Zẹkaraia 8:13 - Edo Bible (E Baibol Ẹdo) Version 1996

¹³ Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Zẹkaraia 8:13 ပူးပေါင်းရင်းမြစ်များ

Gẹnẹsis 26:4

I gha viọ ivbi uniẹn ruẹn nuẹn ne ọ gha bun zẹ orhọnmwẹ ni rre iso, I gha mu otọe na hia ne iran. Iyaẹvbo agbọn na hia ghi gha rinmwian ne I fiangbe iran zẹ vbe ne I fiangbe ivbi uniẹn ruẹn.

Psalm 44:16

Vbe I gha miẹn ihue ozan ne iran vin yọmwẹ akhọe; ighe avbe eghian mwẹ kevbe iran ni khuiwu mwẹ.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 79:4

Avbe ẹvbo ni lẹga mwa gha tie ihẹn ne ima. Iran gha giẹ ima iran gha ya ima gbe ogiẹ.

Aizaia 43:28

avbe nikhaemwisẹ uwa ru owa mwẹ awua. Rhunmwuda ọnii, I keghi sii ọfuan ye Izrẹl egbe I keghi kue ne a yagha emwa wẹ.”

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 25:18

E Jerusalẹm kevbe avbe okpẹvbo e Juda hia, deba avbe ọba kevbe ọkaolotu iran, a ke ghi ya ne iran da vbọ, ne iran hia miẹn ehe na khian ato, ughe dan ne ọ ye egbe ku ọmwa ohiọnhiọn, ne eni iran khian na a ya tie ihẹn ne ọmwa zẹ vbene ọ ye ye do sẹ ẹdẹnẹrẹ na.

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 33:24

“U ma miẹn vbene emwa tae khian hẹ wẹ mẹ he Izrẹl kevbe Juda yotọ nẹ, ẹgbẹe eva ne imẹ hannọ zẹ. Iran keghi rhunmwuda ọnii, gha ye aro gbe emwa mwẹ re, iran i ghi vbe ka iran ye uhunmwu ẹvbo.

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 44:12

Zẹvbe ọghe ivbi e Juda ni ghi kee, ni vbe muegbe ne iran kpao gha rrie Igipt ne iran ya yin odọ nii, I gha miẹn wẹ a fuẹn iran hia a. Iran fẹẹrẹ, ke ni kpọlọ kevbe ni kanmwa, ehia gha wulo vbe Igipt, okuo ma ghi gbele iran an, iran gha khian emwi ne ọ mianmwẹ ughe, emwa gha ya iran gbogiẹ a ghi gha ya eni iran tie ihẹn.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Eve Orriara 4:15

Emwa ghi gha tama iran wẹẹ, “Wa ladian mwa! Awua rre uwa egbe! Ghẹ ya obọ kan mwẹ!” Rhunmwuda onii iran keghi zozo, ke ẹvbo okpa dinna ọvbehe vbene a i na miẹn ọmwa ne ọ miẹn iran yi.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Ezikiẹl 5:15

“Ohu uwa gha kakabọ mu mwẹ, I na rri uwa oya, avbe ẹvbo ni lẹga uwa gha runran. Iran gha yan aroa gha ghe uwa, iran ghi ya uwa gha gbogiẹ.

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Zẹfanaia 3:16

Ẹghẹ dee ne iran gha na tama e Jerusalẹm wẹẹ, “Ghẹ mu ohan, okpẹvbo e Zaiọn! Ghẹ gie obọ ruẹ luẹluẹe ua!

Zẹfanaia 3:20

Ẹghẹ dee! I gha viọ emwa ruẹn ni zagha kua rri owa, I gha ya uwa hin usi la otọ agbọn hia. I ghi gie agbọn dọlegbe maa uwa.” Erriọ e Nọyaẹnmwa khare.

Hagai 2:19

A gha rhe miẹn wẹ, ọka kevbe avbe emwiokọ ni khọe i ghi rrọ, avbe erhan azara erhan ohọ, e pomegranẹt, kevbe oliv, ne ọ he mọ i rrọ, sokpan ke ẹghẹ na kpao te I ra gha fiangbe uwa.”

Hagai 2:5

Ẹghẹ ne uwa na ke Igipt ladian, I yanrẹn wẹ I gha gu uwa gha rrọ ẹghẹ hia. I ye gu uwa rrọ, rhunmwuda ọnii wa ghẹ fian afianma.

Zẹkaraia 1:19

I keghi nọ odibosa ne ọ gunmwẹ guan usin wẹẹ, “De emwi ne a ya avbe igho na kha?” Rẹn keghi wanniẹn wẹẹ, “Iran mudia ye ihe ẹvbo ni mwẹ ẹtin ni zagha ivbi Juda, Izrẹl kevbe Jerusalẹm kua.”

Zẹkaraia 14:11

Emwa ni ghi gha rrọ vbene ẹkun na sẹ iran otọ, vbene ọfuan i ghi na vbe runran iran ọvbehe.

Zẹkaraia 8:15

Sokpan, banbanna nian, te I mwamwa ẹn wẹ ne I fiangbe ivbi e Jerusalẹm kevbe Juda. Rhunmwuda ọnii, wa ghẹ gie ohan mu uwa.

Zẹkaraia 8:9

Wa gie ẹtin la uwa iwu! Ẹmwẹ ne avbe akhasẹ tae ẹghẹ ne a na gha gbe ẹyotọ ne a ra ya dọlọ Ọgua Osa mwẹ bọ, ọ re uwa vbe họn na.

Zẹkaraia 9:13

I gha lo e Juda zẹ vbe uhanbọ ovbiyokuo, kevbe Izrẹl, zẹ vbe ifẹnmwẹ. I gha lo ivbi e Zaiọn zẹ vbe umọmọ ne I ya gu ivbi e Gris gbinna.”

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Diuteronomi 26:19

Ọ ghi gie uwa kpọlọ sẹ avbe agbọn ẹvbo hia ne irẹn he yi. Wa ghi gha re emwa nihuanrẹn ọghe ọe, wa ghi gha rhie urhomwẹ kevbe uyi gie eni ẹnrẹn. Wa ghi gha re emwa irẹn, zẹẹ vbe ne irẹn yanrẹn.”

Diuteronomi 28:37

Ẹmwẹ emwi tie ọ sunu vbe egbe uwa gha kpan emwa ẹvbo ne a zagha uwa kui odin, iran gha ya uwa gbe ogie iran ghi gha ta uwa giẹ.