Zẹkaraia 9:6 - Edo Bible (E Baibol Ẹdo) Version 1996

⁶ Ivbi ẹvbo ne ọ ke eran rre ọ ke eran rre ọ re ọ ra do yin Asdọd. E Nọyaẹnmwa khare, “I gha hie iran uhunmwu rre ighẹ ivbi e Filistin ni wa hio na.

Zẹkaraia 9:6 ပူးပေါင်းရင်းမြစ်များ

Asan-Ibo 6:2

Osanobua ghi ya ẹfe ne ọmwa, deba ọghọ kevbe emwi ne a mwẹ, ne a wa kha wẹ emwi hia ne ọ ho, sokpan, ẹ i ghi gie ẹe ya ẹe ru, sokpan ẹrrẹe ghi do ya ẹe ru. ọna i zẹdẹ maa, ọ ma gba hiehiere.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Jerimaia 47:1

Vbe ọ te sẹ ẹghẹ ne ọba Igipt na mu okuo gha rrie Gaza, e Nọyaẹnmwa keghi gunmwẹ guaan vbe ekpa e Filistia.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Emọs 1:8

I gha viọ iran ni khaemwisẹ vbe Asdọd kevbe Askẹlọn kpao, I gha rri Ẹkrọn ne ẹvbo oya. Ivbi e Filistin ni ghi kẹe hia gha wulo.”

Zẹfanaia 2:10

Erriọ ọ re a ra ya rri iran oya ighẹ ivbi e Moab kevbe Amọn ba ẹmwẹ uhiomwẹ kevbe itengbemu iran, kevbe ne iran na gha tie ihen ne emwa e Nọyaẹnmwa ne Oghodua.

Zẹfanaia 2:4

Orhiọnkpa i vbe kẹe vbe ore Gaza. Askẹlọn gha khian ne emwa i ghi ye vbe a te wa ẹdẹ eva, a gha khulo emwa ni rre Asdọd kua fo, a gha khulo ivbi Ẹkrọn hin ẹvbo iran rre.

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.

Zẹkaraia 9:7

Iran i ghi ra dọlegbe rri aranmwẹ ke ẹe kevbe esagiẹn ọvbehe, ra avbe evbare awua ọvbehe. Iran hia ni ghi miẹn uhunmwu vbọ gha do khian emwa mwẹ, iran ghi do yevbe ẹwae ọkpa vbe Juda. Ikrọn gha deba usun emwa mwẹ, zẹ vbene emwa Jebus gha ye.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”