Zẹkaraia 9:4 - Edo Bible (E Baibol Ẹdo) Version 1996

⁴ Sokpan, e Nọyaẹnmwa gha viọ emwi ne ọ mwẹ hia. Ọ gha silo ẹfe ẹre hia ku uwu okun, a gha vbe giẹn ọre ẹvbo nii sẹ otọ.

Zẹkaraia 9:4 ပူးပေါင်းရင်းမြစ်များ

Itan 10:2

Ẹfe ne a ye ogberhu miẹn i ra maa ne ọmwaikọmwa, sokpan te uyinmwẹ ẹmwata de ọmwa ye agbọn.

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Aizaia 23:11

E Nọyaẹnmwa niẹn obọ rra okun, ọ keghi munọ avbe arriọba gbotọ. Ọ keghi vbe wẹ ne a guọghọ avbe ehe ne emwa e Fonisia na do ẹki sotọ.

Ezikiẹl 26:17

Iran gha sihuan orinmwi na nuẹn: “ ‘A fuẹn ẹvbo ne ọ hin usi nii uan! A kpolo avbe okọ ẹre hin okun rre emwa ẹvbo na ọ re ọ te kha yan okun ọ ghi gha runran emwa ni yin lele eghute.

Ezikiẹl 28:16

U kegha winna vbe ne u na gha dẹ, u na vbe gha khiẹn, ọ na keghi si uyinmwẹ ọkpankpan kevbe orukhọ ye uẹ egbe. Mẹ keghi rhunmwuda ọnii khue hin oke mwẹ nọhuanrẹn rre, ẹre odibosa ne a wẹ ne ọ gha gbe aro ghe ruẹ na khue hin uwu ẹbu avbe okuta ni fi wainwain ni rre.

Ezikiẹl 28:18

Emwi dan ọ re u wa gha ru vbe uwu ne u na dẹ kevbe ne u na khiẹn, sẹrriọ wẹ avbe ehe ne u na ru ugamwẹ keghi khian ne a murhia. Rhunmwuda ọnii, mẹ keghi mu erhẹn ye ẹvbo nii, I na gien ọnrẹn sotọ. Emwa ni ghi miẹn ọn nian gha miẹn wẹ, te a ghi ya a khian emuẹn.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:8

Iran gha gbe uẹ ua, iran ghi mu ẹẹn ye idin amamẹ. Iran gha rre ne iran do gbe uẹ ua, u gha ye kha wẹ ẹbọ ọre u khin ra?

Joẹl 3:8

I gha ru ẹe ne a vbe khiẹnnẹ ivbi uwa nikpia kevbe ne ikhuo gha rrie Juda. A gha khiẹnnẹ iran ne ivbi e Sabe, ne ẹvbo ne ọ rrei ẹsẹse. Mẹ ne Nọyaẹnmwa ta ẹe nẹ.

Emọs 1:10

Rhunmwuda ọnii, I gha mu erhẹn ye ekẹn ne a gbe lẹga e Taia, I ghi vbe giẹn odin ẹnrẹn hia sẹ otọ.”

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.