جلوئه نگیرین.

اوّل قرنتیان 16:14

شیمه همته کارون محبت همرا ببی .

افسسیان 1:3

مووارک ببون خدا و امئه خداوند عیسی مسیح پئر، که امره مسيح مئن، هرته روحونی برکت همرا آسمونی جیگه ئان مئن برکت بدأ.

اوّل تسالونیکیان 5:20

نبوّتؤنه کوچیک نودؤنین،

اوّل تیموتائوس 4:14

او عطا کی تی مئن دره بی‌اعتنایی نوکون، او عطا کی نبوت أجی، او زمت کی ریش سیفیدؤن شؤرا تی سر دست بنأبون، بدست بأردی.

اوّل تیموتائوس 5:10

و خؤرم کارؤن أنجؤم دأن مئن شناس ببون، یعنی: خوشؤن زاکؤنه پیلله بوده‌بی، نسبت به غریبه ئان میمؤندوست ببون، مقدسین پأنه بوشؤرده بی، دردمندؤن أجی مراقبت بوده بی، و خوشؤنه هرجور خؤرم کار ئبه وقف بوده‌بی.

اوّل تیموتائوس 6:11

أما تو کی خدا مردأکی، ایشؤن همه أجی فرار بوکون و صالح بؤن و دینداری و ایمؤن و محبت و پایداری و ملایمت دومبال دبو.

دوم تیموتائوس 2:22

پس جوؤنی هوا و هوس أجی دربوشو، و اوشؤن همأ کی پاک دیل همرأ خداونده دوخؤنن، صالحی و ایمؤن و محبت و صلح و سلامتی دومبال دبو.

عبرأنیأن 12:14

تقلا بکونین همه ته مردوم همره صلح و سلامتی مئن بیسین و مقدس ببین، چونکه بیدون قدوسیت هیکس خداونده نینه.

دوم پطرس 1:7

و دینداری همرأ، برأرؤنه دوست دأشتن؛ و برأرؤنه دوست دأشتن همأ، محبت.

سوم یوحنا 1:11

ای عزیز، بدی تی سر مشخ نکن، بلکه خوبی جی سر مشخ بگیر؛ اون که خورم کار کوئنه خدا جی ایسه، اون که بَدِ کار کوئنه خدا نَدهِ.