Zẹkaraia 8:10 - Edo Bible (E Baibol Ẹdo) Version 1996

¹⁰ Vbe ọ te do sẹ ẹghẹ ne a kha na, a i miẹn ọmwa ne ọ sẹtin rhie aranmwẹ ra ọmwa ne agbọn vbe iwinna, ọmwa ne ọ wa vbe fe vbe obọ eghian rẹn ẹ i rrọ. I keghi ru ẹe ne emwa viọ aro igbinna da egbe.

Zẹkaraia 8:10 ပူးပေါင်းရင်းမြစ်များ

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Emọs 9:4

Eghian iran gha viọ iran oghunmwu gha rrie iwe, I gha tama iran wẹ ne a gbele iran an. I wa ta ẹe nẹ wẹ te I ra fuẹn iran an, ẹ i re te I ra ya iran obọ.”

Hagai 2:15

E Nọyaẹnmwa khare wẹẹ, “Wa ma miẹn emwi ne ọ sunu vbe egbe uwa na? Vbe uwa te suẹn gha dọlọ Ọgua Osa bọ,

Giọgis 5:11

Wa danmwẹ ehọ, iran ni gbe owogho vbe ọkpẹn uhae ẹmwẹ akhọnmiotọ ọghe Nọyaẹnmwa ọ re iran ta akhọnmiotọ ọghe ivbi Izrẹl, emwa e Nọyaẹnmwa keghi gbe ukpukpẹ kevbe avbe ẹvbo iran.