Zẹkaraia 9:15 - Edo Bible (E Baibol Ẹdo) Version 1996

¹⁵ E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

Zẹkaraia 9:15 ပူးပေါင်းရင်းမြစ်များ

Job 41:28

A i miẹn ifẹnmwẹ ne ọ gha sẹe lẹ na, a gha munọ okuta nekhua gbe ẹe, te ọ yevbe iku irunmwu.

Psalm 78:65

Vbe okiekie e Nọyaẹnmwa keghi rhiọrre vbe ne a miẹn wẹ te ọ te vbiẹ, ọ keghi yevbe okpia ne ọ wegbe ne ọ ya ayọn fian ọghae ye uhunmwu.

Ẹksọdọs 27:2

U ghi ru ẹe ne ọ niẹn ukpẹ ladian vbe igẹngẹn ọnrẹn enenẹ. Nene avbe aka ghi wa gha re ọkpa, a ghi ya oze rhu ehia fẹẹrẹ.

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Ihuan Ne Ọ Sọọ Ihuan Hia 7:9

Unu ruẹn zẹ vbe ayọn ne ọ maa sẹẹ. Wa gie nene ayọn gha lẹ bu enida mwẹ yo. Ne ọ gha lẹ ye ọ re akhuarhamwunu kevbe akọn.

Aizaia 37:35

I gha gbinna ne ẹvbo na, I gha vbe degue ẹre, rhunmwuda uyi mwẹ kevbe rhunmwuda eyan ne I yan ma e Devid ne ọguọmwadia mwẹ.’ ”

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Levitikọs 4:18

Ọ ghi rhie vbe esagiẹn ọnrẹn ye ehe ne aka eturari ye vbe uwu Owa Ukpọn, ọ ghi hihiẹ ni dekẹe ye ẹzi aka ne a na giẹn ese, ne ọ rre onurho owa ukpọn.

Levitikọs 4:25

Ohẹn ghi fi ikpinhianbọ ẹre ye uwu esagiẹn aranmwẹ na, ọ ghi rhie ẹre ye ukpẹ ni rre okhiẹ aka nii, ọ ghi hihiẹ ni dekẹe ye ẹzi aka nii.

Levitikọs 4:7

Iyeke ọnii ọ ghi rhie eso vbe esagiẹn ye ehe ne ọ zẹ ukpẹ ladian vbe aka ne a na giẹn eturari vbe uwu Owa Ukpọn e Nọyaẹnmwa. Ọ ghi hihiẹ esagiẹn ne ọ dekẹe ye ẹzi aka ne a na giẹn emwi izọ ese vbe onurho Owa Ukpọn nii.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Zẹkaraia 10:5

Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Zẹkaraia 14:20

Ọ gha sẹ ẹghẹ nii, ya sẹ egbe ẹgogo ne a gba ginna ẹsin ne a hin khian, te a ra gbẹn yọ wẹẹ, “A ya ẹe ne Nọyaẹnmwa.” Avbe uwawa ne a ya le evbare vbe Ọgua Osa, te ehia ra gha re emwi nihuanrẹn zẹ vbene iran ye ighe avbe ọkpan ne a viọ ye odaro Ogiukpo.

Zẹkaraia 14:3

Ẹghẹ nii, e Nọyaẹnmwa gha ladian ya gu avbe uhunmwu ẹvbo nii gbinna zẹ vbene ọ ka ru ẹe yi vbe ẹghẹ ne ọ gberra.

Zẹkaraia 2:9

“E Nọyaẹnmwa tobọ ẹre gha gu uwa gbinna, avbe emwa ni te ka gha re eguọmwadia uwa yi gha fu uwa emwi viọ.” Ọna ghẹ ghi sunu nẹ, emwa hia gha rẹn wẹ e Nọyaẹnmwa ọ re ọ gie mwẹ.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

I Kọrinti 1:18

A gha ta ẹmwẹ uwu ne Kristi wu vbe uhunmwu ugbugbe ma iran ni ra fuẹn uan, ẹmwẹ eghẹrẹ nọ vbe ehọ iran. Sokpan, zẹ vbe ọghe ima ne a ra miẹnfan, ẹtin Osanobua nọ.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

I Samuẹl 17:45

E Devid keghi wanniẹn wẹẹ, “Te uwẹ bu imẹ dee nian, ke uwẹ kevbe umozo, asoro kevbe ogala, sokpan, mẹ bu ruẹ dee vbe eni e Nọyaẹnmwa ne Udazi, ne ọ re Osanobua ivbiyokuo Izrẹl, ne uwẹ fara.