Zẹkaraia 8:12 - Edo Bible (E Baibol Ẹdo) Version 1996

¹² Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

Zẹkaraia 8:12 ပူးပေါင်းရင်းမြစ်များ

Gẹnẹsis 26:12

Aizik keghi mu ugbo vbe ẹvbo nii vbe ukpo nii, emwi ne ọ rhọre keghi ya ukhukhu arriaisẹn bun sẹ vbe ne ọ ya kọ, rhunmwuda e Nọyaẹnmwa fiangbẹe.

Gẹnẹsis 27:28

Te Osanobua gha rhie evbu ẹrinmwi nuẹn, ne ọ ya ugbo ruẹ khian ne ọ ma emwiokọ! Te ọ gha rhie ọka kevbe ayọn nibun nuẹn!

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

Psalm 72:3

Te otọe nii gha miẹn ọmaa rhie vbene iran gha na gha mwẹ ẹfe te iran gha vbe mwẹ oghae ẹmwata.

Psalm 85:12

E Nọyaẹnmwa gha gie agbọn ma mwa otọe mwa gha vbe mọ ọmọ ẹsẹse.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 61:7

Ekhue kevbe efaa ọghe uwa sẹ ufomwẹ. Otọe ọghe uwa ọ re uwa ghi ra gha ye a gha viọ ukhukhu eva ba ẹfe uwa oghọghọ uwa ghi gha rrọọ ẹdẹdẹmwẹdẹ.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Ezikiẹl 34:28

“Uhunmwu ẹvbo avbe iran ni ga ẹbọ i ghi ra do dọlegbe gha fu iran emwi ọvbehe, avbe aranmwẹ akọn i ghi ra ye gha gbele iran re. Iran gha rrọọ vbe a i mwẹ ẹbe, ọmwarhọkpa i ghi ra dọlegbe runran iran.

Ezikiẹl 36:12

Ivbi Izrẹl ne emwa mwẹ, I gha viọ uwa rre ne uwa do dọlegbe yin otọe nii. Ọ gha khian otọe uwa, ohanmwẹ i ghi ra dọlegbe gbe uwa emọ.

Ezikiẹl 36:30

I gha gie avbe erhan uwa mọ ọmọ nibun sayọ kevbe ugbo uwa, ne a ghẹ ghi miẹn ukhunmwu ne ọ gha fa uwa a vbe odaro avbe uhunmwu ẹvbo.

Ezikiẹl 36:9

“Wa ọ re imẹ deba, I gha vbe ru ẹe ne a miẹn wẹ a gua ye otọe uwa, a vbe kọ emwiokọ yọ.

Hozia 13:3

Rhunmwuda ọnii, a gha ho iran na bẹkun vbe evbu owiẹ ne ọ wa khian ne a ma ghi miẹn vbe ẹdẹ ma he khian hiehiere. Iran gha yevbe ebe ne ọ kakae ne ẹhoho hoho kua vbe ehe ne a na wiẹn ọka, zẹ vbe ighogho ne ọ ke ukoni ladian.

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Joẹl 2:19

Ọ zẹẹ ẹmwẹ wanniẹn iran wẹẹ: “Wanwanna nian, I ra do viọ avbe ọka kevbe ayọn, kevbe ofigbọn ne uwa. Ẹko gha vbe vuọn uwa ẹvbo ọvbehe i ra gha ye zan uwa ọvbehe.

Joẹl 2:22

Wa ne emwi irri, wa ghẹ mu ohan, ehe ne uwa na rri ebe ye nunuunu, avbe erhan mọẹn ọmọ iran, erhan ohọ kevbe alimo ayọn kpọ kua.

Levitikọs 26:3

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

Zẹfanaia 3:13

Ivbi Izrẹl ni miẹn uhunmwu vbọ i fu ọmwa, iran i ra tọlọ ọmwa, iran i ra ta ohoghe ra ne iran mu ọmwa rẹrẹ. Agbọn gha ma iran, ẹkun gha vbe sẹ iran otọ vbene iran i na mu ohan ọmwa ikọmwa.”

Hagai 1:10

Ọnii ọ re ọ sii ẹe ne amẹ i na rhọ, emwiokọ i vbe zọ.

Hagai 2:18

Ẹdẹnẹrẹ na ọrọre ikpẹdẹeneyan-ugie ọghe uki ne ogihinrin, ẹdẹ ne a gbe ẹyotọ Ọgua Osa ni fo. Wa ghi ye emwi ne ọ ra gha sunu ke ẹghẹ na kpao ẹro.

Hagai 2:19

A gha rhe miẹn wẹ, ọka kevbe avbe emwiokọ ni khọe i ghi rrọ, avbe erhan azara erhan ohọ, e pomegranẹt, kevbe oliv, ne ọ he mọ i rrọ, sokpan ke ẹghẹ na kpao te I ra gha fiangbe uwa.”

Zẹkaraia 8:6

“Ọna sẹtin yevbe emwi ne ẹ i gia ru vbe aro emwa ni rre ẹvbo ni gha dekẹe na, sokpan, ẹ i re emwi ne ẹ i gia ru vbe obọ mwẹ.

Malakai 3:11

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

I Kọrinti 3:21

Rhunmwuda ọnii, we ne ọmwa rhọkpa ghẹ ya emwi ne emwa ne agbọn sẹtin ru rhuọ: Vbe ẹmwata, wa ọre ọ yan emwi hia.

Diuteronomi 32:2

Iruẹmwi mwẹ gha rhọ rre zẹ vbe ikpẹ amẹ, ẹmwẹ mwẹ gha rhọ yan ivbi erhan zẹ vbe amẹ, zẹ vbe amẹ ne ọ wẹwẹ yan irunmwu ne vbọkhọọ.

Diuteronomi 33:13

Ọ keghi kha vbe ẹwae Josẹf wẹẹ: “Te Nọyaẹnmwa gha rhie afiangbe amẹ ne otọe iran, kevbe amẹ ne ọ ke ototọ vbe uwu otọ rre.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.

Jems 3:18

Emwi ẹmwata ọrọre emwiorhọ ne a rhọ, vbe emwiokọ ne iran ni mu igbinna, ye ọfumwegbe kọ.