Zẹkaraia 8:19 - Edo Bible (E Baibol Ẹdo) Version 1996

¹⁹ “Aguẹ ne a yo vbe uki ne ogienẹ, ogisẹn ne ogihinrọn kevbe ne ogigbe, emwiukpo ọyẹnmwẹ kevbe oghogho ọ re ọ khian gha khin ne ivbi e Juda. Wa gha ho ẹmwẹ ẹmwata kevbe ọfumwegbe.”

Zẹkaraia 8:19 ပူးပေါင်းရင်းမြစ်များ

II Ọba 25:1

E Zedekaia keghi sọtẹ e Nebukiadneza ne ọba e Babilọn, ẹre Nebukiadneza ne ọba e Babilọn, na viọ ivbiyokuo ẹre hia gha de, ọ mu okuo la e Jerusalẹm vbe ikpẹdẹ ne ogigbe ọghe uki ne ogigbe vbe ọ rre ukpo ne ogihinrin ne Zedekaia rriọba. Iran keghi bu agọ ye vbe a ma he sẹ ore ẹvbo nii fo, iran gbe odin lẹga ẹre.

II Ọba 25:25

Sokpan, ọ ghi sẹ uki ne ogihinrọn ọghe ukpo nii, Ismaẹl ne ovbi e Nẹtanaia kevbe eyẹ Elisiama ne ọ vbe re usun ivbi ọba, keghi viọ arhin igbe mwẹ obọ gha rrie Mizpa, iran keghi dekun e Gedalaia, iran na gbe ẹe rua. Ọ kevbe gbele ivbi Izrẹl kevbe ivbi e Babilọn ni gu ẹe gha rre evba.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Psalm 30:11

U ya eve mwẹ khian iku ọyẹnmwẹ nẹ. U mu akhiẹ hin mwẹ egbe rre u kevbe viọ oghọghọ lẹga mwẹ.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Jerimaia 36:6

I gha ho ne uwẹ gha khian vbe ẹghẹ ne iran gha na dọlegbe gha rre aguẹ. U ghi tie ebe ohian na ladian, ne emwa họn avbe ẹmwẹ ne Nọyaẹnmwa tama mwẹ kevbe wẹ mẹ ọ re ọ talọe nuẹn gbẹnnẹ. U ghi ru emwi na vbe ehe ne emwa hia gha na sẹtin họẹn, ya sẹ egbe avbe ivbi e Juda ni ke ẹvbo iran ladian gha dee.

Jerimaia 39:2

Vbe ikpẹdẹ ne ogihinrin ọghe uki ne ogienẹ, vbe ukpo ne ogiowọrọ ne Zedekaia yae vbe ọba, iran keghi ha ekẹn ne a gbe lẹga ẹvbo gberra.

Jerimaia 52:4

Ẹre Nebukiadneza na rhunmwuda ọnii viọ avbe ivbiyokuo ẹre hia rre, ọ na dekun e Jerusalẹm vbe ikpẹdẹ ne ogigbe ọghe uki nogigbe ọghe ukpo nogihinrin ne Zedekaia yae vbe ọba. Iran keghi bu agọ ye vbe a ma he la ẹvbo nii, iran ke ghi, ghae ga ẹvbo nii.

Ezikiẹl 18:8

Ẹ i rhie igho isu ne ọmwa. Ọ he ne ọ ru orukhọ, ọ vbe ta uhunmwu ẹmwẹ vbe ẹmwẹ ne a wẹ ne a guan yi hia.

Ezikiẹl 24:1

Vbe ikpẹdẹ ne ogigbe ọghe uki nogigbe, vbe ukpo ne ogihinrin ne ima kegha rre iwe, e Nọyaẹnmwa keghi gunmwẹ guaan wẹẹ,

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Zẹkaraia 7:5

Ọ wẹẹ, “Tama ivbi ẹvbo nii kevbe avbe ohẹn wẹ ne iran na yo aguẹ kevbe ne iran na khiẹ vbe uki ne ogisẹn ke ne ogihinrọn nii vbe ukpo ekigbesiyenẹ ni gberra na, ẹ i re imẹ ọre iran ya ya ọghọ na.

Zẹkaraia 8:16

Emwi ne uwa gha ru ọre ọna khin: Wa gha ta ẹmwata ma egbe. Wa gha bu ohiẹn ẹmwata vbe iko, egbe ne ọ rhie ọfurre ye ẹvbo.

Zẹkaraia 8:18

E Nọyaẹnmwa ne Oghodua keghi giee Zẹkaraia uhunmwu na wẹẹ,

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.