Zẹkaraia 8:23 - Edo Bible (E Baibol Ẹdo) Version 1996

²³ Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Zẹkaraia 8:23 ပူးပေါင်းရင်းမြစ်များ

Gẹnẹsis 31:41

Erriọ ọre a wa duọ ee la ukpo ugie ne I gbe vbe obọ ruẹ. I ye ukpo iwenẹ ga ye ivbuẹ nikhuo eveva, ke ukpo ehan ye oghẹn ohuan ruẹn, levba sevba, te u ye fi igho ne a hae mẹ werriẹ igba igbe.

Gẹnẹsis 31:7

Sevba, ọ rhu mwẹ re, ọ na fi igho ne ọ hae mẹ yo fi ẹe rre igba igbe. Sokpan Osanobua ma gie obọ ẹre gba mwẹ.

II Ọba 2:6

Ẹre Elaija na tama Elaisia wẹẹ, “Mudia vbe emwa na, e Nọyaẹnmwa wẹ ne I gha rrie Ẹzẹ Jọdan.” Sokpan, Elaisia keghi wanniẹn wẹẹ, “I ya ekhọe ne I ya yin uyinmwẹ ẹmwata ghe e Nọyaẹnmwa ne ọ rrọọ kevbe uwẹ vẹn ihẹn wẹ mẹ i ra sẹ uẹ rae.” Ẹre iran na gha khian.

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

II Krọnikol 15:9

Emwa ni bun keghi ke Ifreim rre, Manasẹ kevbe Simiọn, iran keghi do yegbe ba Asa, iran kegha rre otọ arriọba ẹre rhunmwuda, iran miẹn ọẹn wẹ e Nọyaẹnmwa yaba ẹre. Asa keghi gie ne a tie iran hia, emwa e Juda kevbe Bẹnjamin.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Job 19:3

Kugba kẹghẹre ọ re uwa ya tie ihẹn mẹ ekhue ẹbọ ne uwa tie mẹ i vbe mu uwa.

Asan-Ibo 11:2

Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.

Aizaia 3:6

Ẹghẹ dee, ne emwa ni rre ẹwae ọkpa gha na zẹ ọkpa vbe uwu iran, iran ghi tama rẹn wẹẹ, “Wẹ vbe miẹn ukpọn gha rhie rhuan hiehie, rhunmwuda ọnii, do gha re ọkaolotu ima vbe ẹghẹ ọlọghọmwa na.”

Aizaia 4:1

Ọ gha ghi sẹ ẹghẹ ne a kha na, ikhuo ihinrọn gha de obọ mu okpia ọkpa, iran ghi kha wẹẹ, “Ma gha sẹtin koko egbe mwa, ma gha vbe sẹtin de ukpọn ye egbe mwa ẹkun, sokpan gie ima gha kha ighe wẹ ọrọre ọdafẹn ima, ne a ban ukpọn efaa ọghe okhuo ne ẹ i mwẹ ọdọ hin ima ẹkun rre.”

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 60:3

Avbe uhunmwu ẹvbo gha rri uwu uwanmwẹ ruẹn avbe ọba gha vbe gha die uwu ẹdẹ ọgbọn ọwuẹ.

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Maika 5:5

Rẹn gha vbe rhie ọfumwegbe rre. Ivbi Asiria gha mu okuo la ẹvbo mwa, iran na vbe guọghọ emwi ne ima ya khẹ egbe, ma gha gie avbe ọkaolotu ima ni wegbe sẹẹ ne iran ya gu iran gbinna.

Zẹfanaia 3:19

Ẹghẹ dee! I gha rri iran ni wọ uwa uhunmwu oya; I gha fannọ iran ne arọe ye otọ I ghi viọ iran ni rre iwe gha die owa, I gha ya ekhue iran khian uyi agbọn na hia ghi gha tian iran.

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Iyẹn ne ọ Maan Ọghe Luk 8:44

Ọ keghi lele uwu ẹbu nii la Jesu odieke, ọ keghi ye obọ kan ehọ ẹwu ẹre, esagiẹn ne ọ tue ẹre nii keghi ka vbe ọwarọkpa nii.

Iwinna 19:12

Uhin ighẹ te a gha viọ ukpọn ne a ya khian ọfọ kevbe ukpọn ne a rhie yan egbe ne ọ lo nẹ gie avbe ọkhọnmwọ, a ghi ho emianmwẹ iran bẹkun, orhiọn dan ghi la hin uwu iran rre.

I Kọrinti 14:25

Iro ẹkhokho ne ọ zẹ vbe ekhọe ghi khian ne a rhie ladian azagba, ọ ghi vbẹ rre ye uhunmwu rhanmwẹ otọ ne Osanobua, ọ ghi miẹnkue wẹ, “Vbe ẹmwata, Osanobua gu uwa rre emwa na.”

Jọsua 8:35

E Jọsua keghi wa tie uhi ọghe Mosis hia fẹẹrẹ ma emwa ni gbe ẹbu nii, ke ikhuo kevbe ibiẹka kevbe avbe ọrriọvbe ni rre ehe ne iran ye.