اوّل قرنتیان 12:8 - کتاب مقدس به زبان گیلکی - گویش شرقی

⁸ چونکی ینفرِ بواسیطه خدا روح، حکمتِ کلام هَده بنه، و یکتای دیگه به بواسطه هو روح، کلام دونسن،

Gilaki New Testament

⁸ خودا روح اینفرَ ایتأ پیغأمٚ پور جٚه حیکمت گفتنٚ عطأیَ بخشه، و هو روح اویتأیٚ، عطأیٚ پیغأمٚ پور جٚه معرفت و شنأختَ.

کتاب مقدس به زبان گیلکی - گویش رشت و غرب گیلان

⁸ چونکی اینفرَ بواسطه خُدا روح، حکمت کلام فدَه به، و اینفر دیگه بواسطه هو روح، کلامِ دانستن.

اوّل قرنتیان 12:8 ပူးပေါင်းရင်းမြစ်များ

متّی 13:11

عیسی جواب بدا: «آسمؤنِ پادشاهی رازؤنِ فَهمسَن، شمره هده بوبُو، اما اوشؤنِ هَدَه نوبؤ.

اعمالٚ رسولأن 6:3

پس ای برأرؤن، شمه میئنای هفت‌ته خوش‌نوم که روح و حکمتَ جی پورا گوده بوبوئن دوجین بکونین تا اوشونه ایی كار سر بنایم

رومیأن 15:14

ای می برارون، مو خودم شمراجی خاطیر جمع ایسَم کی شمه خودتون خوبی جی پُر ایسین و کاملا دونایی جی پور ایسین و تینین کس کسه تعلیم بدین.

اوّل قرنتیان 1:30

اون واسی ایسّه که شمه مسیح عیسی میئن ایساین. او مسیح عیسی که خدا طرفای أمه به حکمت بوبؤ، یعنی صالحی، قدوسیت و آزادی.

اوّل قرنتیان 1:5

چونکه شمه از هر نظر مسیح مئن، تموم کلوم و تموم دونایی مئن غنی بوبوین

اوّل قرنتیان 13:2

و اگر نبوت گودن قدرته بدارم و بتونم همه رازون و دونایئه بفهمم، و اگه ایمؤنی بدارم که تموم و کمال ببی اوجور کی بتونم کوهؤنِ جابجا بکونم، ولی محبت ندارم، هیچم.

اوّل قرنتیان 13:8

محبت هرگی تمنا نبنه. ولی نبوتؤن از بین شنن و زبونؤن تمنا بنن و دونایی از بین شنه.

اوّل قرنتیان 14:26

برارؤن پس منظور چیسه؟ هو موقع که جومه بنین، هرکس یکته حمد و ثنا سرود، یا یکته تعلیم، یکته مکاشفه، یکته زبؤن و یا یکته ترجمه دَئنه. بدارین ایشون همه بنا بون وسه ایستفاده ببی.

اوّل قرنتیان 14:6

الؤن ای برارؤن، اگه مو شیمه ورجه بَئم و دیگر زبونون هما گب بزنم، شمره چی نفعی رسبئنم، مگر ایکه مکاشفه یا دونایی یا نبوت یا یکته تعلیم شیمئبه بدارم؟

اوّل قرنتیان 2:11

چون کی ایسّه که آدمی فیکرؤن جی واخوب ببی، جز هونه روح که اونه میئن دره؟ هینه واسه، فقط خدا روح ایسّه که خدا فکرؤنَ جی واخوب ایسّه.

اوّل قرنتیان 2:16

«چون کی ایسه که خداوندِ فیکر بفهمی تا اونه یاد بدَی؟ ولی أمه مسیحِ فیکرِ دَئنیم.

دوم قرنتیان 1:12

چون امه ایفتخار، امه وجدان ایسه که گوایی دئنه که ای دنیا مئن روراستی و صاف و صادقی هما که خدا یاجی ایسه رفتار بودیم، نه آدمی حیکمت همرا، بلکی خدا فیض همرا رفتار بودیم علی الخصوص شیمه همره.

دوم قرنتیان 11:6

حتی اگر گب زئن مئن ماهیر نبوم دونایی مئن هیچی کم ندانم، راس راسی امه هر بابت اجی اینه، همه چی مئن شیمئبه روشناگودیم.

دوم قرنتیان 2:14

ولی خدایه شکر که همیشه مسیحِ میئن، او خوشه پیروزی مئن امره راهنمایی کونه و اونه دونایی عطره بواسیطه أمه همه جا پخشَ کوئنه.

دوم قرنتیان 4:6

چونکه هو خدا کی بوته: «نور تاریکی جی فتؤه»، خوشه نوره امئه دیلون مئن فتؤسه تا خدا جلال شناختن همرا مسیح دیم مئن، امره نورونی بوکونه.

دوم قرنتیان 6:6

پاکی همرا، دونایی همرا، صبر همرا، مهربونی همرا، روح‌القدس همرا، محبت بی‌ریا همرا،

دوم قرنتیان 8:7

ولی اوجور که همه چی مئن سرترین، ایمون مئن، گب زئن مئن، دونایی مئن، بی ریایی مئن و شیمئه محبت نسبت به امه-پس ای کار خیر مئنم همه کس اجی سرتر ببین.