Zẹkaraia 9:8 - Edo Bible (E Baibol Ẹdo) Version 1996

⁸ I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Zẹkaraia 9:8 ပူးပေါင်းရင်းမြစ်များ

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

II Ọba 19:34

I gha gbinna ne ẹvbo na, I ghi vbe tan obọ guẹ ẹre rhunmwuda ekpẹn ne egbe mwẹ kevbe eyan ne I yan ma e Devid ne ọguọmwadia mwẹ.’ ”

II Ọba 23:29

Ẹghẹ ne Josaia na gha re ọba, e Nẹko ne ọba Igipt keghi viọ ivbi iyokuo gha rrie Yufretes ne ọ ya ru iyobọ ne ọba nọkhua ọghe Asiria. E Josaia ne ọba keghi hia ne ọ degbe ivbi iyokuo Igipt odẹ vbe Mẹgido. Iran keghi gbe ẹe rua vbe okuo.

II Ọba 24:1

Ẹghẹ ne Jehoiakim na gha re ọha, e Nebukiadneza ne ọba e Babilọn keghi mu okuo gha die Juda. E Jehoiakim keghi ya ukpo eha gha ga gie ẹe, vbe iyeke ọnii, ọ keghi sọtẹ.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Psalm 72:4

Te ọba gha sẹtin gha bu ohiẹn ẹse ne avbe ivbiogue. Te ọ gha ru iyobọ ne ne ẹ i mwẹ ne obọ ẹre vbe gba avbe eghian iran.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 3:9

I họn eve ne emwa mwẹ viẹ, I kevbe miẹn obọ dan ne ivbi Igipt ya mu iran.

Itan 3:25

U i ra vbe hawa ye ẹmwẹ ọkhọ udomwurri, egbe ne ọ hẹ rhu emwa dan zẹ vbe okpẹhoho.

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 31:5

Zẹ vbene ahianmwẹ gho lẹga oko ẹre, ne ọ tan ifuẹn ga ivbi ẹre, erriọ mẹ ne Nọyaẹnmwa ne Oghodua gha degue Jerusalẹm ne I tan obọ gue ẹre.”

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 52:12

Ẹghẹ na, wa i ghi ra khirhi kpao, wa i ghi ra gha hia ne uwa lẹ fua. E Nọyaẹnmwa ne Osanobua uwa gha kodaro ne uwa ọ ghi vbe degue uwa vbe igienenẹ.

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 46:13

E Nebukiadneza ne Ọba e Babilọn ghi mu okuo gha die Igipt, e Nọyaẹnmwa keghi gu mwẹ guaan. Ọ wẹẹ,

Jerimaia 46:2

Ọ na suẹn ọnrẹn vbe egbe Igipt. Ẹmwẹ ne ọ tae vbekpa ivbiyokuo e Nẹko ne ọba Igipt ẹre ọ na khin, ọmwa ne Nebukiadneza ne ọba e Babilọn khọn mu Kakẹmis vbe ọkpẹn Yufretes ne Ẹzẹ vbe ukpo ne ogienẹ ne Jehoiakim yae vbe ẹkete e Juda:

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Emọs 9:15

I gha gbe emwa mwẹ ẹkun sẹ otọ vbe otọe ne I mu ne iran, a i ghi dọlegbe werriẹ iran owa ọvbehe.” E Nọyaẹnmwa ne Osanobua rua taa ẹe nẹ.

Zẹkaraia 12:4

Ọ gha sẹ ẹghẹ nii, I gha runran avbe ẹsin iran, I ghi fi emwẹmwẹ ku iran ni hin ẹnrẹn uhunmwu. I gha tobọ mwẹ gha gbearoghe ivbi e Juda, sokpan, I gha rhu avbe ẹsin eghian iran aro.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Zẹkaraia 14:11

Emwa ni ghi gha rrọ vbene ẹkun na sẹ iran otọ, vbene ọfuan i ghi na vbe runran iran ọvbehe.

Zẹkaraia 9:7

Iran i ghi ra dọlegbe rri aranmwẹ ke ẹe kevbe esagiẹn ọvbehe, ra avbe evbare awua ọvbehe. Iran hia ni ghi miẹn uhunmwu vbọ gha do khian emwa mwẹ, iran ghi do yevbe ẹwae ọkpa vbe Juda. Ikrọn gha deba usun emwa mwẹ, zẹ vbene emwa Jebus gha ye.

Iwinna 7:34

I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’

Arhie Maan 20:9

Iran gha egbe gba otọ agbọn hia, iran ke ghae ga agọ emwa Osanobua kevbe ẹvbo ni ne irẹn ho ẹmwẹ ọnrẹn, sokpan, erhẹn ke ẹrinmwi rre, ọ na fuẹn iran uan.