Zẹkaraia 7:2 - Edo Bible (E Baibol Ẹdo) Version 1996

² Ivbi e Bẹtẹl keghi ka gie Siarezẹ kevbe Regemelẹk kevbe ikpia eso gha rrie Ọgua Osa e Nọyaẹnmwa ne Oghodua ne iran do na erhunmwu afiangbe,

Zẹkaraia 7:2 ပူးပေါင်းရင်းမြစ်များ

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

Ẹzra 6:10

Te a wẹ ne a ru ọna ne iran na gha zọ ese ne ọ gha yẹ Osanobua Ẹrinmwi, ne iran vbe na erhunmwu mẹ ne ọ fiangbe imẹ vbe emọ.

Ẹksọdọs 32:11

Sokpan e Mosis keghi rinmwian e Nọyaẹnmwa ne Osanobua ẹre, ọ wẹẹ, “Vbọzẹ yi e Nọyaẹnmwa ne u na gie ohu emwa ruẹn muẹn sẹrriọ, emwa ne uwẹ fannọ hin ọviẹn rre vbe Igipt vbe ekpa ẹtin kevbe iwẹgbe?

Aizaia 60:7

Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Zẹkaraia 6:10

Ọ wẹẹ, “Viọ emwi ihaoko ọghe iran ni rre iwe ighe Heldai, Tobaija kevbe Jedaia, ne uwa gha rrie owa e Josaia ne ovbi e Zẹfanaia ọwarọkpa. Emwa na hia ke iwe rre nẹ ke Babilọn gha dee.

Zẹkaraia 8:21

Iran ni ke ẹvbo ọkpa rre ghi tama ni ke nọkpa rre wẹẹ, ‘Ma ra ya ga e Nọyaẹnmwa ne Oghodua, ne a vbe nọ afiangbe ẹre. Lele ima gha khian.’

I Samuẹl 13:12

Ọ re I na roro ẹe wẹẹ, ‘Te ivbi e Filistin ra do gun mwẹ gbinna vbe e Gilgal mwa na, I ma he nọ iyobọ e Nọyaẹnmwa, ọ re I na wẹ te I gha zọ ese nii.’ ”