Zẹkaraia 9:13 - Edo Bible (E Baibol Ẹdo) Version 1996

¹³ I gha lo e Juda zẹ vbe uhanbọ ovbiyokuo, kevbe Izrẹl, zẹ vbe ifẹnmwẹ. I gha lo ivbi e Zaiọn zẹ vbe umọmọ ne I ya gu ivbi e Gris gbinna.”

Zẹkaraia 9:13 ပူးပေါင်းရင်းမြစ်များ

Psalm 144:1

Wa rho e Nọyaẹnmwa, ne ọ degue mwẹ! Ọ ma mwẹ vbene a gbinna vbe okuo hẹ, ọ keghi vbe ma mwẹ emwi ye otọ khẹ okuo.

Psalm 149:6

Wa gie iran kakabọ go ladian, vbe iran a gha rho Osanobua, iran ghi vbe viọ umozo iran ni mu mwẹ obọ.

Psalm 45:3

Rro umozo ruẹ mu ẹkun, ọba nọkhua, wẹ nẹ ọ vuọn ne osẹ kevbe uyi ọba.

Aizaia 49:2

Ọ keghi ru ẹe ne ẹmwẹ mwẹ gha mu zẹ vbe umozo. Obọ ẹre tobọ ẹre ọ re ọ gha degue mwẹ. Ọ ru mwẹ zẹ vbe ifẹnmwẹ ne ọ wa mu ne ọ gha wa gie ẹe lo.

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Eve Orriara 4:2

Te avbe igbama e Zaiọn te ghan vbe obọ mwa zẹ vbe igoru. Sokpan, te a ghi ru iran nian zẹvbe akhe obuẹ.

Emọs 2:11

I hannọ eso vbe ivbi uwa zẹ, ne iran gha re akhasẹ, kevbe eso vbe avbe igbama uwa, ne iran do gha re Nazarait. Ohoghe nọ ra ivbi Izrẹl? Mẹ ne Nọyaẹnmwa guan nẹ.

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Zẹkaraia 1:21

Mẹ keghi nọ wẹẹ, “De emwi ne avbe emwa na do ru yi?” Rẹn keghi wanniẹn wẹẹ, “Te iran rre do runran kevbe ne iran vbe ya iran uhunmwu rhu ighe avbe ẹvbo nii ni wa dunmwu ẹn mu otọ fo fẹẹrẹ ighe otọe Juda, ne ọ na vbe zagha emwa ni rrọọ kua.”

Ẹfisọs 6:17

U ghi rhan obọ miẹn imiẹnfan ya ru ẹrhu ematọn, kevbe ẹmwẹ Osanobua zẹ vbe umozo ne nene Orhiọn rhie nuẹn.

II Timoti 4:7

I ni nẹ vbene ẹtin mwẹ sẹe, vbe nene ulẹ, I rhie nene ulẹ sẹ eke ne a vin owẹ yi nẹ, I rhie nene iyayi mwẹ nẹ.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.

Arhie Maan 19:21

A keghi ya umozo gbele ivbiyokuo iran uan, nene umozo ne ọ ke unu ọmwa ne ọ hin ẹsin ladian, avbe ahianmwẹ keghi re vbe ikun iran vbene ẹtin iran sẹe.

Arhie Maan 2:12

“Gbẹn ebe gie odibosa esọsi ne ọ rre Pẹgamọm wẹ: “Uhunmwu ne ọ gie ọ na khin ighẹ ọmwa ne ọ mwẹ umozo ne ọ mwẹ unu eva.