Zẹkaraia 9:3 - Edo Bible (E Baibol Ẹdo) Version 1996

³ E Taia gba odin ga egbe nẹ, ọ keghi vbe silo esiliva kevbe igoru ni bun sẹrriọ gboo ne egbe ẹre wẹ ehia keghi de vba ya ẹe ru a.

Zẹkaraia 9:3 ပူးပေါင်းရင်းမြစ်များ

II Samuẹl 24:7

Iran keghi vbe la ghe odẹ ekẹn ya sẹ e Taia ne ẹvbo ne a gbe odin gaa, iran keghi ya la ẹvbo avbe Hivi kevbe Kenan, vbe okiekie ehia, iran na ya sẹ biẹsiẹba vbe odẹ ekẹn Juda.

I Ọba 10:21

Igoru ọre a ya ru ukpu hia ne Solomọn ya wọn amẹ, kevbe avbe emwi na lo ni rre Ugha Ẹgbo e Lebanọn hia. A ma lo e siliva, rhunmwuda, vbe ẹghẹ ọghe Solomọn, a ma ka ẹe ye emwi rhọkpa.

I Ọba 10:27

Vbe ẹghẹ ọre, esiliva keghi kpọ vbe Jerusalẹm zẹ vbene okuta wa ye vbọ, erhan sida keghi kpọkua vbene erhan sikamọ ye vbe ototọ oke Juda.

Job 22:24

Filo avbe igoru ruẹ kua; hihiẹ avbe igoru ruẹ ni maa sẹẹ ye otọ ẹzẹ ne amẹ i ghi ye.

Job 27:16

Ọmwadan sẹtin gha mwẹ esiliva ne ẹ i sẹtin ka, kevbe avbe ukpon ni bun sẹẹ ne ọmwaikọmwa gha sẹtin lo.

Job 3:15

I ghẹ ghi gha vbiẹ zẹ vbe ivbiọba, ni ya igoru kevbe esiliva vuọn owa iran.

Aizaia 23:11

E Nọyaẹnmwa niẹn obọ rra okun, ọ keghi munọ avbe arriọba gbotọ. Ọ keghi vbe wẹ ne a guọghọ avbe ehe ne emwa e Fonisia na do ẹki sotọ.

Aizaia 23:8

De ọmwa ne ọ ghi kun ẹn vbe nian na yi wẹ ne emwi vbenian do sunu vbe egbe Taia, ne ẹvbo ahi rre, ne ivbi ogie ẹre ni do ẹki ye isi te gha re emwa ne a ghi yọghọ na sẹẹ vbe otọ agbọn?

Ezikiẹl 26:12

Iran ne eghian ruẹn gha tobọ iran viọ emwi ne u mwẹ kevbe atẹ ruẹ. Iran gha guọghọ ekẹn ẹvbo ruẹ gbotọ, iran ghi vbe zanzan avbe owa ẹfe kpọkua ne uwa bọlọe. Iran gha viọ avbe okuta kevbe erhan kevbe iku ni rrọ, iran ghi filo ehia ku uwu okun.

Ezikiẹl 27:27

Avbe ẹfe ne u ya do ẹki hia, avbe oziguẹ ni rre okọ ruẹ, avbe owinna ni rre okọ ruẹ kevbe avbe ekhẹn ni do ẹki, ivbiyokuo ni rre okọ nii hia, ehia keghi wirua ye uwu okun. Vbe okọ ruẹ niin ye ẹzẹ.

Ezikiẹl 27:33

Avbe ekpatẹ ruẹ gha yo isi, u ghi ya emwi ne avbe uhunmwu ẹvbo hia ho sẹ iran ọkẹn. Emwi ọma ne agbọn obọ ruẹ, ọ re ọ ye avbe ọba khian ni fe.

Ezikiẹl 27:34

Banbanna nian, okọ ruẹ niin ye uwu okun. U wa dinmwi gha rrie otọ ẹzẹ emwi ẹki ruẹ kevbe iran ni winna ne uẹn, wẹ vbe ehia gba niin ye uwe okun.

Ezikiẹl 28:1

E Nọyaẹnmwa keghi gunmwẹ guaan wẹẹ:

Emọs 1:9

E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Jọsua 19:29

Uwu keghi laghe odẹ Rama, ọ keghi ya sẹ Taia ne ẹvbo ne a gbe ekẹn gaa, ọ na ghi laghe odẹ Hosa, ọ na ya fo ye Okun Meditẹrrenian. Usun avbe ẹvbo ni rrọọ kegha re: Mabalab, Akzib.