Zẹkaraia 7:7 - Edo Bible (E Baibol Ẹdo) Version 1996

⁷ Uhunmwu ne Nọyaẹnmwa vbe gie avbe akhasẹ ni karo ọ re ọna khin vbe ẹghẹ ne Jerusalẹm na gha rre atẹ vbe ne ẹvbo na vuọn rẹn, ne ẹvbo na vbe vuọn avbe ore nekhua ni lẹga ẹre, kevbe isoko ni rre odẹ ekẹn vbe ototọ oke.

Zẹkaraia 7:7 ပူးပေါင်းရင်းမြစ်များ

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Jerimaia 13:19

Avbe okpẹvbo ni rre odẹ ekẹn e Juda, okuo ghae gae ẹre nẹ, ọmwa ne ọ gha miẹn ehe la sẹ eke ne iran ye irrọ. A viọ ivbi e Juda hia kpao gha rrie iwe nẹ.”

Jerimaia 17:26

Emwa gha ke avbe okpe vbo e Juda, kevbe avbe igue ni lẹga Jerusalẹm rre, iran gha ke otọe Bẹnjamin rre, kevbe avbe ototọ oke kevbe uhunmwu oke rre, kevbe ke odẹ ekẹn Juda rre. Iran gha viọ ese ne a giẹn uan rrie Ọgua Osa mwẹ deba ese ne a zọọ, imuohan ọghe ọka kevbe eturari, kevbe imuohan ekpọnmwẹ.

Jerimaia 22:21

Ẹghẹ ne agbọn na gha ma ruẹn, e Nọyaẹnmwa guẹ guaan, sokpan, u ma zẹ yọ ẹre re. Erriọ ọ re uwa ya ẹdẹ agbọn ruẹn hia gha ru ẹe. U ma he họn ẹmwẹ ne Nọyaẹnmwa ẹdẹ.

Jerimaia 32:44

Emwa gha dẹlẹ ọe, a ghi vbe gbẹnnẹ ebe, a ghi gha rhie obọ yọ, a ghi vbe gha ru osẹe yọ. Ena hia gha sunu vbe otọe e Bẹnjamin, vbe avbe igue ni lẹga e Jerusalẹm, avbe okpẹvbo e Juda, avbe okpẹvbo ni rre avbe ẹvbo uhunmwu oke, ni rre odẹ ototọ oke, kevbe odẹ ekẹn e Juda. I gha dọlegbe viọ avbe emwa na gha rrie ẹvbo iran. Mẹ ne Nọyaẹnmwa tae nẹ.”

Jerimaia 33:13

Vbe adesẹ ore ẹvbo avbe uhunmwu oke, kevbe avbe ototọ oke, kevbe ahọ ọghe Juda, vbe agbọn ẹvbo e Bẹnjamin, igue hia ni lẹga Jerusalẹm, kevbe avbe okpẹvbo ni rre e Juda, ẹre avbe ọsuohuan gha na vbe dọlegbe gha ka ohuan iran, mẹ ne Nọyaẹnmwa, taa ẹe nẹ.”

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Jerimaia 7:5

Wa fi vbene uwa ya yin hẹ werriẹ ne uwa vbe dobọ emwi ne uwa ru yi. Wa ghi gha yin da egbe ẹse.

Zẹkaraia 7:12

iran keghi ye ekhọe iran wegbe zẹ vbe okuta nọkhua. Rhunmwuda ne iran ma na zẹye emwi ne I la obọ avbe akhasẹ ni rrọ vbe ẹghẹ ne ọ kpẹre ma iran re, ohu keghi mu mwẹ ẹsẹse.

Zẹkaraia 7:6

Iran gha re, iran gha da, rhunmwuda ne iran miẹn ehe na re ne ẹko vuọn iran nọ.”

Zẹkaraia 7:8

E Nọyaẹnmwa keghi gie Zẹkaraia uhunmwu na wẹẹ,

Diuteronomi 34:3

odẹ ekẹn Juda, kevbe otọ ne ọ rriẹe ne ọ ke Zoa ya sẹ Jẹriko ne ẹvbo Udin.