Zẹkaraia 9:11 - Edo Bible (E Baibol Ẹdo) Version 1996

¹¹ E Nọyaẹnmwa khare wẹẹ, “Rhunmwuda ile ne I gu uwa ta, ne a ya esagiẹn izọese ye ẹre okhi, I gha fannọ emwa ruẹn kua. Lahin otọe uvun iwe ne amẹ i ye rre.

Zẹkaraia 9:11 ပူးပေါင်းရင်းမြစ်များ

II Samuẹl 13:13

Mẹ gha ye sẹtin guan vbe uwu ẹbu ẹdẹ ra? Kevbe uwẹ tobọ ruẹ, u ghi do fa egbe ua vbe Izrẹl. Lahọ, gu ọba guan, mẹ yayi wẹ, ọ gha ya mwẹ nuẹn.”

II Krọnikol 7:17

U gha ya ẹkoata ga mwẹ zẹ vbene Devid ne erha a ru, u na ya uhi mwẹ ru emwi u na gha ru emwi hia ne I tama ruẹn ne u ru.

Job 33:30

ọ gha miẹn ọmwa fan ye agbọn nẹ, ọ ghi rhie oghọghọ arrọ ne ẹẹn.

Psalm 30:3

u fan mwẹ vbe obọ idin. I te khian rriẹ ne vuun nẹ vbe uwu otọ u keghi dọlegbe rhie arrọ mwẹ mẹ.

Psalm 40:2

Ọ si mwẹ ke uwu uye dan ladian hin uwu odin amẹ ekhae ne ọ gbe ọmwa an. Ọ mu mwẹ mudia yan uhunmwu okuta vbe ne ai na mwẹ ẹbe, ọ keghi gbe mwẹ ẹkun sẹ otọ.

Psalm 69:33

E Nọyaẹnmwa danmwehọ iran ne ẹ i mwẹ, ẹ i vbe mianmian iran ni rre ẹwẹdọ.

Ẹksọdọs 24:8

Ẹre Mosis na mu esagiẹn ne ọ rre ọkpan nii ọ na rhurhẹ ọe yan emwa nii, ọ na kha wẹẹ, “Esagiẹn na ọre a ya yi ile ne Nọyaẹnmwa gu uwa ta okhi vbe ẹghẹ ne ọ na yi iyi na hia ne uwa.”

Aizaia 24:22

Osanobua silo avbe ọba koko ye uwu uvun zẹvbe oleghan. Ọ gha khui iran ye uwu ẹwẹdọ rhinrin ọ te do sẹ ẹghẹ ne a gha ya rri iran oya.

Aizaia 42:22

Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.

Aizaia 42:7

U gha rhan aro avbe arhuaro, u ghi fannọ iran ni tota ye ẹwẹdọ ne ọ so ebiebi kua.

Aizaia 49:9

I gha tama avbe oleghan wẹẹ, ‘Wa kpao ighẹ a fannọ uwa kua nẹ kevbe iran ni rre uwu ebiebi wẹ wa ladian gha die uwu uwanmwẹ.’

Aizaia 51:14

A gha rherhe fannọ iran ni re oleghan kua, iran gha wa tọ iran ghi vbe gha mwẹ evbare ne iran ho hia.

Aizaia 58:12

Avbe emwa ruẹn gha dọlegbe bọ avbe emwi ni guọghọ ua ke ẹghẹ ni gha dee. Iran ghi bọlọ owa yan avbe ẹyotọ nẹdẹ nii. A ghi gha tie uwa emwa ni dọlegbe gbe ekẹn nii, emwa ni munọ avbe owa nii te khian itowa kpaegbe.”

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Jerimaia 38:6

Rhunmwuda ọnii, iran keghi mu mwẹ. Iran keghi ya irri mu mwẹ fi uwu uhae e Malkaia ne Okoro, ore ẹguae ọ re nene uhae ye. Amẹ i ghi rre nene uhae, ekhuọrhọ okpa ọ re ọ ghi rrọọ, ọ keghi ziẹn mwẹ.

Daniẹl 2:29

“Ugbẹn vbe u ghi vbiẹ, Umogun, u keghi mina vbekpa ẹdẹnakhuẹ, Osanobua ne ọ rhie emwi oro ma emwa, keghi rhie ma ruẹn emwi ne ọ ra do sunu.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Mak 14:24

Jesu keghi khama iran wẹẹ, “Ọnọna ọrọre esagiẹn mwẹ ne a gbe ye otọ ne emwa ni bun, esagiẹn mwẹ ne a ya yi ile Osanobua okhi.

Iyẹn ne ọ Maan Ọghe Luk 16:24

Rẹn keghi datu wẹẹ, ‘Ebraham ne Evbavba! Tohan mwẹ ne u gie Lazarọs ne ọ ya fi ukpẹ ihiẹn obọ ye amẹ do nọnọ ya fu mwẹ aranmwẹ rre, rhunmwuda erhẹn na ya mwẹ rrie!’

Iyẹn ne ọ Maan Ọghe Luk 22:20

Erriọ zẹẹ ọre ọ vbe mu ukpu ne iran, vbe iran rri evbare ota wẹ, “Ukpu na ọrọre ile ọgbọn ọghe Osanobua ne a ya esagiẹn mwẹ ne a gbe ye otọ ne uwa yi ẹre okhi!”]

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

I Kọrinti 11:25

Erriọ vbe nọ zẹẹ, vbe iyeke evbare ota, ọ rhie ukpu, ọ keghi wẹẹ, “Ukpu na ọrọre ile ọgbọn ọghe Osanobua ne a ya esagiẹn mwẹ yi ẹre okhi. Ẹghẹikẹghẹ ne uwa a rhirhi ya wọn ẹn, wa gha ru ẹe ya ye mwẹ rre.”

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Hibru 10:2

Akpawẹ a gele khuẹ emwa ni ga Osanobua huan hin orukhọ iran rre, ekhọe iran i ghẹ ghi vbe gha bu abe orukhọ gbe iran ọvbehe, ẹghẹ ni, ese ne a zọ hia ghẹ ghi dobọ yi.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Arhie Maan 20:3

Nene odibosa keghi fi ẹe fi uwu uvun ne ẹ i mwẹ otọ nii, ọ keghi ya isanhẹn khui ẹre, ọ keghi khiọ ẹre gbua, ne ọ ghẹ ghi sẹtin mu agbọn rẹrẹ ọvbehe, ọ te ya sẹ ukpo arriaisẹn nii, vbe iyeke ọnii, a ghi vbe fan ẹn fua vbe ẹghẹ kherhe.