Zẹkaraia 9:7 - Edo Bible (E Baibol Ẹdo) Version 1996

⁷ Iran i ghi ra dọlegbe rri aranmwẹ ke ẹe kevbe esagiẹn ọvbehe, ra avbe evbare awua ọvbehe. Iran hia ni ghi miẹn uhunmwu vbọ gha do khian emwa mwẹ, iran ghi do yevbe ẹwae ọkpa vbe Juda. Ikrọn gha deba usun emwa mwẹ, zẹ vbene emwa Jebus gha ye.

Zẹkaraia 9:7 ပူးပေါင်းရင်းမြစ်များ

I Krọnikol 1:14

E Kenan, ọ re ọ vbe gha re erha odede ọghe emwa Jebus, Amọri, Gigasi.

I Krọnikol 21:15

ọ keghi gie odibo Osa ne ọ ya dunmwu e Jerusalẹm sotọ sokpan, ọ keghi fi ekhọe werriẹ, ọ tama odibo Osa ni wẹẹ, “Dobọyi! Ọnii sẹe!” Ẹghẹ nii otọ iguọghọka ọghe Arauna ne ọmwa Jebus ọ re ọ gha ye.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 58:6

Guọghọ akọn avbe oduma ni khọ na, Osanobua.

Aizaia 65:4

Ẹdẹ gha mu nẹ, iran ghi gha lele avbe uvun okuta kevbe idin khian, ya gha gualotọ emwi vbe obọ orhiọn emwa ni wulo nẹ. Iran rri emiowo esiebo, iran ghi vbe rri uwọnmwẹ emiowo ne iran ni ga ẹbọ ya zọ ese.

Jerimaia 48:47

Sokpan e Nọyaẹnmwa gha gie agbọn dọlegbe maa e Moab vbe ẹghẹ ne ọ dee. Avbe emwi na hia, ọre Nọyaẹnmwa khare ighe ọ gha sunu vbe egbe Moab.

Jerimaia 49:39

Sokpan, vbe okiekie ehia, I gha gie agbọn vbe dọlegbe maa ivbi Ẹlam. Mẹ ne Nọyaẹnmwa taa ẹe nẹ.”

Jerimaia 49:6

“Sokpan, vbe okiekie, I gha gie agbọn dọlegbe maa Amọn. Mẹ ne Nọyaẹnmwa taa ẹe nẹ.”

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Zẹkaraia 9:6

Ivbi ẹvbo ne ọ ke eran rre ọ ke eran rre ọ re ọ ra do yin Asdọd. E Nọyaẹnmwa khare, “I gha hie iran uhunmwu rre ighẹ ivbi e Filistin ni wa hio na.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.