Zẹkaraia 7:9 - Edo Bible (E Baibol Ẹdo) Version 1996

⁹ “Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Zẹkaraia 7:9 ပူးပေါင်းရင်းမြစ်များ

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

Job 31:20

I ghi viọ ukpọn ne a ya eto do ne ẹẹn, eto ne ọ ke oghẹn ohuan mwẹ rre, ẹghẹ nii, ọ ghi ya ekhọe ẹre hia tian mwẹ.

Job 6:14

“Ẹghẹ ọlọghọmwa vbenian, avbe ọse ne ọ guobọmwa ọ re I ho. Adeghẹ I fi iyeke gbe Osanobua ra ẹn o.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Jerimaia 7:5

Wa fi vbene uwa ya yin hẹ werriẹ ne uwa vbe dobọ emwi ne uwa ru yi. Wa ghi gha yin da egbe ẹse.

Ezikiẹl 18:8

Ẹ i rhie igho isu ne ọmwa. Ọ he ne ọ ru orukhọ, ọ vbe ta uhunmwu ẹmwẹ vbe ẹmwẹ ne a wẹ ne a guan yi hia.

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Hozia 12:7

E Nọyaẹnmwa khare wẹẹ, “Emwa nii vbe zẹ ibeleku zẹ vbene ivbi e Kenan ye ọ re ivbi Izrẹl wa khin. Esike ne ẹ i maa ọ re iran ya mu emwa ni gu iran do ẹki ru. Iran ghi gha kha wẹẹ,

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Emọs 5:24

Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Zẹkaraia 7:7

Uhunmwu ne Nọyaẹnmwa vbe gie avbe akhasẹ ni karo ọ re ọna khin vbe ẹghẹ ne Jerusalẹm na gha rre atẹ vbe ne ẹvbo na vuọn rẹn, ne ẹvbo na vbe vuọn avbe ore nekhua ni lẹga ẹre, kevbe isoko ni rre odẹ ekẹn vbe ototọ oke.

Zẹkaraia 7:8

E Nọyaẹnmwa keghi gie Zẹkaraia uhunmwu na wẹẹ,

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Iyẹn ne ọ Maan Ọghe Luk 11:42

“Ọ suaa, wa ne Farisi! Wa ghae avbe emwi uwọnmwẹ negiẹrẹ hia vbe ihe igbe, rhie obọkpa ne Osanobua, avbe itehie kevbe akpọkọ kevbe avbe ebe ni dekẹe hia, wa keghi yangbe ẹmwata ne a ta, kevbe ne a gha ho ẹmwẹ Osanobua. Ọ te kei ne uwa ru ena vbe ne a i na yangbe ni dekẹe.

Iyẹn ne ọ Maan Ọghe Jọn 7:24

Wa ghẹ gha lele erriọ I họn bu ohiẹn, wa gha lele odẹ ẹmwata bu ohiẹn.”

Iyẹn ne ọ Maan Ọghe Jọn 7:51

“Zẹ vbene Uhi ima khare, vbe ẹ i re te a họn ne unu ọmwa nẹ ne avbe rẹn otọ emwi ne ọ ru a i sẹtin bu abe gbe ẹe.”

Diuteronomi 22:1

“U gha bẹghe ẹre ighẹ ẹmila ra ohuan ọghe ovbi Izrẹl ne ihua ra lẹ fua, ghẹ fi aro a, ya mu ẹẹn werriegbe gie ẹe.