اوّل قرنتیان 10:27 - کتاب مقدس به زبان گیلکی - گویش شرقی

²⁷ اگه یکته بی ایمون شمره غذا خوردنئبه دعوت کونه و شمرم دوست دانین بشین هرچی شیمه جلو نئنه بخورین، بی ای که شیمه وجدون وسه سوال واپورسین

Gilaki New Testament

²⁷ اگه اینفر کی ایمأن نأرِه، شٚمٚره غذأ خوردنٚ رِه دعوت بوکونه، و خأییدی بیشید، جٚه هرچی کی سٚفره دورون نٚهأ بوخورید و هیچیٚم وأنوٚرسید. اَطویی شیمی ویجدأن رأحت بِه چونکی نأنیدی کی قوربأنی گوشت ایسه یا نییٚه.

کتاب مقدس به زبان گیلکی - گویش رشت و غرب گیلان

²⁷ اَگه ایتا بی ایمان، شمرأ غذا خوردن واسی دعوت کونه و شُمانم شُئونِ ره میل دَریدی، هر اونچی کی شیمی جُلُو نِئه بُخورید بدون اَنکی شیمی وجدانِ واسی سوال واورسید.

اوّل قرنتیان 10:27 ပူးပေါင်းရင်းမြစ်များ

لوقا 15:23

یکته چاق گؤکوله بارین و سیرا بینین، باین بُخوریم و جشن بگیریم.

لوقا 19:7

مَردم وختی اینه بدِه ئن، همته میسمیره بودَن که: «یکته گنُاهکارِ خؤنه میئن مِیمؤنی بُشو.»

اوّل قرنتیان 10:25

هر گوشتی که قصابی مئن فورشنن بخورین ، بدون اینکه شیمه وجدون وسه سوال واپورسین ،

دوم قرنتیان 1:13

چونکه امه جوز او چیزی که شمه خؤنین و فهمنین شیمئبه ننویسنیم. و مو امید دانم شمه اینه خوب بفهمین.

دوم قرنتیان 4:2

بلکی خلوتی راهون و شرم‌آور راهون اجی دوری بودیم و قاببازی هما جلو نشنیم، و خدای کلومه دسکاری نوکونیم، بلکی حقیقته آشکارا گونیم و تقلا کونیم خدا محضر مئن همه کس وجدون مئن تصدیق ببیم.

دوم قرنتیان 5:11

پس چونکی دونیم خداوند ترس معنی چیسه، مردومه قانع کونیم. ولی او چی کی ایسیم خدای ئبه آشکاره و امید دانم کی شیمئه وجدون ئبه ام آشکار ببون‌.