Zẹkaraia 7:14 - Edo Bible (E Baibol Ẹdo) Version 1996

¹⁴ I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Zẹkaraia 7:14 ပူးပေါင်းရင်းမြစ်များ

II Krọnikol 36:21

Erriọ ọre a na miẹn wẹ ẹmwẹ ne Nọyaẹnmwa la unu e Jerimaia ne akhasẹ ta ye otọ do sunu wẹẹ, “Otọe ni gha dihoi rua la ukpo ekigbesiyenẹ ne ọ gha rre ihẹ uhẹwẹmwẹ Ẹdẹ Ikẹtin ne iran ma ghi zẹ yi.”

Psalm 58:9

Vbe iran te rẹn, te a gha gbẹn iran kua vbe irunmwu. Osanobua gha hoho iran kua vbe ohu ẹre ne ọ wegbe, vbe iran ma he wulo.

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 21:1

Uhunmwu ne ọ gie rre vbekpa e Babilọn ọ re ọna khin. Ọkhọ gha ke ẹvbo ne ọ ye afianma fian ọmwa guọnmwẹ rre, zẹ vbe ẹhoho ẹziza ne ọ la ato gberra.

Aizaia 60:15

“A i ghi ra he uwẹ yotọ ra ne a gha khu iwu ruẹ, ẹvbo ne a na lẹkua, ne ọ dihoi rua, I gha ya a khian nọkhua kevbe ne ọ mose ehe oghọghọ ẹdẹ kevbe ẹdẹdẹmwẹdẹ.

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Jerimaia 23:19

Okpẹhoho ọ re ohu ẹre khin, ẹhoho ne ọ wegbe ne ọ gha khọn la uhunmwu avbe emwa dan.

Jerimaia 30:23

Okpẹhoho ọ re ohu e Nọyaẹnmwa khin, okpẹhoho ọbanabe ne ọ gha guọmwẹ la uhunmwu avbe emwa dan. Ẹ i ra dobọyi vbe ọ ma ru emwi ne ọ ho ne ọ ru fo nẹ. Avbe emwa rẹn gha rẹn otọ emwi na fo ẹse vbe ẹghẹ ne ọ dee.

Jerimaia 36:19

Iran keghi tama rẹn wẹẹ, “Wẹ vbe Jerimaia hẹko ya lẹre wa ghẹ gie ọmwarhọkpa rẹn ehe ne uwa ye.”

Jerimaia 44:6

“Rhunmwuda ọnii, I ke hihiẹẹ ohu kevbe okuosu mwẹ yan avbe ẹvbo ni rre Juda, kevbe avbe idunmwu ni rre Jerusalẹm I na rhu erhẹn ye ehia. A keghi ya ehia khian itowa kevbe ne ọ ghi mianmwẹ ughe, zẹ vbene iran ye ẹdẹ nẹrẹ na.

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Jerimaia 52:30

Ọ ghi rre ukpo ehayan ugie, arhin isẹn yan ikiọkhọ yan arriaeha (745) ne Nebuzaradan viọ kpao. Ehia keghi do gha re arraeha yan arriaisẹn enẹ (4,600).

Ezikiẹl 12:19

U ghi tama avbe uhunmwu ẹvbo hia wẹ uhunmwu na ọ re Nọyaẹnmwa ne Udazi gie gie ivbi e Jerusalẹm ni ye rre otọ iran. Iran gha guọ vbe iran a gha rri evbare, iran ghi vbe gha mian ba ẹmwẹ ohan vbe iran a gha wọn amẹ. A gha wabọ emwi hia hin otọe iran rre rhunmwuda iran ni rrọ, emwa dan iran khin.

Ezikiẹl 22:15

I gha zagha emwa ruẹn gba otọ kevbe uhunmwu ẹvbo hia, I ghi kie ẹre ukpe ighe emwi dan ne uwa ru.

Ezikiẹl 5:10

Rhunmwuda emwi na, evbibiẹ emọ gha gbele ivbi iran re vbe Jerusalẹm, emọ ghi vbe gha rri evbibiẹlẹ iran. I gha rri uwa oya, iran ni ghi vbe kẹe vbọ, ni ghi rre agbọn, I gha zagha iran gba ehe hia.

Daniẹl 8:9

Igho ọkpa kherhe keghi vbe zọ ladian vbe uwu ọkpa vbe uwu igho enẹ na, ẹtin ẹnrẹn keghi nien obọ sẹ odẹ ekẹn kevbe ahọ kevbe ghe Otọe Eyan nii.

Hozia 9:17

E Nọyaẹnmwa ne imẹ ga gha he avbe emwa rẹn yotọ, rhunmwuda iran ma danmwehọ ẹre, iran gha khian emwa ni ghi ghogho yo ghogho rre vbe ẹvbo ọvbehe.

Joẹl 2:3

Iran rri irunmwu uan zẹ vbe erhẹn, Vbe odaro iran, ugbo yevbe Ogba Idẹni sokpan, iran gha la ẹe gberra nẹ, ọ ghi yevbe ato ne emwi rhọkpa i ye. Emwiọkpa ne ọ lẹ iran fe i rrọọ.

Levitikọs 26:22

I ghi gie aranmwẹ oha dan la uwu uwa, iran ghi gha gbele avbe ivbi uwa, iran gha fuẹn avbe ẹmila uwa a, wa ne ọ gha sẹ rae ghi gha re ibozẹghẹ sẹrriọ wẹ a i ghi ra gha miẹn emwa vbe urodẹ rua.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Nahum 1:3

Ohu i rherhe mu e Nọyaẹnmwa sokpan rẹn mwẹ ẹtin, ẹ i gie ọmwa ne ọ rria abe gha rrie vbe ne ọ ma na rri oya. Okpẹhoho guakpao, vbe ehe ne Nọyaẹnmwa khian la; okuku amẹ, ebubẹ ne owẹ ọre gbe nọ!

Habakọk 3:14

Ifẹnmwẹ ruẹn saa arowa nọkhua ivbiyokuo ẹre, vbe ẹghẹ ne iran na rre zẹ vbe okpẹhoho ne iran do zagha ima an, ne iran na vbe giẹ ogie ọkhọ, zẹ vbe ọmwa ne ọ hẹko wọ ovbiogue uhunmwu.

Zẹfanaia 3:6

E Nọyaẹnmwa khare wẹẹ, “I ka gbe iyaẹvbo eso ogbefo yi. I dunmwu avbe okpẹvbo iran an, I keghi sẹ ekẹn iran kevbe owa ọkhẹ iran rae ye itowa. Emwa lẹ hin okpẹvbo iran rre, emwa i ghi rre ore iran, orhiọnkpa ma ke ẹe vbọ.

Zẹkaraia 2:6

E Nọyaẹnmwa tama emwa irẹn wẹẹ, “Mẹ ọ re ọ zagha uwa lele ehe hia, sokpan, banbanna nian, wa ni rre iwe, wa lẹfua vbe Babilọn ne uwa werriegbe gha rrie Jerusalẹm.

Zẹkaraia 8:1

E Nọyaẹnmwa ne Oghodua keghi gie Zẹkaraia uhunmwu na wẹẹ,

Zẹkaraia 9:14

E Nọyaẹnmwa gha ya egbe ladian vbe uwu ẹbu emwa rẹn; ọ gha fi uhanbọ ẹre zẹ vbe ayan.

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.

Diuteronomi 4:27

E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.