Zẹkaraia 9:17 - Edo Bible (E Baibol Ẹdo) Version 1996

¹⁷ Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Zẹkaraia 9:17 ပူးပေါင်းရင်းမြစ်များ

Psalm 144:12

Te ivbi ima nikpia vbe ẹghẹ igbama iran, gha yevbe erhan ni wanrẹn ni digiẹ. Ne ivbi ima nikhuo gha yevbe orre ọsughe, ne a ya te igiekẹn ẹguae.

Psalm 145:7

Iran gha ta ọta umamwẹ ruẹn hia, iran ghi gha ya itohan ruẹn so ihuan.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Psalm 36:7

Osanobua, ighobioye ọ re ahoẹmwọmwa ruẹn ne ẹi beghe khin. Ototọ aghọnghọn ifuẹn ruẹn ọ re ima lẹre yi.

Psalm 45:2

Wẹ ọ re ọ ghi mose sẹ vbe uwu avbe ikpia hia ọmwa ne ẹmwẹ ma ẹre unu ọre u khin. Te Osanobua wa fiangbe uẹ vbe ẹghẹ hia.

Psalm 50:2

E Nọyaẹnmwa wan uwanmwẹ, ke Zaiọn rre, ẹvbo nii ne osẹ gba na fo.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Psalm 90:17

E Nọyaẹnmwa Osanobua mwa gie afiangbe ruẹ gha rre ima egbe gie emwi ne ima ru hia dunna ne ima.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ihuan Ne Ọ Sọọ Ihuan Hia 5:10

Enida mwẹ mose, ọ vbe wegbe, a i miẹn egbe irẹn gberra okpa vbe uwu arhin arriaisẹn igbe.

Ihuan Ne Ọ Sọọ Ihuan Hia 7:9

Unu ruẹn zẹ vbe ayọn ne ọ maa sẹẹ. Wa gie nene ayọn gha lẹ bu enida mwẹ yo. Ne ọ gha lẹ ye ọ re akhuarhamwunu kevbe akọn.

Aizaia 33:17

Ọ gha do sunu wẹ, wa gha miẹn ọba ne ọ gha khaemwisẹ vbe uwu ose yan otọ arriọba ne ọ niẹn obọ ladian ghe ehe hia.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 31:14

I gha ye evbare ne ọ ghi maa sẹẹ koko avbe ohẹn ne ẹko vuọn iran I ghi vbe gie iho avbe emwa mwẹ sẹ iran ọkẹn. Mẹ ne Nọyaẹnmwa tae nẹ.”

Joẹl 2:26

Eban nian, wa gha miẹn re ne ẹko vbe vuọn uwa. Wa gha rho e Nọyaẹnmwa Osanobua uwa, ne ọ ru emwi ọyunnuan, ne uwa. A i ghi dọlegbe zan emwa mwẹ ọvbehe.

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 5:8

Sokpan Osanobua rhie ma ima nẹ vbene irẹn kakabọ ho ẹmwẹ mwa sẹ hẹ ẹghẹ ne ima na gha re emwa orukhọ ọre Kristi na wu ne ima.